TXB明珠台电影《无字头四杀手》配音表
本帖最后由 joe2010 于 2024-4-28 16:44 编辑影片名稱：無字頭四殺手 The Big Hit
備註 1998年美國電影
翻譯：張振鳴
明珠臺電影《無字頭四殺手》，又名「好膽別走」，系一部喜劇動作片
本故事純屬虛構，如有雷同實屬巧合
角色名稱：（演員）配音員
冼馬雲：（麥克·華保 飾演） 李錦綸
男主角，米國邁阿密某幫派集團職業殺手，技術精湛，雖然收入不菲，無奈男主嘅未婚妻同情婦太過揮霍無度，使男主時常經濟拮據，為咗解決經濟問題，馬雲不得不接下一單私夥買賣，幫同事綁架一位日本富商嘅千金西惠子，不料卻惹落大麻煩，比殺手集團成班人追殺……
志高：陳欣
男主角喺幫派嘅同事兼拍檔，殺手小組頭目，自稱系帶男主入行嘅師父，為人既貪功又縮骨，經常揾男主角笨，私自聯同幾位拍檔策劃實施咗一單綁架行動，準備勒索一百萬美元贖金，點知佢地嘅綁架目標啱好系殺手集團老大嘅義女，自私嘅志高為求自保，出賣咗馬雲，將全部責任都推晒比男主角，甚至仲親自帶隊追殺男主……
錦全：梁志達
男主角嘅同事兼拍檔，殺手小組成員之一，系個光頭黑人，有份參與綁架事件，事發後立即走佬並通知男主快D著草（逃跑避風頭）
阿甘：馮錦堂
志高嘅馬仔，講嘢有少少漏口，有份參與綁架事件，志高為怕自己系幕後主謀嘅真相敗露，用計誘導阿甘栽贓比男主，並將其滅口
西惠子：（周佳納 飾演） 鄭麗麗
女主角，日企富商家嘅千金，仲喺大學讀緊書，亦系男主幫派集團老大嘅義女，被綁架後嘅囚禁期間，她開始同情男主角嘅遭遇，甚至逐渐互相喜歡上對方，最後同马雲成咗一對
西次郎：源家祥
女主角嘅父親，日企工業巨子，西氏電器老板，原本系米國東岸最有錢嘅富商，得知愛女遭綁架後，由于公司投資失敗已經瀕臨破產，只好向好友巴老大致電求助，片尾憑借綁票案故事剧本投資拍電影令公司成功翻生
巴老大：張炳強
女主角嘅義父（教父），西次郎嘅好友，幫派老大兼殺手集團首腦，得知義女被綁架後，指派手下志高帶隊去解救並要做低綁匪出氣
凌西：雷霆
女主角嘅男同學，搭女主角順風車時意圖強行對其郁手郁腳，比假扮司機嘅男主一槍隊冧
舒碧文：陳凱婷
男主角嘅未婚妻，表面上好愛男主，實際系貪圖男主做殺手所賺翻嚟嘅巨額收入，不僅將賺到嘅錢揮霍一空，更動用男主嘅積蓄全數拿去替自己家人還債，得知男主比人追殺後立即跟男主分手
舒莫頓：林國雄
碧文嘅老豆，男主角嘅未來外父，有貪杯嘅嗜好，一飲醉就將自家人嘅「好事」全部爆晒出嚟
舒簡妮：林丹鳳
碧文嘅老媽，男主角嘅未來外母，教個女先將馬雲副身家榨幹榨凈，然後再反對二人嘅婚事
彩桃：沈小蘭
男主角嘅情婦，見慣世面嘅拜金女，仲背住男主偷偷養咗件軟飯王情夫，刮咗馬雲一大筆錢後同男主攤牌掟煲
頂好影視店店員：招世亮
男主角租咗餅《金剛》續集錄影帶好耐冇還（比彩桃嘅情夫攞咗），租帶鋪經常打電話嚟催還帶，男主搶番餅錄影帶去還帶
偉成：招世亮
男主角嘅同事兼拍檔，殺手小組成員之一，片尾幫手開車載馬雲接走西惠子一齊遠走高飛
其他配音人員：張英才、鄺樹培、盧國權…等
本帖最后由 joe2010 于 2024-4-21 22:30 编辑
呢部电影《无字头四杀手》，李锦纶都算系男主角麦克·华保嘅常任配音嘛，佢配电影把声经常有种冷面笑匠嘅感觉，网上话女主角周佳纳虽然系中德日混血儿，但面相五官带有传统东方气韵，温和中透露出一丝狡黠，觉得郑丽丽嘅配音同演员角色简直衬到绝啊 {:9_379:}未睇过呢部，有冇资源？ 又何年的古董，没见过先 joe2010 发表于 2024-4-21 15:22
呢部电影《无字头四杀手》，李锦纶都算系男主角麦克·华保嘅常任配音嘛，佢配电影把声经常有种冷面笑匠嘅感 ...
李锦纶嘅配音技巧多变、万能，可惜咁好用嘅配音员都要离职 本帖最后由 joe2010 于 2024-4-21 19:24 编辑
snzt 发表于 2024-4-21 19:04
李锦纶嘅配音技巧多变、万能，可惜咁好用嘅配音员都要离职
嗯，李锦纶配音把声都算系能文能武，宜古宜今，庄谐兼备，离开配音组的确好可惜 好冇体嘎##128515; 好舊的電影了 剧情有意思，得闲睇下
页:
[1]
2