粵語本字 - 顏色篇 (內有投票)
本帖最后由 DayZZinG 于 2026-5-26 06:28 编辑本字與所謂正字不同, 正字學家為尋同音硬用生僻字當正字. 須知甚多詞彙都係口頭流傳, 平民百姓不大可能用後起的生僻字講話
粵語本字考究係通過 上古擬音 同 韻書中古/近古音 與 漢越音(交州漢語) 尋出音義符合之字
想知如何尋出某字的古音, 請往沙發查閱
有好多粵語詞彙係有字的, 但係無人究同教因而識講不識寫, 甚至好多詞彙已被遺忘
======
{+}:褒義 {−}:貶義 {*}:中性
紅爆爆{*/+}(俗寫:紅卜卜)
解說: 爆, 中古音讀若㩧. 火燒紅之爆裂聲
冷知識: 宋代文獻中的「孛婁」(音:卜流, 有占卜流年之義)正係「爆糯」, 「爆穀」亦出自此
引據: 風俗-吳郡志 卜流-眉庵集（楊基集）
紅彤彤{+/*}(俗寫:紅當當)
解說: 彤, 中古音doŋ. 丹(朱)砂之色
紅煌煌{−}(俗寫:紅轟轟)
解說: 煌, 上古音ɡwaŋ. 火紅盛貌
引據: 瑞榴-惠园睿制集
黃頷頷{−}(俗寫:黃甘甘/黃金金/黃禁禁所謂正寫:黃黚黚)
解說: 頷, 上古音gəm. 頷【說文】面黃也
冷知識: 有「黃頷小兒」一詞
靑碧碧{−/+}(俗寫:靑BB/靑必必)
解說: 入聲舒化. 靑碧色
白雪雪{+}
解說: 雪白色
白晢晢/白厲晢{−}(俗寫:白晒晒/白賴晒)
解說: 晢, 中古音讀若誓逝. 晢【說文】明也【博雅】白也. 注意, 是〖折日〗之晢, 非〖析白〗之皙
冷知識: 傳說係來自狀語raixcaix, 有非常之義. 經過考察, 閩南語亦有類似講法, 即 白皙皙(peh siak siak) 白歷皙(peh lia⦗k/t⦘ siak) 白死皙(peh si siak), 有三種不同講法且有入聲, 因此可以推斷與狀語無半點關係. 不過卻用「歷」「皙」. 「歷」明顯係為對入聲的諧音字, 其實中古韻書上「厲」(liæi/liæt)可以讀入聲. 而「皙」或「晢」只係個別不同用法, 二者都對, 粵語用「晢」較符合發音
引據: 太清金液神丹經卷下-太清金液神丹經
黑默默{−}(俗寫:黑麻麻/黑媽媽)
解說: 入聲舒化. 默【廣韻】黑也又靜也幽也不語也
冷知識: 形容環境, 故有「夜默默」(俗寫:夜麻麻/夜媽媽)一詞
引據: 内積形-儒門事親 秋夕-鮑氏集（鮑照集）
黑冥冥/黑晦冥{−}(俗寫:黑蚊蚊/黑擝擝/黑咪擝所謂正寫:黑鼆鼆)
解說: 晦, 上古音讀若每. 冥係非常古老之字, 甲骨文已存在, 可以讀作m⦗a/e/i/o/u⦘ŋ. 晦盲/晦芒/晦蒙 都係來自晦冥一詞, 都有晦暗不明之義
冷知識: 迷茫\迷惘 係晦冥的衍生詞
污濁濁{−}(俗寫:烏卒卒所謂正寫:烏黢黢)
解說: 粵語 -t -k 入聲混用係正常之事, 就如讀「突」為dat或dak
冷知識: 不似客語或閩語用烏捨黑, 粵語只有特定詞彙用烏如烏鴉\烏雲\烏龜. 文獻中只有明代啓用「黑黢黢」, 而粵語用黑不用烏, 不會硬講成「烏黢黢」, 且該粵語詞正係形容「污濁」之黑. 閩南語亦有類似講法, 即 烏趖趖(o so so) 烏臭臭(o tshau tshau), 明顯亦係用諧音字. 閩南語「烏」「污」同音, 而「濁」在近古韻書(元代【中原音韻】)上係讀 tʂɑu/tʂɔ. 故此粵語「污糟」本字就係「污濁」
黑咕邋遢{−}(俗寫:黑古勒特)
解說: 「咕」係插音, 無特別意思, 因為 hak lak dak 好難聽同講, 與北方話「黑咕隆咚」原理一樣. 另一種可能係來自「咕喱」
冷知識: 亦有「鬍鬚邋遢」(俗寫:鬍鬚勒特)一詞. 邋遢本義為「拖著腳步行路」或「做事不慎重」, 後來因諧音關係與滿語lata融合, 引申為「不整潔」. 由於係諧音詞, 寫「勒特」其實亦無錯, 但為表達含意寫「邋遢」較妥當, 就如梵語詞彙 涅槃(nirvana)\佛陀(buddha)\剎那(ksana)\波羅蜜(paramita) 亦該寫約定俗成的字, 若寫成其他字就不明不白了
引據:
https://img.dranime.net/album/202604/24/092705cewe4mf9wosq6j6c.png
---對粵語本字興趣程度---
由於當代粵語被唐宋音大量覆蓋, 好多有聲無字的好可能都係古漢語發音, 上一貼「誰是正統漢語?」都有探討某些粵語本字, 有興趣者可查閲
有個網站謂【字統網】zi.tools, 有齊音標, 想尋出某字的古音好簡單(?)
以「否」做例子: https://zi.tools/zi/%E5%90%A6
右邊的目錄點擊 "音韻"
中古音看【廣韻】【集韻】通常已經足夠, 二者都係宋代韻書, 但前者係跟足唐韻(與唐代【刊謬補缺切韻】一樣), 而後者係宋韻
你會發現【廣韻】本讀p-音, 而【集韻】已發展出f-音, 證明晚唐中原漢人已改變「否」的發音 (聲母由幫母轉為非母)
往下至 "上古音": 最具參考性的有 鄭張尚芳\白-沙\許思萊\布之道, 可以確定上古係讀p-/b-音
還有值得一看的有清初為廣州話而撰的【分韻撮要】, 可以知道清初廣州話係如何發音
粵語「罅」讀作la, 但你看韻書, 係讀作xa (即係ha)
韓\越都讀ha, 日讀ka, 為何粵讀la?
查上古音就會發現係讀qhra/kla
粵保留了l-音, 日保留了k-音
【分韻撮要】亦係標音為la
粵語睏得好lam, 義為睡得好沈. lam係何字?
多手查一下「沈」上古音, 竟有 r\l 音. 上古存在好多流音, 當代漢語都失去了
所以lam的本字就係「沈」
非常感谢楼主解释得咁清楚。 见到“白雪雪”我就突然记起牛魔王名言“白雪雪，滑溜溜”。 相当于文学考古 咁多颜色词，想起蓝色曲奇个广告 Thank you so much for sharing this, OP 原來有“本字” DayZZinG 发表于 2026-4-25 02:07
由於當代粵語被唐宋音大量覆蓋, 好多有聲無字的好可能都係古漢語發音, 上一貼「誰是正統漢語?」都有探討某 ...
得個知字, 睇完就忘記了 黃俊英小品有一集也是説這個;P