TVB證實腰斬《Big Boys歷險記》
本帖最后由 ka159753 于 2017-8-7 16:53 编辑無綫節目《Big Boys歷險記》上周日晚播出，首集即大玩靈異題材，請來法科師傅杜慶龍（龍哥）到西貢交通黑點念咒超度亡魂，其中一幕更「鬼上身」，其念咒方式成為網上熱話，被網友指感覺近似freestyle。
不過節目播出後，無綫收到投訴，指節目不應在翡翠台黃金時段播出。無綫助理總經理（非戲劇製作）余詠珊今日接受東網訪問時，承認今日播出第二集後將節目腰斬：「我哋剪輯咗，會乾淨啲，唔係咁妖言惑眾，因為緊接劇集播唔可以忽然做得太多神怪嘢。今晚都會播，但其他（集數）會調走。諗緊其他嘢放入去（原本的節目時段），總有好啲嘅安排。」而今晚播出的「乾淨版」，由陳國峰等人跟國際探險專家到郊區體驗原始生活，學習求生技能，猶如外國節目《人在野》。
節目與原本構思有出入
余詠珊亦承認節目與原本構思的內容有出入：「我哋本來諗住係歷險，唔係神怪，好唔適合喺翡翠台，呃神騙鬼冇得喺呢個咁好嘅時間播。」而節目監製謝英偉回覆東網時表示：「我跟隨公司方向，多謝大家關心。」
link:http://hk.on.cc/hk/bkn/cnt/entertainment/20170806/bkn-20170806135026768-0806_00862_001.html
最近大台嘅《BigBoys歷險記》，就令法科師傅杜慶龍一夜成名，事關佢同班主持去到一個成日發生意外嘅交通黑點超渡亡靈時，念符咒嗰陣就好似freestyle rap咁「一定，乾坤一開，一個，兩個。」又突然鬼上身跪地不斷磕頭，有網友就形容節目同睇《中國有嘻哈》冇乜分別！
當大家都等緊星期日再睇「龍哥」表演時，網絡作家方以文喺facebook爆料：「收到風，有高層唔鍾意龍哥。本來四集嘅《BigBoys歷險記》，播埋嚟緊嘅第二集就腰斬。」腰斬都算，更慘係大家連龍哥「最後一面」都睇唔到：「以為睇到龍哥最後一面？Sorry，第二集已經清走咗龍哥。想睇龍哥再數一隻兩隻？好快啲睇網上重溫，我估都應該好快冇。」
有網友就鬧爆：「龍哥先係主角喎，cut咗佢仲有乜嘢睇！」、「Cut咗龍哥，我全家唔睇」，亦有網友細心分析：「杜師父時常都係Big Boy Club 講鬼故嘉賓之一。聽聞余詠珊小姐唔太鍾意呢類節目，當年有線主政時，都要cut怪談。可能杜師父今次表現，令太多人討論，所以cut埋都唔出奇。」主持之一嘅Bob，接受傳媒訪問時就話聽到呢個消息都好突然：「有人覺得神奇，亦有人覺得神怪，亦有人覺得係攪笑，但我識咗佢好耐，佢其實幫咗好多人。」
link:http://sina.com.hk/news/article/20170805/3/29/1/%E9%99%B0%E9%96%93%E6%9C%89%E5%98%BB%E5%93%88-%E5%82%B3-BigBoys%E6%AD%B7%E9%9A%AA%E8%A8%98-%E8%85%B0%E6%96%AC-%E9%BE%8D%E5%93%A5%E7%89%87%E6%AE%B5%E5%85%A8%E5%89%AA-7760590.html
無眼睇呢類節目 无聊节目。。。
有无甘神噶。。。
做戏？？唔好睇咯 昨晚看了一点荒野求生，主持的表现真的不敢恭维， 未睇过，睇贴主内容，直觉好似做SHOW 又少咗一部 都冇咩關係，還掂一向好少睇大台