DSE中文卷連原作者都唔識答 考生鬧考評局走火入魔
https://s.yimg.com/ny/api/res/1.2/he0R6hbII5k2EoWcCkshJA--/YXBwaWQ9aGlnaGxhbmRlcjtzbT0xO3c9NTAwO2g9MzAz/http://media.zenfs.com/zh-Hant-HK/homerun/dailytopshare.tumblr.com/cb601c921807b9ba314964e6b37c71c6日前開考嘅DSE中文科筆試閱讀理解，連文章作者林黛嫚睇完題目都話唔識答！
今個月9號開考嘅DSE中文科，乙部閱讀理解有兩篇文章，包括台灣作家林黛嫚《孤獨的理由》以及李翱《命解》，其中林黛嫚睇完啲題目，都話「很多題我自己都不知如何答」。
佢喺FB寫道：「我打開附檔的試題，佔分百分之七十的這部份《孤獨的理由》出了十二題，我略略看了，出題很靈活，很多題我自己都不知如何答，有空時再來試著答題。」
唔知林黛嫚做完份試題，又有幾多係合「標準答案」呢？但係篇文係佢寫，邊個有資格話佢錯呢？
連原作者都摸不著頭腦，考生唔識答又有幾出奇？有考生仲喺網上鬧考評局走火入魔。
原作者都唔識答題並非第一次發生，2013年都發生過類似事件，當年中文閱讀理解以本港作家黃國彬的《說誓》，同埋台灣作家張曉風的《我交給你們一個孩子》為考材，有線電視搵返兩位作者睇題目。
張曉風直言啲題目難答，例如題目針對文章部分句子嘅語調及節奏，張話佢寫嘅其實係一種感情，唔係乜嘢節奏；另一位作者黃國彬，文章被問用咗咩寫作手法，佢話寫作時根本冇諗咁多，可能係乜都冇考慮，又可能係所有手法都有用，嘩！咁邊個答案先岩？冇人知。
問題係，考評局有冇諮詢過作者呢？冇。標準答案個「標準」喺邊度嚟呢？深到連作者都唔識，咁會唔會過份地為考而考？
正常，外国人也不会做中国的四六级考试 DSE中文卷是香港的考卷还是台湾的，抑或是内地的？ 只有HKEDB才能幹出這種事情來…幸好我沒有在這屆重考 作者都唔识答咁喺考学生啲乜嘢？？
考运气？？？靠撞....... 問考評局班官員攞標準答案!!!:D 閱讀理解是有很多可能性的,主要是看考生理解了什麼 作者当时写这文字的心情是？
出题人脑洞 开 所以我最憎做閱讀理解
{:7_210:}