龔嘉欣三角戀玩到厭 劇迷跪求《愛•回家》快摺埋
本帖最后由 matthewyu 于 2015-11-10 10:17 编辑【晴報專訊】無綫處境劇《愛•回家》自從大換血後無論角色、劇情也今非昔比，近日故事圍繞龔嘉欣、張振朗及何君誠的三角戀，網友喪插日日講爭女悶到嘔，上周更錄得收視只得20點。有指該劇將於明年三月壽終正寢，不少網友高呼要燒炮仗慶祝；有人卻獻計翠如BB回歸孖洪永城救亡，各位又覺得《愛•回家》係咪應該早摺早着？自從7月初角色大換血至今，TVB處境劇《愛．回家》花了四個月時間仍未能洗底，開播時承接舊版餘威曾錄得最高31點收視，不過，當時有翠如BB及張繼聰擔大旗，隨着二人「離家」後，平均收視持續徘徊在20至22點之間，近期故事圍繞龔嘉欣、張振朗及何君誠的三角關係無限loop，被外界狠批「日日爭女唔好睇」，加上演員卡士薄弱欠睇頭，令劇迷更加懷念馬家及查李施律師事務所。事實上，外間曾有傳11月找馬家成員歸隊救亡，但一班舊人各有工作難以成事。另一方面，廣告商似乎亦鍾情「過去式」，近日熱播的三星電視機廣告竟找回黎諾懿、蔣家旻及林漪娸拍攝，就連無綫的2016年官方月曆，2月份主角《愛‧回家》亦有黎諾懿、張達倫及黃子雄撑場，看來無綫也認為現有班底未能獨當一面。曾醒明：暫未停播鑑於新版本《愛》劇播映至今負評爆燈，近日有指無綫已籌備新處境劇，預計《愛》劇播映至明年三月便正式完成歷史任務。網友們對此反應熱烈，高呼早摺早着；有人卻聲稱已「睇慣咗」，並認為劇組可找翠如BB回巢與洪永城拍檔。本報昨晚聯絡到無綫企業傳訊部（宣傳科）副總監曾醒明，他強調暫時未有停播時間表：「處境劇要畀多點時間去煲，讓觀眾慢慢熟習劇情，暫時未有停播定案，不過每個年度都會為劇集進行檢討，總之我哋都有準備唔同題材的新處境劇！」 沙发~只是偶尔睇下。支持楼主！ 该剧一集都未睇过 睇到悶，唔想再睇，不斷俳迴三角戀話題 TVB步ATV后尘嘅步伐越来越快 真係好悶..我食飯果陣望左幾眼..差唔多集集都講佢地3個..悶到嘔:funk::funk: 愛•回家估唔到仲播紧 都喺馬家嗰时好睇D 感觉爱回家没有以前的好看！ 依家睇爱回家觉得超闷。