港女講日：女人唔問唔安樂! 10個男人覺得最煩厭嘅問題
男人最怕就係煩，偏偏女人就係世上最麻煩嘅生物，最鍾意問令男人聽到煩嘅問題!日本網站goo就10個男人最怕聽到嘅煩問題做咗項網上調查，結果發現10題有8題都係女友必問:第十位：點解同前女友分手?男人心諗性格不合咪分手囉，仲有咩好問?如果你想安撫女友，試吓講「唔同佢分手點會遇到一個咁好嘅你?」女仔好易氹啫!
第九位：點解鍾意我?明眼人一睇都知呢條問題係想你讚美幾句…「因為係你靚囉」就得，係咁膚淺架咋。
第八位：前女友係點嘅人?男人們，你敢讚ex半句下場應該會好慘…
第七位：你係咪對厭咗我喇?又要發揮男人講甜言蜜語功力嘅時候…
第六位：點解咁遲先覆我Whatsapp?遲覆仲可以用工作忙唔得閒做理由，點都好過「已讀不回」，女人最忌。
第五位：點解無每日Whatsapp我?我係女人，都覺得問呢啲問題嘅女人好煩!
第四位：點解你唔講你愛我?男人都係要面子動物，又好難無時無刻大庭廣眾成日同人講「Love U bb豬」，可惜女人就係要聽，唯有私底下講多啲啦，《西遊記》金句都有講，「你愛呀?你愛要出聲先得架…」
第三位：知唔知我點解嬲?小姐我係你條蟲咩，點X知…男人心裡一定係咁諗…好彩大部分聰明男人講到喉嚨椗時都會忍住，冇觸發大戰!
第二位：你鍾唔鍾意我?問題好似好無聊，唔鍾意你又點會同你一齊?女人覺得講出嚟嘅鍾意好重要，我鍾意你，我好自然想聽到你講有幾鍾意我。
第一位：工作同我之間邊個重要啲?榮登最令男人煩厭嘅問題，唔做嘢掛住陪你又話男人冇大志，掛住做嘢陪唔到你又唔滿意…唯有講句「因為你好重要，所以我先至咁努力工作為我哋將來」。
自发明语言以来，男人总被这些问题困扰至今{:7_248:} 實中幾樣,如答錯就:lol 好彩我没女朋友 哈哈 睇完後問我既未來男友!!!:D 有啲真喺明知故问，就喺要听到由你把口讲出嚟 唔答就分手{:7_244:} 哈哈哈眞係笑爆肚 仲以為「亞媽同女朋友跌落水，救邊個先？」會上榜
果然只有港女才會做