含劇透：Independance Day: Resurgence 天煞地球反擊戰：復甦紀元 (獨立日：捲土重來)
故事設定於前集的20年後，全球社會都已恢復正常，並利用遺骸的外星技術打造了地球防禦系統。但仍讓前來復仇的外星飛船再度闖入地球、威脅著人類；使得全新的專案小組為此發出求救信號，這次人類能像20年前那樣戰勝敵人嗎作為一個大細路~尋日心急走左去睇天煞2 4DX (雖然都已經唔係首日...)，果然不負所望，完全專心睇完成場...，其實劇情真係超簡單...理論都係，無咩廢話~，簡單故事係以前被外星人捉過嘅人突然有感應，介紹下出場人物，開打~，外星人係蜜蜂式系統，簡單來講打完Battleship打歌c拉，最後一班新人排排企~白黑黃皮膚都有啦；Will Smith無接到...所以一開場就梗係話佢...已經R.I.P，由新一代接手...不過全部新一代基本都係咁上下出下場...除左叫做男女主角個2位多D出現下~所以AngelaBaby係的確唔似係"茄呢啡"...因為成班新仔都係咁，班老野話你知~我地老左但經驗IQ勇氣一樣可以救地球...一樣咁型仔~，總之人人有份...表演~~
最好笑係QQ同蒙牛嘅值入式廣告...因為太突訖，男女年輕主角通訊係用QQ (3Q for using QQ)，蒙牛發展到出月球奶...係汽水機買完會叫埋個名出來(Enjoy Mung Liu Moon Milk)，主要係太hard sell~無可否認效果可能唔錯，起碼全場聽完都笑...入腦.....
入面多左個新外星物種，不過人類選擇左一見到就先開火打人，好彩人地係好人...(sort of啦)，去到尾仲提供埋新技術俾地球人，如果有第3集可能係地球回攻~
觀感刺激一流~故事唔複雜，集中係故事舖排，雖然有少少碎沁沁嘅感覺(因為人人都出下)，但全場感覺唔錯...
记得第一次睇第一部仲系响人地屋企睇翻版VCD... 我就係記得果包好煩的飲品{:7_250:} x860125 发表于 2016-6-25 19:15
记得第一次睇第一部仲系响人地屋企睇翻版VCD...
我應該係電視Pearl睇~ chmlo 发表于 2016-6-25 19:17
我就係記得果包好煩的飲品
但結果個男主角都無飲到....{:7_233:} 唔通，VGO兄去睇呢出電影后翻來分享{:7_246:} dkmi 发表于 2016-6-25 19:27
唔通，VGO兄去睇呢出電影后翻來分享
其實你有無睇內容......{:7_202:} vgo 发表于 2016-6-25 19:29
其實你有無睇內容......
你好惡啊！{:7_241:} dkmi 发表于 2016-6-25 19:32
你好惡啊！
因為你唔係第一次.....{:7_227:} 本帖最后由 chmlo 于 2016-6-25 19:44 编辑
vgo 发表于 2016-6-25 19:22
但結果個男主角都無飲到....
飲完會好似D BB禁，禁你話飲唔飲呢
人地D直入式廣告係好含蓄，簡潔，係你有D感受但唔明顯，到你再見到就會話想我係邊度邊度好似見過，不如買黎試試啦禁，又或者好似用得唔錯，不如睇下咩黎買黎試試
但天朝式的通常係畫哂出黎，破壞哂成出野的氣氛果種先滿意，要好突出自己先得，成出野破壞左，大佬我都有比錢睇架，我唔係比錢黎睇你的廣告
重有我睇果時見到果包野，全場只有2個反應，冷笑同「妖」，係好齊的「妖」，如果講效果佢真係做到