波羅的海之行——丹麥篇
本帖最后由 geniuz 于 2016-9-20 09:22 编辑(上接立陶宛篇：https://www.dranime.net/thread-38894-1-1.html)
丹麥物價超高，尤其飲品，七仔啲飲料貴到冇朋友。丹麥本身人工亦好高，聽講掃街嘅都2萬DKK（丹麥幣，同人仔匯率差唔多）起薪，注意，係起薪。
但喺丹麥打工必須識丹麥文，識英文都冇用，雖然係EU成員，但歐洲其他國家嘅人如果剩識英文~喺丹麥係冇公司會請嘅，我哋扁面族就更加唔使諗。人工高、物價高，有佢嘅道理。馬士基、樂高、嘉士伯……N多國際知名企業，出口賺好多外匯。剩係每年賣俾中國人嘅藍罐曲奇都賺死佢喇。一個5百幾萬人口嘅國家，咁多外匯，人工唔高至奇。
↑哥本哈根卡（CPH'sCard）
喺丹麥嘅哥本哈根機場落機，去領取咗預訂好嘅哥本哈根卡（CPH'sCard），跟住就坐火車去住地。
（CPHcard係一樣可以幾日內免費乘坐公共交通工具嘅卡，包括火車、地鐵、巴士之類。同時，大多數景點都可以憑卡免費進入。）
循例又介紹下住宿。
↑ 出火車
↑ 叫做Adina Apartment，設施都幾齊全。
↑公寓已經去到哥本哈根嘅邊沿，查唔多算係郊區嘅地方。
勝在夠平（相對啦），離火車站亦唔遠，出市區嘅話樓下就有兩路BUS（不過好耐先有一部）。
又近美人魚景點。
↑公寓下面就系鐵路
周圍嘅建築都好有特色。
↑周圍同市區嘅建築
當日求其揾間餐廳食咗個晚飯。意大利人開嘅餐廳，侍應比較熱情。
↑Dal Vicino餐廳
傍晚去咗哥本哈根其中一個景點：新港（Nyhavn）。喺地圖用英文（New Harbour）查唔到到，係要輸入丹麥文嘅寫法。
（哥本哈根嘅緯度冇Tallinn或者Helsinki咁高，所以晚上9點左右就天黑）
雖然叫新港，但已經有3百幾年歷史，係King Christian V喺1670到1673年挖掘嘅一條運河，引水入宮廷。
而家好多明信片或者曲奇罐都印住新港嘅景色。
↑基本上呢個景人人影出嚟都一樣，五顏六色嘅屋+老式帆船。呢度屋下面其實係酒吧街，當然啲嘢都唔平。
屬於到此一遊嘅景點，當日我哋係傍晚時份去，遊客唔算多，但如果日頭去，就好多遊客，尤其講普通話嘅，體驗會差好多。
作為哥本哈根標志嘅美人魚，其實冇乜好睇，周圍乜都冇，就海邊一個雕像。
↑美人魚。雕像大概100年歷史，根據安徒生童話作為原形整出嚟嘅。
雖然已經係城市嘅近郊，因為唔使錢，所以好多遊客嚟睇。講煲冬瓜嘅素質特別低。
↑St Alban's Church，係一間英國聖公會教堂。
↑Frederik Church
Frederik係丹麥一個皇帝嘅名
Frederik Church隔離係Amalienborg（阿馬林堡），係一個有四座宮殿（其實所謂宮殿都唔系好大）圍住嘅廣場。
↑Amalienborg每日12點有衛兵交更儀式，聚埋好多人喺度睇。
哥本哈根稱為單車之城，個個都踩單車。
估計因為環保意識強、d人又愛運動、城市又唔大、單車設施（單車徑同停車處）做得好，比起大陸成日話整啲專門單車徑，人地丹麥真系落實到位。
↑公寓樓下就有得租單車
↑本地人亦唔系追求潮流先踩單車，呢度啲單車好多都好舊。
↑park單車都搞到雙層
↑我哋都喺樓下公寓租咗單車遊哥本哈根，其中呢部夠嗮特別。
跟住我哋就去咗Rosenborg Castle（羅森堡城堡），由丹麥大帝Christian IV建造。所以呢個建築既象徵丹麥皇朝的一個盛世，同時亦係轉向文藝復興建築風格嘅代表。喺丹麥隨處在見嘅“C4”其實就係紀念呢個大帝。
↑Rosenborg外觀
↑而家Rosenborg裡面係個博物館，展覽住丹麥皇室嘅珍藏。
↑地窖嗰層好多象牙制品。
最後一張係丹麥國王嘅王冠。
↑導賞嘅材料都幾清晰。
但買票嘅指示就比較亂，因為喺皇宮嘅花園行下係唔需要買票嘅，入博物館就要，但票係喺入花園之前就買，而且冇說明我哋CPHcard系咪要買，就好混亂，尤其係缺少英文標識。
羅森堡隔離就係圓塔，係城市嘅制高點，而且憑CPHcard唔使錢，我哋梗系去啦。
↑圓塔底層嘅教堂
↑塔頂其實同Riga嘅聖彼得大教堂差唔多，但闊落啲。
哥本哈根仲有個著名嘅游樂場，叫Tivoli（趣伏里）。
Tivoli喺1843年就開業，係全球第二老嘅游樂場。裡面有現今唯一仍然運作嘅木造過山車。
入門係可以CPHcard免費，但裡面各個項目仲要另外買票。
↑加上當日到下午4點左右就落雨，免費嘅項目都停嗮。
↑落雨嘅時候，就覺得件A貨TVB好使好用。
↑哥本哈根大學停放嘅單車
↑見google map話有個中國城市場，專門去揾，點知系間雜貨鋪。
老闆祖籍廣東花縣，話1979年已經定居哥本哈根。
↑中央車站系交通樞紐，裏面嘅information center賣嘅紀念品亦唔貴。
↑中央車站買嘅馬仔，3十幾DKK（丹麥幣）
↑中央車站好多藍色罐嘅曲奇，我估系for中國人咖吧~
↑閑逛中，喺Gothersgade大街27號發現一間自稱CPH's Smallest Museum嘅鋪頭。
做平面印刷品嘅，postcards都好靚。
↑無意發現意見叫“鑊”（WOK ON）嘅食肆，雖然唔算好正宗，但都系亞洲風味，而且唔貴。
↑喺市中心嘅廣場，週末有個市集。
出發去Kronborg（克倫堡），坐火車一個鐘左右。系丹麥比較有特色嘅堡壘，守住波羅的海嘅出海口，所以當年丹麥帝國同瑞典帝國日日喺度打生打死。
↑呢度嘅火車完全唔驗票，但亦冇人指導你點樣坐，英文引導極少。
最離譜系我地離開嘅時候，火車改道居然只用丹麥文廣播，搞到我地拿手唔成勢。
↑Helsingor火車站，Kronborg所在嘅城鎮。
↑幾百年嚟都keep得好靚嘅城堡
↑港口好多維京船
↑城堡居然仲養天鵝
↑城堡內嘅表演
↑而家裏面系博物館
↑Kronborg傳說系《Hamlet》（王子復仇記／哈姆雷特）故事原型嘅城堡。
每年8月都有紀念莎士比亞嘅活動，今年剛好莎士比亞400週年，呢段時間有《Hamlet》話劇上演。
↑感覺上丹麥帝國嘅余威仍在
↑城堡外嘅小鎮亦十分有意思
↑Kronborg外嘅小鎮揾咗間意大利cafe醫肚。
真系意大利風味，pizza新鮮出爐好正！價錢又唔貴（相比哥本哈根）。
只不過意大利文嘅餐牌實在睇唔明。
↑晚黑揾到一間好正宗嘅中國餐館，叫Magasasa，似乎都幾出名。
不過坐地鐵去，地鐵都系冇英文指示。
↑最後要吐槽一下丹麥嘅高物價。喺七仔買支可樂都23dkk。寄個postcard郵資都要25dkk（丹麥幣，匯率同人民幣差唔多），我地買stamps一次都買咗500蚊dkk。
（下一站：芬蘭 https://www.dranime.net/thread-39044-1-1.html）
丹麦蓝罐曲奇~\(≧▽≦)/~
这叫坐享受生活的人生{:9_313:}，爽死哦大哥。{:9_321:} 支持支持！真係好遊記！
遊埠散心真好。好羨慕。 呵呵，小小的国家处处显示着精致，喜欢。 乜你们甘有钱的
好靓葛地方，啲建筑物好靓！
人间天堂，迟早偷渡过去。 请楼主尽快发多啲靓相上囄。