国内网民真係好恐怖，又或者话，舆论太恐怖
本帖最后由 jcysys_1314 于 2016-5-4 00:05 编辑近排睇微博，有两位香港女星俾人闹到好惨，而D言语实在係太恶毒，究竟佢哋做错咗咩事？睇下佢哋既微博评论先。
首先係女星1：
女星2已经被吓到关咗微博评论，以下係转发记录：
哇，恐怖到呢，有几阴毒就有几阴毒，究竟佢哋两个係边个，做咗咩错事？
开估啦！女星1係黎美言(Winkie)，即係Hotcha组合既成员之一，俾人闹既原因係，佢参加咗Viu TV新节目《G1格斗会》，係女子搏击节目，佢将同佢比赛既女星Rika（前港姐）打到面青口唇白，而呢位前港姐仲因为呢件事而宣布退出娱乐圈，佢喺facebook发文，话winkie喺化妆间挑衅佢，佢接受唔到咁话喔。
女星2係杨爱瑾(Miki)，大家都知啦，前几日同男友结婚，但係佢老公仔曾经结过婚，係二婚，有个病咗既前妻。而家俾d大陆媒体写到，係因为Miki做第三者导致佢哋离婚，所以个前妻先会病成咁。但事实係，男方一早已经发咗声明，佢同前妻未结婚之前，前妻已经病咗，一齐咁多年以嚟，为咗照顾佢、带佢睇病，连工作都放低，结果到06年确实捱唔落去，就选择咗离婚，离婚之后先识得Miki。
唔知呢两件事大家点睇，我自己讲先啦。winkie件事都几无语下，格斗比赛肯定要出尽全力啦，自己唔出手咪轮到自己俾人打？到时俾人闹既可能就会係对方。唔知闹佢D网民有无睇过WWE或者其他拳击赛事，真係好9无语，好似winkie係特登去打人一样，反而呢个rika真系，接受力咁低就咪参加呢D节目啦。
至于miki仲惨，结婚都要俾人闹。港媒以前都话过佢係第三者，但系自从男方出声明之后，加上佢前妻既微博亦都一早话过自己个病唔关佢哋事，而且早都开口祝福miki，所以而家港媒都唔会再乱写miki，但係却俾无良大陆媒体搏销量係咁写衰，讲到所有事都係因为佢，我怀疑呢D媒体以前连杨爱瑾係边个都唔知。
呢个社会，个个都係人云亦云，识得理智去思考既仲净返几多？出咗咩事，就係中意凑热闹，自己点都要闹几句先舒服，其实咁做对佢哋有咩着数？只会因为佢哋既无知而伤害好多人，以后都唔想喺微博睇呢D娱乐新闻，网民太恐怖，太无素质。
比人打成猪头。。。今日早上看到 水军好多。。。 依家好多人有怨气 心理唔平衡 好正常的現像 放得上網預咗俾人彈 围观高级喷子 manto 发表于 2016-5-4 00:18
依家好多人有怨气 心理唔平衡
呢句我同意，唔理背后个真相係点，睇到报道第一时间去闹下你先舒服 fd3870 发表于 2016-5-4 00:19
围观高级喷子
D人真系食饱无事做，现实生活唔见佢哋咁正义？讲就叻 邪恶领域 发表于 2016-5-4 00:07
比人打成猪头。。。今日早上看到
呢种比赛去咗就要打啦，仲要预咗俾人打。唔打走去做咩 上次我在viTV(fb)到講這個節目是女人打架，，他們回應是體育，，