【「僭建」始祖？】轟ViuTV收視報告 大台13年收視早夾埋網上點擊谷大數
哪大台潛建數據，一看便明（注意文章以粵語編寫,不過來這裡應該看得明白）來源：Apple Daily
呢對「波蘭密友」為ViuTV帶嚟雙位數收視 (ViuTV電視圖片)
Viu TV前日公佈上個月開台之後2個星期嘅節目綜合收視，即係除咗傳統嘅電視機之外，仲有透過電腦上網以及手機App睇嘅跨平台總收視成績，其中排第位係第一集嘅《跟住矛盾去旅行》，綜合收視率有10.6%，以收視率1%約65000觀眾計算，即係大約有68.9萬觀眾，而第二同第三位分別係第1同第3集嘅《太陽的後裔》 ，兩集嘅綜合收視率都係9.3%，約60萬觀眾捧場。
無綫集團行政總裁李寶安就話無綫一向採用傳統收視數據，狂轟Viu TV用呢個「綜合收視」對無綫唔公平，又質疑Viu TV嘅收視數據有「僭建」，以及有取巧同誤導之嫌。
之但係，睇番無綫喺13年8月開始，除咗大氣電波嘅傳統收視數據之外，其實都公佈埋「跨平台總收視率」，亦即係將大氣電波收視加埋myTV手機App及電腦平台收視嚟計算，呢個數據係將多個媒體數據加加埋埋，個數自然比傳統數據高，由於無綫近年收視插水，呢個跨平台收視數據無疑係想谷大自己收視。而2013年嗰陣，無綫仲特登開記者會，話隨住觀眾收睇電視習慣改變，以及智能手機同平板電腦等新媒體嘅普及化，用新媒體睇無綫節目嘅人數迅速增長，為咗更全面反映無綫節目嘅表現同迎合社會唔同人士嘅需要，喺無綫網站同手機程式嘅表現亦須被計算之內...
唔單止咁，無綫喺2013年度嘅年報，都有公佈呢個跨平台收視報告，但2014年同2015年就冇再公佈，李寶安話Viu TV收視「僭建」，係咪唔記得自己公佈收視都有加埋呢個跨平台收視？
《蘋果》記者今日打去問Viu TV，對於無綫轟佢哋收視「僭建」，Viu TV公關部王小姐就話冇回應。
其實撇開Viu TV個收視報告，無綫喺Viu TV開台之後，收視的而且確下跌，就攞番無綫方面公佈嘅收視報告嚟睇，Viu TV開台嗰個星期(4月6日至4月8日)，無綫《六點半新聞報道》、《東張西望》、《愛‧回家之八時入席》同《未代御醫》收視「咁啱」齊齊插水。
到Viu TV開台第二個星期，根據無綫公佈嘅收視報告去睇，無綫黃金時間收視又「咁啱」下跌，平均收視比之前一星期跌咗1.2點，只有20.4點，而過往星期六、日無綫《晚間新聞》平均都有雙位數收視，但4月中開始，無綫《晚間新聞》又「咁啱」跌到得單位數，而「咁啱」呢兩晚ViuTV就係播《晚吹─真PK》同《晚吹─總有一隻喺左近》，呢兩個節目外界反應都相當熱烈，無綫收視點解插水，相信都唔駛講啦啩！ 只是統計的遊戲;P
明眼人一睇就知乜事
點計數都係大家老作出黎的, 傳統的計算方法, 其實是否不合時宜 電視界新一輪風雲開始嘞 僭建都唔錯, 感覺個餅做大左 其实这个数字意义也就这样，大家都知道tvb是老大 围观继续对喷打口水战
吹水报告。 要維持有難度
多幾間唔同公司先有得爭 毒果日报一向咬TVB。。。唔知前年还是几时 毒果传媒 带成班人来搞搞震