TXB動畫《新蜘蛛俠》部分配音表
本帖最后由 joe2010 于 2025-11-4 11:12 编辑影片名稱：新蜘蛛俠（Spider-Man）
備註 1994年米國TV動畫
本故事純屬虛構，如有雷同實屬巧合
PS：配音表不全，只得其中一部分，敬請諒解，如果有部分寫得唔啱，歡迎指正
角色名稱：配音員（無線TXB粵語版）
柏彼得/蜘蛛俠：張錦江（前期），蘇強文（中後期）
男主角，紐約市帝國州立大學理科高材生，喺一次放射線實驗中被具有放射線嘅蜘蛛咬到，擁有咗神奇嘅超能力，並以蜘蜘俠嘅身份喺城市擔當義警打擊罪惡，遭遇過迷茫挫折，經歷過失敗又重新振作，成為一名出色嘅正義領袖同超級英雄
阿美姨：區瑞華
柏彼得嘅嬸嬸，柏彼得喺紐約市最重視嘅唯一親人
安娜姨：蔡惠萍
阿美姨嘅好友，鐘瑪莉嘅嬸嬸
鐘瑪莉：雷碧娜
女主角，柏彼得嘅摯愛，大學表演系女生，同柏彼得系喺相睇對象時結識
夏花拉/黑貓：陸惠玲
夏氏企業嘅千金，同柏彼得系大學同學，通過超級英雄配方改造獲得超能力成為反英雄人物「黑貓」，同蜘蛛俠有感情線
夏莉安莎：林丹鳳
夏氏企業老板，夏花拉嘅母親
靈貓：盧國權
夏莉安莎嘅丈夫，夏花拉嘅父親，以前系著名嘅神偷，被收押喺神盾局監獄，有過目不忘嘅天賦，偶然機會睇過超級英雄機密配方，將女兒改造成反英雄「黑貓」
康納斯博士/蜥蜴人：招世亮
帝國州立大學生物學教授，柏彼得嘅老師兼好友，以前曾喺戰場上失去一只手臂，基於蜥蜴再生能力研發出含蜥蜴DNA嘅血清，註射後斷臂雖再生卻變異為半人半蜥蜴嘅蜥蜴人，在蜘蛛俠幫助下通過基因重組器恢復常人
韋黛娜：黃麗芳
柏彼得嘅大學同學，康博士嘅女助手，具有天才科學家潛質
費湯美：黎偉明
柏彼得嘅大學同學，夏花拉嘅前男友，同韋黛娜有感情线
詹祖拿：陳曙光
紐約市報業及传媒大亨，系柏彼得兼職做攝影記者嘅報社老板
羅比：陳欣
報社黑人編輯，柏彼得嘅同事兼好友
蠍子怪：張炳強
本名唐馬克，系受雇於詹祖拿調查蜘蛛俠嘅私家偵探，喺一次科研實驗中穿上蠍子戰衣被改造成蠍子怪，實力強大，蠍尾噴出嘅液體具有強烈腐蝕性
費韋遜/大鱷：源家祥
費氏工業老板，實際系紐約市黑幫大佬，紐約市一切罪惡嘅源頭及幕後黑手，本劇最大反派人物之一
費理察：郭志權
費韋遜嘅兒子，曾嫁禍陷害柏彼得犯叛國罪，後來真相被揭露，理察被判入獄
莫馬特/鐵膽奇俠：陳欣
紐約著名盲人律師，大鱷嘅死敵，夜晚化身鐵膽奇俠維護正義，亦系柏彼得嘅辯護律師，同蜘蛛俠聯手幫柏彼得洗脫叛國罪名
史賓斯博士：張英才
機械人製造專家，幫奧氏集團研發製造咗機械蜘蛛殺手
阿里斯：梁耀昌
史賓斯博士嘅兒子，亦系機械天才，為大鱷幫派效力對付蜘蛛俠，後被大鱷改造成蜘蛛殺手
幻影人：林保全
原本系電影特技師，利用超微型特技設備製造幻象進行犯罪
八爪魚博士：陳永信
本名奧托屋大維，系研究冷聚合技術嘅物理學家，曾經系柏彼得嘅老師，某次實驗失敗導致身上連接上四條機械手臂，屬於有智慧和知識嘅反派之一
犀牛人：陳欣
身穿犀牛戰服嘅反派，力大無比，不過智商有限
電擊人：盧國權
身穿電擊戰服嘅反派，雙手能發射電磁沖擊波
淩荷拔博士：林國雄
淩氏集團總裁，生物基因工程科研專家，曾提出要消滅一切變種人嘅計劃，後自己跌入基因變異試劑里面，亦變成半人半怪物嘅變種人，成為大鱷嘅合作夥伴
沙基/獵人奇雲：盧國權
俄國貴族後裔，系狩獵專家，喺非洲一次狩獵負重傷被神秘藥水治好成為獵人奇雲，但副作用系性格變得野蠻暴戾
郭瑪麗博士：蔡惠萍
沙基嘅女友，女生物學家同血液基因專家，研發出解毒血清祛除獵人奇雲嘅野蠻暴戾性格，曾用血清幫蜘蛛俠壓製體內嘅蜘蛛變異細胞
懲罰者：盧國權
本名卡法蘭，精通格鬥術與槍械，奉行以暴製暴原則對付罪惡，系反英雄人物，曾追捕過變異後嘅蜘蛛形態蜘蛛俠
莫米高：林國雄
帝國州立大學歐洲交換生，為治愈家鄉嘅一種疾病而對吸血蝙蝠進行科研實驗，其中一只吸血蝙蝠吸食咗莫米高偷返來分析嘅柏彼得血液樣本後咬傷咗米高，令佢產生變異成為一個吸血僵屍，同夏花拉有感情線
李泰莉：林丹鳳
紐約市黑人女警官，對近日紐約市發生嘅多宗市民被神秘怪物吸血受傷案件進行調查
刀鋒戰士：黎偉明
吸血僵屍獵人，自身亦具有吸血僵屍血統，但能在白天正常活動，專門獵殺吸血僵屍
惡鬼：黃子敬
職業殺手，奧氏集團曾經雇傭惡鬼嚟暗殺大鱷
奧斯邦/綠色惡鬼：張炳強
奧氏集團董事局主席，某次研究化學氣體時實驗室爆炸，奧斯邦暴露於綠色氣體中，這種氣體增強咗佢嘅智商同力量，使其腦海裏產生出另一面邪惡人格，在此人格驅使下，奧斯邦利用自身強大財力，製造各種高科裝備後化身綠色惡鬼，同大鱷爭奪犯罪王國寶座
奧夏利：馮錦堂
奧斯邦嘅兒子，同柏彼得系大學同學兼好友，柏彼得為咗保护蜘蜘俠身份秘密及鐘瑪莉安全曾經同瑪莉短暫分手，奧夏利喺嗰個時期同鐘瑪莉有感情線
菲歷克：陳欣
美國國家安全秘密機構神盾局指揮官
娜塔莎：盧素娟
神盾局女幹員，菲歷克麾下頭號特工
變色龍：李錦綸
神盾局通緝犯，通過變身皮帶拍下對方影像照片，即可隨意變身為對方，極為危險
白莫利/液體人：郭志權
鐘瑪莉讀高中時嘅前男友，二人分手後莫利參加海軍，喺某次海上作業時意外被水下氣體改造成液體人，能夠令身體轉化成液體和控製周圍嘅水流
施偉民/白頭佬：林國雄
紐約黑幫大佬，勢力僅次於大鱷，想奪取帝國州立大學實驗室嘅時間石碑回復年青
施愛麗：黃鳳英
白頭佬嘅女兒，柏彼得嘅大學同學，為時間石碑嘅秘密而接近柏彼得
僵屍：陳永信
本名朗尼，白頭佬嘅手下，接觸過化學液體後體格得到強化同不怕毒氣
禿鷹：張英才（老年），郭志權（青年）
本名屠艾迪，系電子工程專家，製造出一套飛行裝備，並利用時間石碑嘅力量吸收其他人嘅能量回復年輕
莫多：林國雄
邪派組織重聚中心首腦，利用黑暗魔法洗腦控製信徒犯罪
奇異博士：陳欣
超級英雄魔法師，精通神秘咒術與魔法，曾經幫助蜘蛛俠對抗莫多
蜘蛛夫人：袁淑珍
次元時空人物，具有預知能力及心靈感應能力，曾多次通過試煉指導蜘蜘俠解決難題
紅骷髏：黃子敬
超級反派，二戰時期納粹勢力分子頭目，美國隊長嘅宿敵
羅斯富/美國隊長：招世亮
美國超級英雄，曾為對付紅骷髏而一同跌入反物質漩渦
毀滅者：盧國權
美國小姐：盧素娟
雷霆吼：？？？
黑色奇人：？？？
超音速：馮錦堂
美國隊長嘅五位戰友，連同美國隊長合稱美國六戰士，同蜘蛛俠聯手對抗大鱷組織嘅六大惡人（八爪魚博士、蠍子、犀牛人、電擊人、變色龍、禿鷹）
黑貓與蜘蛛俠
鐘瑪莉與蜘蛛俠
本帖最后由 joe2010 于 2025-11-3 17:28 编辑
米国动画《新蜘蛛侠》，以前无线翡翠台同明珠台都曾经播过，翡翠台有粤语配音，片头片尾配乐好听同动画好夹，唔同哥谭市蝙蝠侠有“钞能力”同戈顿警长支持，都会市超人拥有正义领袖身份，蜘蛛侠有时甚至要靠自拍卖照片俾报社嚟养家糊口，觉得蜘蛛侠作为超级英雄生活都几狼狈吓 支持蜘蛛侠 呢部是不是绝版了 重温返atv版，觉得配音始终不及tvb {:9_382:}点解我记得绿蝎子系卢国权，犀牛好似系源家祥，个头戴住个金鱼缸果条友好似系郭志权？好似仲有一个吸血鬼咁噶角色都系郭志权？ 支持蜘蛛侠
可惜卡通后面就断尾了 本帖最后由 joe2010 于 2025-11-3 12:00 编辑
snzt 发表于 2025-11-3 00:06
重温返atv版，觉得配音始终不及tvb
网上话atv播嘅系外判粤语配音，如果系用返亚视自己台配音组嘅配音就好了，可能会用雷霆配蜘蛛侠，吴小艺配钟玛莉，曾秀清配黑猫 joe2010 发表于 2025-11-3 11:49
网上话atv播嘅系外判粤语配音，如果系用返亚视自己台配音组嘅配音就好了，可能会用雷霆配蜘蛛侠，吴小艺 ...
atv呢个版本应该系亚视配音组解散咗一段时间了吧，可能系06年或打后，因为听到有黎景全