寻晚学校学生宿舍定时停电，学生都几大意见……
本帖最后由 喜粤201906 于 2021-11-4 10:35 编辑定时停电已经唔系新鲜事，从入学开始每年11月到出年4月，除咗星期五、星期六晚、寒暑假、节假日之外，其余日子每晚23:30停电，06:00恢复供电。停电期间，灯（包括厕所灯）、空调、风扇、洗衣机以及其他插排都冇电供应。
寻晚嘅停电，最先发生喺对面嘅女生宿舍楼，女仔就吵起身，几大意见，由于男生宿舍呢边仲未停电，所以趁佢哋吵就起哄；不出所料，三分钟之后，男生宿舍停电，男仔心情都唔稳定了……
离谱嘅系，呢次停电，竟然仲有零星几个宿舍灯仲着住；洗衣机D衫未洗好，连排水都未就绪，进行完一大半就停机……为咗唔好等啲衫裤浸到发毛，只能拧干等第二日洗……
一众学生仲有其他意见：由于天时热少少，想叹冷气叹风扇都唔得，搞到用风扇仔解热；最唔习惯上厕所都要摸黑去……
佢哋抱怨，点解老师、门卫嗰度仲可以用电叹冷气、叹风扇，上厕所时可以着灯咁“享受”？学生就唔得？
我读高中嘅时候，晚黑瞓觉时间只系寝室空间嘅灯停电，厕所灯系唔会停嘅，风扇、冷气机仲可以开；高中宿舍冇洗衣机咖，更加冇插排，就算有，都只能用喺风扇上。
对于咁嘅宿舍停电，大家觉得“一刀切停电”接唔接受？读书时期有住宿嘅朋友，有冇经历过夜晚停电呢？ 如有通告，就要有預備，忘記了是個人問題，如果無通知，是校方問題，可以去投訴 话，边间学校咁离谱啊，我觉得停电停水哩d影响生活嘅野应该要提早通知，我感觉你地应该和学校反映情况，哩个停电情况有点夸张吧 我读大学个阵基本无咩停电，断网就有 我以为上世纪D学校先会咁 未试过停电。但是冬天的时候就经常无热水洗澡。因为学校为左省钱唔用煤气烧热水，单靠太阳能热水器。 wai008 发表于 2021-11-4 11:06
如有通告，就要有預備，忘記了是個人問題，如果無通知，是校方問題，可以去投訴
其实呢个问题，就算提前告知，学生始终有好大意见。。。 yying 发表于 2021-11-4 11:35
话，边间学校咁离谱啊，我觉得停电停水哩d影响生活嘅野应该要提早通知，我感觉你地应该和学校反映情况，哩 ...
我入学时（即系两年前）就已经有了，真系唔知停电为乜 bqqhbqqh 发表于 2021-11-4 12:07
我读大学个阵基本无咩停电，断网就有
我呢边系断电断网同时有