好開心看新聞,X檔案同HERO都有新一季
本帖最后由 timwong63 于 2015-9-29 19:47 编辑好想快d看:loveliness::D{:6_168:}AM730報紙
美劇狂人Mi報道
爛尾英雄
想當年《Heroes》(2006-2010年)之勁爆，連睇TVB師奶劇的師奶都要轉台追，那句「save the cheerleader, save the world」，沒看過這劇的都聽過；當年第一季係人看過都覺得驚為天人，因為電視劇中玩異能或超能力題材的不是沒有，但野心之大，牽涉及政經界陰謀層面的，肯定不多，但此劇結局之爛，亦係無出其右，相信係其fans都會記憶猶「深」。
黑物質造勢
首播日一連播出兩集，之前亦在網路播出衍生劇《Heroes Reborn：Dark Matter》，一來為劇集造勢，二來亦作為部分新角色的backstory；作為《Heroes》的粉絲，不用我講都會追，雖然當中不乏含淚成成，若果之前沒看過《Heroes》，今刻應否加入戰團？我的答案是不必了。
超能力泛濫
我同NBC無仇無怨，沒必要狂倒佢米，此劇播出之後，各方視評亦毁譽參半，我是偏向no no這方，到底這劇衰啲乜？可以這樣說，這幾年以來，美劇中講超能力的故仔多了很多，尤其當Marvel一系列衍生劇入侵視界，《Marvel's Agents of S.H.I.E.L.D》、《Marvel's Daredevil》等等，對家DC Comics的蝙蝠俠前傳《Gotham》都拍得有板有眼；《Heroes Reborn》播出的這頭兩集，實在差強人意。
老調重彈
何以見得？首先，你不能期望所有觀眾都係忠心fans，可以一開首就投入劇情，對一班新角色灌注感情，會擔心他們的安危，而且故事一開始就講到human與evo(evolved，進化了的人類)的對決，evo一年一度的大型會議遭恐襲，人類死傷枕藉，倖存的evo匿藏的匿藏、給追殺的追殺，還有不為人知的陰謀在背後，未知矛頭是對人類或是evo或是both，這樣的劇情開展，很難不讓人覺得老調重彈，連追看下去的興緻都缺乏。
過時氣息
更甚的是全劇那種過時了的氣息。我不是韓劇人，但連荷李活都知韓國概念大熱，去年Netflix的科幻劇《Sense8》都找來演《雲圖》的韓裔女演員Doona Bae演要角，同埋此劇的storytelling方式平行發生，玄味十足，神化是神化了一點，但就是有新鮮感；但《Heroes Reborn》仍然因為之前跑出了一個日本人角色，今次照辦煮碗，還要將電玩遊戲硬生嵌入劇情中，又odd又old，睇見都叫人情何以堪，惡睇也，不過話到尾都係嗰句，開咗個頭，點樣我都會睇多陣，全劇暫定13集一季，若果收視理想，又會繼續拍落去。不過我gut feeling話俾我聽，此劇伏味濃到化不開，我中咗，係希望少啲人中咁解啫。
美劇狂迷，劇齡超過十年，熱愛電影，發現美劇有更大空間原原本本說故事，從此影視齊追，泥足深陷。
莫霍斯同郭丹娜还会拍咩？ 幾時有得看? 仲有幾多人睇呀??? hero开始真系几好睇的 oh no ... i was about to watch it .... hopes it isn't too bad after all ...{:7_241:} HEROS 越拍越烂。。好似收唔到尾咁 都出左好耐LOWO 我都想睇，，，，。 仍然好愛the x-files ,岩岩先由season1睇返晒,Dana Scully +Fox Mulder 好正
页:
[1]