【一朝天子一朝臣】TVB有线帮再下一城 陈倩扬被叮走 未能续约
32岁的陈倩扬，08年港姐亚军。
2009年3月开始主持《东张西望》。
2010年拍第一个剧《天天天晴》。
2015年12月30日主持完最后一集《东张》后，无声消失。
2016年8月3日，即噚日，喺大台last day。
08年港姐亚军陈倩扬喺去年12月30日主持完最后一集《东张西望》后，就好似无声无气咁消失咗，8月3日系倩扬喺大台返工嘅最后一天，早上带埋大仔陈羲廷（Auryn）一齐返公司交证兼同TVB Buddy影相，纪念自己喺一间公司做咗足足7年咁耐。
陈倩扬一直都系《东张西望》老臣子，未卸任已经做《东张》主持；但两年前佢陀住细仔时，疑因发福，被公司高层勒令提早放产假，跟住传媒踢爆有人想踢走佢，引起广大回响，有指无线喺舆论压力下，先唔敢换走倩扬。
但至今年初，无线高层余咏珊要起用有线帮，即陈贝儿、区永权、李润庭等，故「老臣子」陈倩扬、黎芷珊、麦雅致等统统冇得留低。陈倩扬疑心灰意冷，突然喺fb爆seed留言﹕「一朝天子一朝臣，你懂的。」承认自己系权斗下的牺牲品。
陈倩扬肯肯肯肯定不是罗家英嘅level、可以喺微博抛一句「何况梁系(无线电视制作部戏剧制作总监梁家树)已飘蓬叶落，你明白的。」以安慰阿姐、抚其痛失视后俾当时仲系「一剧主角」嘅胡定欣。
罗家英嘅「你明白的」同陈倩扬「你懂的」本性无分别，但杀伤力竟然是后辈陈倩扬「更胜一筹」……据闻不少剧集同综艺节目监制都收到通知，不得录用陈倩扬，所以这近半年，陈倩扬开工率极低，只在剧集《完美叛侣》演出两场闲角，及在《与谍同谋》做罗嘉良前妻，加埋唔够10场戏。
噚晚倩扬接受《苹果》电话访问，被问到是否被封杀？佢话﹕「我冇听过，呢大半年都专注读芳香疗法同网上教人煮餸。(系咪少咗工作？)呀……咁呢个都係事实，只系客串两个剧。」问有冇不舍？佢话﹕「一定有啲啦，同囝囝喺canteen食嘢时，见番手足同事，记番好多以前啲嘢，不过大女孩要向前看嘛，之后工作都排到明年2月。」
陈倩扬日前喺九龙湾做访问，透露未被「革走」前，亦有与公司高层倾续约，可惜最后仍不欢而散。
陈倩扬话﹕「其实又冇大吵大闹，佢哋有同我倾续约，只系大家方向唔啱，咪走啰。(知道自己衰乜？)佢又冇咁讲，我一直系安守本份嘅小职员，佢哋话想换新面孔同转吓模式。咁我都明白，冇一份工永远系你，分手唔开心，但都要move on啰。唯一可以讲，系佢哋觉得生咗BB、做咗妈咪，你都可以唔使咁搏吖！唯一呢个系我唔太认同，香港咁多职业女性都要凑仔，唔通个个都唔应该返工呀？！」
可怜，连主持都没的做，剧也很少
班废人喺度玩死无线！ 冇眼再睇落去嘞 都是潜规则下的牺牲品。。
边嗰黎？好生面口，睇黎我冇睇TVB好耐啦。{:9_403:} 冇着佢真系可惜啊啊啊 WWW075 发表于 2016-8-5 11:12
边嗰黎？好生面口，睇黎我冇睇TVB好耐啦。
依個先最慘，我從來唔記《東張西望》的主持。 engsnow 发表于 2016-8-5 11:29
依個先最慘，我從來唔記《東張西望》的主持。
我都系，记得成日D人换黎换去咯葛啦。