TXB明珠台电影《末日戒备》配音表
本帖最后由 joe2010 于 2024-1-4 00:42 编辑影片名稱：末日戒備 The Peacemaker
備註：1997年美國電影
明珠臺電影《末日戒備》，又名「和平締造者」，系一部反恐題材動作片
本故事純屬虛構，如有雷同實屬巧合
角色名稱：（演員）配音員
姬祖莉：（妮歌·潔曼 飾演） 陸惠玲（常配）
女主角，美國白宮反核武走私小組署理組長，才思敏捷，膽識過人，臨危受命追查俄境內核彈爆炸事件嘅始末，查明背後嘅真相，與男主角陸軍特種部隊中校狄湯姆拍檔展開調查，並發現咗事件背後藏有更大嘅陰謀同危機
狄湯姆：（佐治·古尼 飾演） 林保全（常配）
男主角，美國陸軍IFOR特種部隊中校，喺俄羅斯涉嫌違反軍紀而正接受調查，因熟悉俄羅斯人脈且有情報工作經驗，受命作為軍方聯絡人與女主角核專家姬祖莉博士拍檔，對俄國核爆炸事件展開調查，歷經九死一生重重險阻，最終追回失蹤嘅核武，成功化解核危機，對女主角有好感
賈杜桑：盧國權
反派Boss，東歐小國波斯尼亞議會成員，塞爾維亞人，古典鋼琴家，極富藝術細胞，因妻女意外死於恐襲戰亂，心生怨念成為恐怖分子，為向世界報復而替補遇刺嘅波黑塞爾維亞財政部長，出使聯合國大會和談，暗中攜帶從俄走私得來嘅核彈頭進入美國本土，企圖炸毀設喺紐約嘅聯合國總部
莫獲都：鄺樹培
反派，杜桑同父異母嘅細佬，波斯尼亞嘅塞爾維亞人，民族主義激進分子，系走私和販賣黑市軍火嘅慣犯，聯同俄高級軍官戈艾里走私偷走嘅核彈頭，並拆下其中一枚核彈頭嘅起爆體返波斯尼亞
戈艾里：黃子敬
大反派，俄羅斯高級軍官，被恐怖分子收買走私核武從中獲取暴利，偷走咗從俄某導彈基地裁減嘅十枚核彈頭，並於俄境內烏拉爾山脈附近引爆其中一枚嚟掩蓋痕跡，其余九枚則偽裝成醫療物資用貨車親自押運走私出境
晏馬克：招世亮
CIA情報處主管，女主角嘅上司
漢泰利：陳曙光（字幕顯示系泰漢利）
美國國家安全顧問，受美國總統特別授權全面負責組織領導調查俄核危機事件
加上將：梁耀昌
美國陸軍上將，男主角嘅上司，代表國防部軍方協同女主開展調查俄核危機事件工作
簡：潘文柏
白宮反核武走私小組幹員，女主角嘅同事
禾迪米：張英才
俄羅斯軍方情報部門上校，和男主角私交甚篤，喺奧地利協助男女主調查核危機事件，為男女主提供情報線索，調查過程中不幸被黑幫槍手殺害
舒德卓：招世亮
俄羅斯黑幫及前蘇聯特工組織戈迪克位於奧地利維也納嘅代理人，負責打理俄與世界各地嘅貨運（走私）業務，其辦公室電腦存有運輸貨車租車收據，有核武走私嘅貨運路線及具體發車時間
泰艾馬：梁耀昌
巴基斯坦人，天體學物理學博士，曾喺哈佛大學畢業，幫反派拆卸下核彈嘅彈頭起爆體
白沙高：張英才
波斯尼亞議會溫和派領袖，財政部長，系塞爾維亞人，將作為代表出使聯合國大會和談，喺影片開頭被杜桑派人暗殺身亡
羅珍兒：沈小蘭
CNN電視新聞記者，喺波斯尼亞首府薩拉熱窩報道咗白沙高嘅遇刺事件
俄羅斯陸軍中士：蘇強文
俄邊境附近路障負責檢查來往車辆嘅士兵，因要求要檢查戈艾里偷運核武嘅貨車而被槍殺
李少校、辛上尉、比中尉：蘇強文、張炳強、李錦綸
美軍駐土耳其特種部隊基地軍官，與男主出動分坐三架武裝直升機攔截戈艾里走私核武嘅貨車
俄羅斯邊境防空控製塔指揮官及士官：雷霆、黎偉明
男主角受命率部未經俄允許而強行進入格魯吉亞境內，攔截戈艾里走私核武嘅貨車，美俄雙方通电交涉無果後，俄邊境控製塔向美直升機發炮並擊落其中一架
卡馬克：陳曙光
美國能源部幹員，協助主角團隊執行聯邦核武緊急回應計劃
拜大衛：黃子敬
FBI探員，協助主角團隊執行聯邦核武緊急回應計劃
其他配音人員：梁志達、曾秀清、蔡惠萍、陳欣、區瑞華…等
本帖最后由 joe2010 于 2023-11-19 21:06 编辑
呢部明珠台电影《末日戒备》嘅对白同字幕好似有少少瑕疵，男主角睇肩章军衔应该是中校，但对白系称上校，唔匹配
不过粤语对白就非常接地气，好似以下呢段
男主角经历重重险阻，打生打死追番八枚核弹头后通过无线电向女主角报告
女主角（一边摇头一边讲）：“弹头数目唔啱。”
男主角（惊讶道）：“咩话？”
女主角：“弹头数目唔啱啊，死人弹头唔够数。”
男主角：“讲嘢唔好咁粗鄙……”
详细的资料 保全叔配嘅佐治古尼睇过唔少 本帖最后由 joe2010 于 2023-11-19 22:06 编辑
snzt 发表于 2023-11-19 21:26
保全叔配嘅佐治古尼睇过唔少
觉得呢部戏佢同碌lane都配得几合拍，唔怪得动画《皇家双妹唛》都揾保全叔同碌lane组官配CP（中嶋剑同小早川美幸）;P joe2010 发表于 2023-11-19 21:34
觉得呢部戏佢同碌lane都配得几合拍，唔怪得动画《皇家双妹唛》都揾保全叔同碌lane做官配（中嶋剑同小早川 ...
仲有就系，白雪战士:lol 看看先~~ 配音员劲，一个人配两把声都得 好详细既配音表 女主角好靚喔
页:
[1]
2