自我质疑
本帖最后由 noddyy 于 2013-2-23 07:25 编辑真系不知从何说起好。因为一个月几前自己偷懒，冇点管理过论坛，搞到有唔少违规内容冇被即时处理。所以从上星期开始，就系其他会员的帮助下进行紧自发性的论坛大扫除行动，打击从开坛至宜家的一切违规内容。从开始到宜家，我个人就扣咗唔知几多人啦，处理咗过百张举报，一共扣咗几千分。唔知系咪一次过新帐旧账一次清，搞到有好多人不满，虽然我冇被人用粗言秽语闹，但从区地的留言回复中我都强烈感受到区地的唔愉快。成件事我都有责任嘅，所以我都应该反省下嘅，都应该道歉下嘅，宜家一次清新旧帐，觉得我好似有意翻旧账，想玩死区地甘，但其实唔系嘅。只能怪我当初偷懒啦，冇履行版主的职责啦，搞到大家唔愉快，我同大家讲声对唔住啦。{:9_400:}
虽然系甘者，但我自问我从未咬错人，扣分都系一视同仁的，扣分我有自己的准则，冇话专门去针对边个，当然如果违规情况严重的，我一定会俾平时扣得多的。同埋所谓的翻旧帐，都只系扣翻以前的违规回复，当时你回复咗，冇被扣分，版主冇睇到，甘唔代表你岩，你冇错，宜家版主睇到，觉得甘违规，扣翻分，我自己就觉得甘样做冇咩问题啦。但无奈的系经过今次的事件后，无论扣的点公平，始终都系扣分咗，始终都系损害咗被扣人的利益，所以区地始终觉得唔高兴。唉，唔做野就俾人话偷懒，冇好好履行版主的职责，身在其职不谋其政。但做下野就俾人话有意针对区地，话版主滥权，D甘旧嘅帐都要翻。身在其职当谋其政嘛，我既然做得呢行就要确保论坛冇一丝的违规，尽一切能力去打击可恶的三大违规内容。但，真系呜呼哀哉lu，版主难做，超版更加难做啊，超版有咩事都系身先士卒，清兵免费打杂一个，顺得哥情失嫂意。最近接得呢种类型的留言回复多，搞到我都对自己产生质疑，我究竟适合做超版呢？系咪做翻一个平凡的会员仔比较好D呢？甘至少唔会收到其他人的唾骂，搞到唔开心，违背咗我做个平易近人的最水版主的宗旨，睇来仲有好多野要向昔日超版 - 杀手I 学习的。如果大家觉得我仲系超版的话，会对论坛的发展不利，大家可以尽情系呢张帖度发表意见，去联名要求罢免我都ok的，我冇咩意见嘅，一切顺从民意。
呢排太多野做啦，搞到好烦，心力交瘁了。顺便我要向漫步请假一个月假抖抖冷静下啦，可能会冇甘对多时间上来，就算在线时间保持到，但应该都系潜水居多的了，发帖量唔会好似以前甘多了。{:7_229:}
其实呢张帖寻晚想写写嘅啦，但惗惗下都系唔好了，小事一件者，但今日一起身又有人留言，唉，不吐不快，立即写张帖出来诉说自己心中事，当发发牢骚啦，可能你睇唔明都唔定嘅，始终我自己都有D觉得词不达意，算了，起码讲出来自己都会舒服D嘅，最后讲多句，呜呼哀哉，版主真难做，好灰啊。{:7_260:}
本帖最后由 pxpxcw 于 2013-2-22 23:59 编辑
第一個支持你。。。。
我都大開眼界。。咩人都有。。。版主難當！{:9_327:} 未睇得完就回喇！{:9_361:} 我無咬過個人都要比佢爆粗,
你已經好過我好多{:7_241:} 一个人好难搞 支持NODDY仔 !!! 加油唔好放棄 take more rest & relax 做管理 一點也不容易 加油{:9_330:} {:9_318:}好多字。。。看到一半。。不看了。。- - 其实做乜都有难处，我地会支持你！ 睇完觉得你真系辛苦晒喇！{:9_342:}