電影(5)《鬼咬鬼》配音表
本帖最后由 ncyee 于 2025-9-2 08:23 编辑《鬼咬鬼》，1990年上映，寶祥影業出品，劉觀偉執導，黃炳耀編劇。
自從《殭屍先生》出現「一個強悍師傅+一個面懵懵嘅徒弟+一個打得下嘅徒弟」嘅師徒組合，後來殭屍片幾乎必有呢個鐵三角。《殭屍先生》嘅鐵三角屬於原祖級，而本片出現嘅鐵三角堪稱最強祖合：
相較秋生與文才，肥寶與小海更有兄弟情。
當時洪金寶嘅事業未如理想，連接幾部電影反響一般，於是決定再戰靈幻功夫電影，希望延續靈幻三部曲輝煌。但自從《殭屍先生》大收，市面湧現大量跟風作，觀眾睇到唔想睇，該類型片陷入低潮，黃鷹唔信邪，結果喪命；洪金寶到底係大哥大，保底無問題，只係電影未能大爆咁啫。
個人認為，靈幻三部曲主調係民間俗異，十分市井且趣味豐富；《鬼咬鬼》有娛樂性，但民俗元素相對少咗，品味起嚟就無三部曲咁有趣。《鬼咬鬼》勝在情懷滿滿，洪金寶+林正英絶對係最大賣點，劇中角色除反派外都係善良可愛小人物，相處之間有溫情，正常到令人眼前一亮，呢個都算係優點啦。
配樂搵咗盧冠廷做，聽落陣陣幽異，唔比老拍檔陳勳奇差。
出場序：
角色名（演員名）：配音員：簡介
九叔（林正英）：朱子聰：比《殭屍先生》嘅九叔年輕有活力，經常與徒弟們用互坑互害嘅方式展現師徒愛
肥寶（洪金寶）：林保全：老實好人，為珠女而同史公子結怨，為儲錢娶珠女而遇到女鬼。身手當然不差，而且竟然可以幫女鬼上藥，都算功力深厚
村民：賈鳳梧
小海（孟海）：吳忠泰，感謝haha07補充：肥寶師弟，有情有義精乖伶俐。英叔在靈幻電影裡有過好多弟子，唔計洪金寶，在歷任弟子中最可靠最好心嘅非小海莫屬！順腳踩下《靈幻先生》中樓南光飾演嘅阿強，佢係最衰格最黑心嘅一個。
朱老爺（葉榮祖）：本人原聲：飯館老闆，珠女父親，嫌貧愛富，想毁婚約將珠女嫁俾史公子，結果得到含X嘅下場
珠女（龔慈恩）：陸惠玲：係肥寶指腹為婚嘅未婚妻，對肥寶一條心。雖然係故事催化劑，但除顏值外並無亮點
史公子（林敏聰）：本人原聲：有財有勢又咸濕又神化
蠱法師（黃蝦）：賈鳳梧：識蠱術又識降頭，睇造型就知好人有限
何老闆（溫育輝）：陳欣：將街邊粥檔賣俾肥寶嘅老闆
兒童：陸惠玲？：龍套
路人（張國強）：馮志輝：負責買毽子
小紅（王文君）：何錦華：善良又有孝心嘅女鬼。帶住阿媽投親不成，不知因何身死，為照顧盲眼阿媽而留在人間。身為鬼物唔單止能接觸實物，居然仲可以生火煲藥，可見道行高深
小紅母（譚倩紅）：陶碧儀：雙目失明，一直唔知小紅已死，直到九叔踢爆，咁先坦然接受女兒已死嘅事實
小紅幻化嘅珠女（龔慈恩）：何錦華：為幫肥寶搵錢而找上史公子，幾乎蝕底
僕人：丁羽：龍套
被小紅上身嘅肥寶（洪金寶）：林保全
當時陸惠玲、陳欣、馮志輝仲係亞視打工，應該係齊齊搵外快。那年代陳欣好活躍好多電影都聽到佢把聲，金貴叔過身後，英叔嘅配音都有俾陳欣做，不過老實講，陳欣當時仲年輕，配中老年唔係咁貼合
九叔
肥寶與小海
珠女
小紅
對手真係靚
蠱法師與史公子，睇樣都知道係反派
搽到成面粉嘅常威，咳，唔係，佢其實係當時仲係叫倪星嘅鄒兆龍 配音表介绍好详细 画质好清 陈欣，6玲，仲系亚视时期呀 多谢楼主分享配音表，呢部电影都几好睇啊 joe2010 发表于 2025-8-8 19:01
多谢楼主分享配音表，呢部电影都几好睇啊
呢部係幾好睇㗎，不過無乜水花囉 snzt 发表于 2025-8-8 17:23
陈欣，6玲，仲系亚视时期呀
配音員多數兩頭走，陳欣算係過檔過得早，當然陸惠玲過得更早 洪金宝御用配音：林保全 哩部都幾好睇 林师傅经典