TVB西片《虎膽龍威》第一部重配版配音表（附第三部配音簡表）

JVT

影片名稱 虎膽龍威 Die Hard
（全系列第一部，非筋肉型小人物動作英雄片嘅復興之作，影響非常廣泛深遠以至於故事情節同台詞名句屢次被引用或者致敬）


首播日期 19/5/1990


重播日期 14/12/1990、18/5/1991、5/1/1992、20/12/1992、19/12/1993、16/12/1994、24/6/1995、?/?/200?、20/12/2003、26/11/2004、14/7/2007、17/1/2009、10/1/2009、11/9/2022


播放頻道 明珠台


備註 1988年美國電影


配音員 角色名稱 演員

陳永信（常配，喺我哋哩代人心目中布斯·韋利士嘅粵配就等於信哥把聲）——麥尊（Bruce Willis飾演）
（化名“萊”，男主角，女主角老公，1955年5月23號出世，已經服役11年嘅紐約警官，畀女主角請嚟羅省過節點知變成同恐怖分子展開連場惡戰）
P.S.：據資料顯示，該角色首配版由馮永和聲演。

陳欣（係阿Ken最熟手嘅斯文敗類角色而且睇嗰陣聽佢講台詞極之享受）——高漢斯（Alan Rickman飾演，演員已故）
（第三部台詞讀成“古漢斯”，化名“祈標”，大反派，啱啱被革除會籍嘅西德激進組織成員，率領恐怖分子騎劫羅省中臣大廈，其實都係為咗錢）
P.S.：據資料顯示，該角色首配版由張炳強聲演。

沈小蘭（小蘭姐同信哥夫妻檔所以台詞感覺講得特別自然）——麥靳荷莉（Bonnie Bedelia飾演）
（女主角，男主角老婆，為咗喺羅省嘅工作而同老公分隔兩地嘅女強人，打算趁聖誕請老公過嚟修補裂痕，唔好彩畀恐怖分子挾持而淪為人質）
P.S.：據資料顯示，該角色首配版由曾慶珏聲演。

林保全（已故，保全叔將角色內心矛盾嘅感覺配得好傳神）——鮑艾（Reginald VelJohnson飾演）
（羅省警局黑人沙展，就快做人老豆，平安夜揸車巡邏期間被派到中臣大廈檢查係唔係出咗事，結果畀男主角拖埋落水，似乎有過一段慘痛嘅經歷）
P.S.：據資料顯示，該角色首配版由源家祥聲演。

招世亮——卡爾（Alexander Godunov飾演，演員已故）
（留金色長頭髮嘅恐怖分子，手持AUG步槍，因為背負殺弟之仇而誓要手刃男主角結果反而畀對方吊起，片尾喺中臣大廈樓下被黑人沙展當眾擊斃）

李錦綸（哩種講嘢幽默嘅角色完全開正佢嗰範）——西奧（Clarence Gilyard Jr.飾演）
（四眼黑人恐怖分子，口水多過尿，負責幫大反派解開保險庫七道鎖，影片末段喺中臣大廈停車場準備撤退嘅時候畀黑人轎車司機一拳打暈）

張炳強（退行，炳強叔成功表現出角色嘅愚蠢）——羅杜安（Paul Gleason飾演，演員已故）
（羅省警局副局長，黑人沙展上司，冇料又要扮四條，畀班恐怖分子當傻仔咁玩，遭到男主角同黑人沙展一致鄙視）

鄺樹培（退行）——亞佳（De'voreaux White飾演）
（中臣集團下屬黑人轎車司機，以前開過的士所以口水多過茶，幫男主角度橋追妻，等男主角期間畀恐怖分子無意中連人帶車韞住喺停車場）

馮錦堂——艾斯（Hart Bochner飾演）
（滿面鬍鬚嘅中臣集團國際發展部主管，疑似吸毒，對女主角有企圖，影片中後段自以為可以幫恐怖分子捉住男主角解除危機，簡直係趕住投胎）

蘇強文——方李察（William Atherton飾演）
（無良記者佬，為博出位首先到達世紀城仲強行採訪男女主角一對仔女，導致女主角頓時身陷險境，片尾畀女主角當住攝影機打咗塊面一拳）

陳曙光（退行）——約瑟·田垣義伸（James Shigeta飾演，演員已故）
（英文名簡稱“祖”，1937年生於京都，中臣貿易公司總裁兼中臣投資集團副主席，女主角上司，有五個細路，拒講保險庫密碼而被大反派槍決）

潘文柏——艾迪（Dennis Hayden飾演）
（負責看守中臣大廈大堂嘅恐怖分子，影片中前段黑人沙展嚟睇情況嗰陣扮睇緊比賽，影片末段畀男主角用最後一粒手槍子彈打中額頭而死）

潘文柏——莊（Robert Davi飾演）
（白人豆皮佬FBI探員，要求切斷中臣大廈附近電源反而幫大反派開埋最後一道鎖，影片後段又差啲濫殺好人想射死男主角，被天台爆炸波及死亡）

梁志達——莊（Grand L. Bush飾演）
（黑人FBI探員，同白人豆皮佬FBI探員一齊坐直升機飛上中臣大廈上空，同拍檔一齊被天台爆炸波及死亡）

雷霆——費茲（Hans Buhringer飾演）
（留咖啡色長頭髮嘅恐怖分子，首先喺中臣大廈30樓lift口發現第一個死嘅恐怖分子條屍，影片中後段一出33樓電腦室lift口就被男主角掃射身亡）

林國雄——尤利/尤尼（Al Leong飾演）
（台詞兩種讀法都有，頭頂地中海又留鬚嘅亞裔恐怖分子，影片後段將人質帶上天台之後想走嗰陣一開門就畀男主角用手槍連開幾槍做瓜）

林國雄——東尼（Andreas Wisniewski飾演）
（第一個瓜柴嘅恐怖分子，鞋碼超細嘅四眼短金毛，金色長毛恐怖分子嘅細佬，影片前段喺中臣大廈31到32樓樓梯間同男主角糾纏並碌落梯級致死）

蘇強文——馬高（Lorenzo Caccialanza飾演）
（本來喺中臣大廈天台幫手佈置電線嘅黑頭髮恐怖分子，影片中前段喺34樓會議室企喺枱上換完彈匣想打死男主角之際畀男主角先發制人隔枱槍殺）

陳卓智——韓力（Gary Roberts飾演）
（本來負責喺中臣大廈佈置炸藥嘅黃色攣毛恐怖分子，影片中前段喺34樓會議室想突施偷襲，結果畀眼明手快嘅男主角搶先射殺）

黃鳳英（正斗英配嘅時候專門學口音以表現角色係外籍人士）——保娜（Betty Carvalho飾演）
（女主角喺羅省屋企嘅保姆，被無良記者佬威逼誘騙之下被迫開門畀佢哋採訪男女主角對仔女，令女主角真實身份即時暴露喺大反派面前）

陸惠玲——麥露茜（Taylor Fry飾演）
（男女主角個女，因為喺羅省屋企接受無良記者佬採訪出鏡導致女主角係男主角老婆嘅真實身份徹底暴露）

陳卓智——法蘭（Bruno Doyon飾演，演員已故）
（本來負責看住中臣大廈30樓班人質嘅黑色攣毛恐怖分子，影片中後段喺33樓電腦室圍攻男主角嗰陣膝頭被幾發子彈打穿，個頭撞爆玻璃而死）

招世亮——Alexander（全片冇提過角色名，Joey Plewa飾演）
（負責觀察同引導火箭炮發射嘅恐怖分子，影片中段畀男主角用C4連同另一個留馬尾辮嘅恐怖分子齊齊炸成飛灰）



另附同第一部有劇情關聯嘅第三部配音簡表（TVB應該係冇版權所以今輪冇播）：

陳永信——麥尊（Bruce Willis飾演）
招世亮——賈宙斯（Samuel L. Jackson飾演）
陳欣——古西蒙/祈彼得（Jeremy Irons飾演）
張炳強（退行）——曲華特（Larry Bryggman飾演）
黃子敬——林中（Graham Greene飾演）
沈小蘭——高康妮（Colleen Camp飾演）
林保全（已故）——查理（Kevin Chamberlin飾演）
林國雄——唐馬菲（Nick Wyman飾演）
盧國權——汪韋基（Anthony Peck飾演，演員已故）
袁淑珍——賈Raymond（全片冇提過角色名，Aldis Hodge飾演）
雷碧娜——賈Dexter（全片冇提過角色名，Michael Alexander Jackson飾演）
林保全（已故）——裘安迪（Charles Dumas飾演）
林國雄——謝比爾（Michael Cristofer飾演）
梁耀昌（退行）——謝利（Joe Zaloom飾演）
林保全（已故）——列菲力（John C. Vennema飾演）
林國雄——舒法德（Stephen Pearlman飾演，演員已故）
盧國權——卡爾（Sven Toorvald飾演）
鄺樹培（退行）——Rolf（全片冇提過角色名，Rob Sedgwick飾演）
林丹鳳——Jane（全片冇提過角色名，Sharon Washington飾演）
黃鳳英——馬（Franchelle Stewart Dorn飾演）
盧國權——工頭（John Doman飾演）

JVT

试下用手机版睇下调唔调得到正体“锦”字

JVT

终于唔驶惊打下打下正体字成篇嘢冇晒啦……

simba82

美国D警察个个都做到家庭破裂，治安差成甘。

神之影

直接爆高楼大夏？

JVT

simba82 发表于 2022-10-23 16:50
美国D警察个个都做到家庭破裂，治安差成甘。

以前主要系穷，而家仲衰，郁啲就话你种族歧视

生化之父

第3集保全叔竟然1个人声配3个角色？厉害……

JVT

生化之父 发表于 2022-10-23 17:38
第3集保全叔竟然1个人声配3个角色？厉害……

好正常，权叔都系三个以上

DayZZinG

JVT 发表于 2022-10-23 13:37
正体“锦”字打出嚟系乱码

其實如果你想用個 錦_ 字，可以好似我咁打，跟住條下劃線 "_" 就唔會亂碼架喇
一日系統未修復好（唔知要等幾耐），都係要麻煩啲

aaaahk

資料好詳盡
謝謝分享