點解香港冇晒啲「星」？
本帖最后由 李奥 于 2017-7-12 09:10 编辑點解香港冇晒啲「星」？ 係你忙到睇佢唔到掛
https://image.ibb.co/mgSf2v/maxresdefault_2.jpg
自從《中國有嘻哈》出街之後，多咗人討論一個話題──「香港係一個埋沒人才嘅鬼地方」，講香港人唔珍惜自己友，搞到個個北上發展。俗語有話「冰封三尺，非一日之寒」，依個話題講咗好多年啦，你諗下「樂壇已死」係幾時講嘅就知啦。
啱啱同完陳奐仁做咗個訪問，問起佢依個話題，佢都好感慨咁話：「香港人不懂珍惜也未必，香港人第一要關心民生，第二要關心自己家庭搵錢，第三才有機會關心其他，音樂在人的心目中可能只是其中一個嗜好。」講真，日日都忙到得閒死唔得閒病，哪有時間去做其他嘢。
在座有幾多位為咗返工搵食，而冇晒生活，每當人哋問起你有咩嗜好，你都要諗好耐先咇到一個出嚟，因為其實你心入面嗰句係：「我放假只係想喺屋企瞓覺。」嗰種明明好想生活，但卻只係可以生存的感覺係幾咁令人無力。
我諗好多人都會覺得：「其實我唔係冇嗜好啊，唔係唔想關心香港唱歌唱得好嘅歌手，唔係唔想睇好戲嘅藝人，只係我真係冇時間去做。日日朝九晚五，但係五點點可能收到工，成八點先返到屋企，打開門就坐低食飯，邊食邊睇電視，食完又夠鐘瞓。最多只係喺逼地鐵返工時聽下歌，或者因為唔想聽到老闆把聲而用耳機塞住隻耳做嘢，我知咁樣聽歌法係好低質，但我真係盡咗力。」
其實香港係文化沙漠依件事，真係每一個忽略過文化藝術嘅人都有責任，因為我哋好容易會有好多藉口去放棄我哋鍾意嘅嘢，而我哋換來嘅就係原本可以點綴生活嘅嘢變得越嚟越少，然後生活就只剩下工作，不斷重覆上面嗰段嘅埋怨。當然香港埋沒人才仲有好多種種嘅因素，但咁多個因素入面，最易改變嘅就係你自身，對吧？
转载自香港01
（原址）
【迪士尼話ok】《反斗車王》拍真人版 野村周平「麥坤」上身喪跑
https://image.ibb.co/cuGhhv/878ee7933c6748fead90364ff9821709.jpg
放眼日本影視作品，近年來絕大部份的劇本也是來自漫改，原創故事買少見少，而最近日本人已不甘於只在漫畫取材，繼早前yahoo知識真人化後，連迪士尼動畫也難以倖免，接下來這部衍生自《反斗車王》的迷你劇，野村周平將會飾演跑手，可以放心的是劇集不會講求外型還原度，所以不會出現人扮車的畫面，而是以跑步喻賽車，同時又要帶出原作故事的含義，真的不得不佩服日劇的創意。
野村周平主演的迷你劇《Runners ～人生十字路～》（ランナーズ／クロスロード）改編自人氣動畫《反斗車王》系列第3集，電影版本周就會在日本上映，日劇版就要再等等先，作為史上首部獲迪士尼和彼思動畫認證的真人化電視劇，好大機會因為電影第2集票房和評價都失利，所以借衍生劇谷票房，消息一傳出亦隨即引起話題，就算大部分日本觀眾都「R晒頭」表示「無可能」、「意義不明」、「不要什麼都真人化」等加以唱衰和恥笑，不過就宣傳策略來看，又的確非常成功。
野村周平跟「閃電王麥坤」雖然人車殊途，卻有着相同命運，他飾演的幕井雷斗自小有跑步天賦，更獲獎無數，但因為在一次比賽中跌倒，看着身邊一個個新的年輕運動員超越自己，令他重新思考是否應該放棄跑步，正好跟麥坤在第3集遇到的問題互相呼應。最有趣是官方預告片中將原版電影和衍生劇剪在一起，形成強烈對比卻又意外有同步的感覺，不止跑衣的顏色有配合動畫中參賽車的配色，片尾同樣都有女聲喊出「幕井／麥坤」（日文同音），到底同樣身穿「95號紅色戰衣」的野村周平和麥坤能否殊途同歸？
野村周平で実写版ミニドラマ化！『カーズ／クロスロード』
https://www.youtube.com/watch?v=S8T98gIFsAo
转载自香港01
（原址）
新垣結衣「老公視角」廣告引幻想
新垣結衣是屬於大家的女神，無人可以私人化！不過，結衣最近拍了新廣告，只要有熒幕，觀眾不用簽契約也能一嘗結衣BB做老婆的滋味。這輯汽車品牌廣告全都以「老公視角」展開，結衣笑住對鏡頭質問你放工後去咗邊？要你早啲返屋企，更一邊洗碗一邊撒嬌問你帶她去哪裏玩，配上招牌甜美笑容，粉絲怎會不收貨？話時話，幾時出VR版呀！？
https://image.ibb.co/ksTL2v/36233137_101709.jpg
新垣結衣自從去年拍完日劇《逃避雖可恥但有用》後變成人妻教科書，更經常在各大「最理想女友」、「夢幻人妻」投票中勝出，廣告商今次就活用這一點，找她來拍攝一系列家居日常feel廣告，以「老公第一身視點」望住坐在副駕駛座位的女神，跟老公討論新車，慢慢帶到收工可以早點回家的話題，一句接一句說話的樣子有幾分美栗（《逃恥》角色）的味道，大家可以盡情FF。
但這個橋段其實有個很大的bug，男士們如果娶到結衣做老婆，應該日日都想盡快趕回家吧？此外，廣告公司亦宣布接下來直至9月為止，每星期五都會發布新的「人妻結衣」短片，在前幾日「日本情人節」七夕時，就出了一條結衣邊洗碗邊同「你」傾偈的情節，看到粉絲高呼真的戀愛了！而整個系列將有9個片段，未知新垣結衣還會為大家帶來怎樣的人妻體驗？
【ノア】TVCM「新しいスタイル」篇
https://www.youtube.com/watch?v=1Yuu0_4LkLM
转载自香港01
（原址）
【降魔的番外篇】張曦雯做魔王騷無敵Body
https://image.ibb.co/k4KUUa/17126230_1873735202903093_7521208748635848704_n.jpg
《降魔的番外篇-首部曲》煞科，飾演終極大魔王的張曦雯（Kelly）當然要現身啦，黑絲加黑皮連身裙將其無敵Body線條表露無遺，再加上3吋高跟鞋以及頭上的牛角裝飾，令身高175cm的Kelly瞬間變為女巨人。
https://image.ibb.co/dfp7FF/13d961fb66f092973a94148cb9cf7c5f.jpg
雖然這日同場有鄧佩儀、楊潮凱、黃建東，但Kelly完全不用與他們交手，因為她的對手是綠色布幕，在烈日當空之下，導演一聲action，Kelly既露出邪魔的眼神，再catwalk般走靠鏡頭，最後大叫一聲：「從今以後，我就係魔界女王！」為了應導演「兇、狠」的要求，所以Kelly主動提出試多幾款不同的表情以供選擇。導演收貨之後，戲組拎出一條真鐵鏈，讓Kelly做出鞭打的動作，雖然她想做到鞭鞭有力，但礙於頭上牛角的阻力，結果出鞭唔夠兩下，整個牛角飛脫出來。
首次做奸角，Kelly直言非常好玩，更透露自己平時在家都會於細佬扮鬼臉，因此訓練有素。比其楊潮凱等人吊威也吊足全日，Kelly笑言自己因為自己是大佬，做得最多就是指指點點，因為拍攝尚算輕鬆。「不過自己對動作戲都有興趣，因為本身識少少，加上個樣唔笑就好惡，所以今次拍攝都好易。」
Kelly早前因為直播打機而被封為「宅男女神」，不過，呢日佢就話最近忙到無得打機。「七月中開新劇，所以要試造型、同劇本，之前拍完《兩日三夜》之後自己又飛了去美國探屋企人，很多東西都堆埋一齊，所以完全無時間打機，不過都開心，尤其外面接工作希錢賺嘛……但無得打機都會心掛掛。」
转载自香港01
（原址）
Red Velvet《Red Flavor》狂掃音源榜
https://image.ibb.co/dxv6aF/f230c31f7ded656e3712797707479813_2.jpg
韓國人氣女團Red Velvet最近推出迷你專輯《The Red Summer》，並以主打歌《Red Flavor》展開活動。今次Red Velvet成績不錯，即使音源推出了3日，新歌《Red Flavor》仍佔據Genie、Bugs、Monkey3及Olleh Music音源網站的實時榜單第一，而在Melon、Mnet、Naver Music及Soribada音源網站上亦獲得第二，受歡迎得來更相當耐聽。
Red Velvet今次的《The Red Summer》除了數碼音源強勁，實體專輯銷量亦非常亮眼，已包辦Hanteo及Synnara Record的單日銷量榜冠軍！而今次《The Red Summer》亦奪得文萊、印度尼西亞、新加坡、泰國、越南等國家和地區iTunes專輯榜冠軍，相當厲害！
Red Velvet 레드벨벳_빨간 맛 (Red Flavor)_Music Video
https://www.youtube.com/watch?v=WyiIGEHQP8o
唔知点样播放音乐，请大神指导......{:7_217:} mp3链接如下
http://mp3.flash127.com/Uploads/201707/20170712_0649_431526.mp3
http://mp3.flash127.com/Uploads/201707/20170712_0649_431526.mp3
转载自香港01
（原址）
美劇《西部世界》第二季下年有得睇！
https://image.ibb.co/mXLvkF/1499769607_9124.jpg
上年播映嘅美劇《西部世界》（Westworld）一推出即刻大受歡迎，本來HBO表示2019年先有得睇第二季，但睇嚟劇集拍快咗，預計下年就有得睇！第二季將會同第一季一樣有10集，而劇集將會於10月開拍，好大機會將會於下年年中播映。
雖然劇集監製、大導基斯杜化路倫（Christopher Nolan）細佬Jonathan Nolan唔肯透露任何消息，不過飾演Dolores嘅女主角Rachel Evan Woods，同演妓女機械人嘅Thandie Newton就好大機會回歸。至於影帝安東尼鶴健士（Anthony Hopkins）上季已經死咗，回歸嘅機會就應該好渺茫喇。
https://preview.ibb.co/i7zXXv/WESTWORLD.jpg
【在线观看】http://moviesunusa.net/%E8%A5%BF ... %9C%92-westworld-2/
{:7_243:}这部剧本来一开始都几好看，到一半就开始乱了，最后简直不清楚它究竟想点...
转载自娱乐苹台
（原址）
滿島光大銀幕大膽露點
https://image.ibb.co/napSza/1499771609_09b2.jpg
31歲日本女星滿島光曾以偶像姿態在樂壇發展，近年專注演戲，奠定其演技派女優地位。自從Folder5解散後，滿島光就轉型成全能女優，今年更重返歌壇，為MONDO GROSSO新作擔任主唱，早前更為《迷宮》一曲來港拍MV。
滿島光跟導演石井裕也離婚後搭上細佢三年嘅永山絢斗，二人合作新片《海邊的生與死》安排本月底於當地上映，今次佢同男友永山絢斗以情侶檔擔任主角，已係佢哋三度合作，雖然一度盛傳兩人已火速分手，但日前孖住宣傳《海邊的生與死》時卻表現合拍及流露出甜蜜。
滿島光同28歲嘅永山絢斗喺片中奉旨煙韌，預告片已公開兩人不少攬攬錫錫嘅親熱場面，而有傳媒就爆料指片中原來有更激情慾戲，出名冇身材嘅滿島光更首次於銀幕大膽露點。其實，滿島光都唔係第一次為藝術犧牲，佢曾於電影中全裸演出及挑戰自慰場面，未知呢次露點示人，又能否為佢再創演藝事業高峰。
映画『海辺の生と死』予告篇https://www.youtube.com/watch?v=wi23Xq2SZBg
转载自娱乐苹台
（原址
或者有，你唔知呢 我好好奇, 反斗車王點拍真人版 好努力的轉載 多谢分享资讯 谢谢楼主分享资讯 找不到錢就不出山~~~~~~~~ 反斗车王 拍真人版很怪呃 xDD
.___.
其实马来西亚也是一个埋没人才的地方 一開始聽日文歌 就係聽新垣結衣 冇办法都系生活所逼