《虛無》電影評論
本帖最后由 馮年 于 2023-7-15 09:29 编辑1、建議一定要睇IMAX版
2、片名《NOPE》其實係電影裏面嘅一句重要對白，意思係「不要看」
3、喺電影入面，當你遇見會襲擊人類嘅動物，例如：馬、猩猩、UFO(外星人)，如果，唔想俾佢哋襲擊，唔想死嘅話，就千祈唔好用「眼」睇，包括假「眼」，唔好着有「眼」嘅衫，同埋盡量遠離有「眼」嘅物件，或者遮住自己對「眼」
4、以往我哋通常以為，外星人同UFO係兩回事，大部分人都覺得UFO就只不過係外星人嘅交通工具，但係呢部電影，UFO=外星人，有少少似，變形金剛，可以係人形機器人，亦可以係部車
5、當電影中突然出現停電，甚至手機突然冇電，放置得好奇怪嘅鞋或者物件，都係提示緊，會有怪事發生，呢個情況，一定唔可以露「眼」，同埋要避「眼」，建議低頭望地，總之，唔好睇
6、電影講到一個攝影師，冇辦法一次過，唔使重拍就完美拍攝到UFO，完美主義的他，為咗影靚相要付出乜嘢代價？呢部份應該係想講，而家啲人鍾意網上晒相嘅普遍而又奇怪嘅價值觀
7、男女主角是兄妹關係，性格卻是非常不同，女主角專注力麻麻哋，男主角專注力正常，女主角反應快，男主角反應慢，女主角騎車，男主角騎馬，女主角用嘅係智能手機，男主角用嘅係舊摺疊不智能手機，女主角善於溝通，男主角唔善於溝通，但唯獨是男主角才能發現外星生物嘅特點，佢觀察細心，他不是那種要快要即食嘅普通人，電影呢度應該係想講，今時今日，我哋太倚靠科技過生活，導致我哋嘅感覺都反應慢咗，甚至身心失靈，而當一個唔倚靠科技嘅人，佢係可以最快發現到生存嘅方法和重要的細節
本帖最后由 馮年 于 2023-7-15 07:39 编辑
8、呢部其實係恐怖電影，但係只係得，閃電嗰半秒恐怖，所以，睇嘅時候，千祈唔好眨「眼」，而電影裏面嘅UFO，就好似天有「眼」，而無知嘅人，會早死
好似幾得意，多謝樓主分享 個名就好吸引 壇內有hbo 粵配版 Seon 发表于 2023-7-13 23:31
我真係觉得呢部嘢一般，主角都係黑人。
我覺得呢部戲同《死亡筆記》一樣有啲規則喺裏面，但係，電影就冇規則寫明，要觀眾自己摸索，開竅嘅觀眾，相信都會真心享受呢個過程 本帖最后由 馮年 于 2023-7-15 02:24 编辑
9、電影入面，有一場戲係明顯想嚇人，但係，後來發現只不過係誤會，唔知點解令我有種開心嘅感覺，因為原來係個可愛女孩喺度整蠱人，而我鍾意可愛女孩，不過，呢度都係喺度提示緊觀眾，呢部唔係普通嘅驚嚇電影，而係大師級的驚嚇電影，而成部電影睇完之後，我有少少驚自己嘅鞋，時不時會望吓自己嘅鞋有冇異常行為，其實，都係笑話，另外，裏面有啲「眼」真係好有喜劇嘅感覺
本帖最后由 馮年 于 2023-7-15 12:46 编辑
10、電影嘅前半部份，提供咗大量訊息，來交代後面劇情點解要咁樣發生，電影冇講廢話，亦冇無聊片段，前因與後果，都可以喺部電影搵到，唔需要觀眾亂估，如果，睇唔明，或者，覺得前面劇情無聊，只係，因爲，唔夠用心
11、睇唔明呢部戲嘅觀眾，其實，就如同呢部電影裏面的那些被UFO吸走嘅無知人，而那些無知人，都係排排坐咁喺度睇緊戲，所以，呢部電影一定要用心睇，我唔係擔心你會被UFO吸走，而係，你會覺得呢部電影係垃圾
与道共武 发表于 2023-7-15 14:24
电影个人喜好
王菲，有一首歌叫《你快樂，所以我快樂》得閒搵嚟聽吓，好好聽 与道共武 发表于 2023-7-15 14:24
碰拳友情
你明就好 l1407 发表于 2023-7-15 13:48
咁恐怖？ 不過生活可能好過地球
UFO係帶你進入外星人嘅胃，並唔係帶你去旅遊 Seon 发表于 2023-7-13 23:31
我真係觉得呢部嘢一般，主角都係黑人。
你覺得唔係幾好睇？ yying 发表于 2023-7-14 07:48
系科幻片吗？
呢部係科幻片？樓主又話係恐怖片 抬頭向上 如同黑色深淵的恐懼 IMAX影院应该睇得好爽 GOOD THS. 喱部係电影嚟嘅咩，点解我记得睇过一部有D似喱个，但係好似係美剧嚟喔。。。 係新电影？依家上咗画？ rrr12rrr 发表于 2023-7-13 18:11
係新电影？依家上咗画？
呢個係一年前嘅好電影，已經冇喺電影院上映，應該可以租DVD睇