TXB明珠台电影《无头谷》配音表

joe2010

影片名稱：無頭谷 Sleepy Hollow

備註 1999年美國電影

翻譯：黃曉婷

明珠臺電影《無頭谷》，又名「斷頭谷」，系一部恐怖懸疑奇幻片

本故事純屬虛構，如有雷同實屬巧合

角色名稱：（演員）配音員

祈英博：（強尼·戴普 飾演）蘇強文（常配）
男主角，18世紀末米國紐約市青年警探，篤信科學嘅辦案方式，因此受到市內同行排擠，被上司派往哈德遜高原嘅睡谷鎮，調查當地發生嘅無頭騎士連環斬首兇殺案，男主住進當地首富泰布特家中，起初對「無頭騎士」嘅傳說不以為然，但當又有人接二連三遇害，自己仲親眼目睹無頭騎士斬下小鎮法官嘅頭顱，男主不得不相信傳說嘅存在，經過一番調查，男主將疑點鎖定喺泰家，同時，男主與泰家千金泰姬娜萌芽嘅愛情亦被殘酷嘅現實所腰斬，就喺男主以為一切真相大白，黯然神傷中準備離開睡谷時，案情卻發生意想不到嘅變化……　

泰姬娜：（姬絲汀娜·莉芝 飾演）梁少霞
女主角，睡谷鎮首富泰家嘅千金，懂得巫術，性格溫柔善良，男主到睡谷鎮調查連環兇案時，對男主角心生愛慕，曾數次用巫術結界保護男主，男主本來要離開睡谷，突破心結後又去而復返，喺女主面臨生死危機時救下女主，並聯手將無頭騎士嘅詛咒破解令其重返地獄，最後女主同男主一齊返咗紐約定居，迎接新世紀開始新生活

泰布特：招世亮
女主角嘅父親，睡谷鎮新任鎮長兼當地首富，原本只系普通農民，因其親戚前任鎮長賈彼得一家惨遭無頭騎士斬首滅門，泰布特得以繼承賈家遺產成為有錢有勢之人，其實賈彼得有份最後遺囑將全部財產交由自己情人寡婦溫雪繼承，但比泰家女主人泰瑪麗聯同鎮上嘅醫生、牧師、法官、書記官四位知情嘅掌權人串謀隱匿，令遺產轉由泰布特繼承，最後泰布特喺镇上教堂参加居民大會時比無頭騎士用木樁穿心後斬首身亡

泰瑪麗/弓瑪麗：蔡惠萍
大反派，女主角嘅繼母，以前系泰家夫人嘅私家看護，泰夫人病逝後嫁比泰布特成為泰家女主人，表面睇上去端莊和善，暗裏蛇蠍心腸，精通巫術，幼年喪父時曾被前鎮長賈彼得趕出小鎮，由於母親系女巫所以無人收留，一家被迫流落樹林蝸居，泰瑪麗因而對贾家心生怨恨，將靈魂出賣給魔鬼，獲得黑暗巫術，幕後操縱無頭騎士喺睡谷鎮進行連環复仇殺戮，最終作法自斃，比解開咒語嘅無頭騎士拉入亡靈樹中永墜地獄

李湯姆：陳永信
睡谷鎮醫生，因與泰布特家嘅女仆有染，所以受泰家控製，参加鎮上居民大會想講出真相時被施牧師用重物砸死

施牧師：張炳強
睡谷鎮教堂牧師，因迷戀泰瑪麗而受泰家所控製，主持鎮上居民大會時比泰布特失手開槍打死

費森美：源家祥
睡谷鎮地方法官，喜歡貪杯好酒，為人膽小怕事，受泰家所控製，曾向男主暗示案件死者寡婦溫雪懷有身孕嘅秘密，後來想逃離睡谷鎮時比無頭騎士斬首

夏占斯：林國雄
睡谷鎮公證處書記官，亦系膽小畏縮之人，手頭上收有賈彼得所立嘅最後遺囑同賈與溫雪嘅結婚證書，後因恐懼及內疚而上吊自盡

紀伊莉：鄭麗麗
睡谷鎮接生婦，衰多口將知道寡婦溫雪懷有賈家身孕嘅秘密八卦比泰瑪麗，比泰瑪莉操控無頭騎士將紀家全部斬首，慘遭滅門

布龍：潘文柏
女主角嘅未婚夫，負責鎮上保安巡邏，曾經假扮無頭騎士嚇唬男主，喺無頭騎士闖入接生婦紀家行兇時，趕到現場與其纏鬥，結果不敵而被攔腰斬為兩段

馬伯夫：陸惠玲
睡谷鎮前首富賈家仆人馬莊尼嘅獨仔，忠誠勇敢又略帶靦腆嘅少年，因其父馬莊尼曾替賈家做遺囑見證人，以及送遞重要文件比夏書記（遺囑與結婚證書）而被無頭騎士斬首，馬伯夫成咗孤兒，男主到睡谷查案時馬伯夫作為跟班一直追隨男主

樹林女巫：林丹鳳
泰瑪麗嘅孖生妹妹，喺睡谷西部樹林山洞隱居，瑪麗家原本姓弓，二十幾年前幼年喪父時一家被賈彼得趕出小鎮，由於其母親系女巫所以無人收留，母親亦在一年後病逝，姐妹倆在樹林執柴時遇到被追兵追殺嘅黑森雇傭兵，姐姐弓瑪麗施展黑暗巫術令其變成無頭騎士，妹妹不願作惡一直隱居荒野，後來男主前來調查時女巫借算命指點男主尋找無頭騎士棲息地亡靈樹嘅所在，結果樹林女巫被自己姐姐弓瑪麗殺死

其他配音人員：梁志達、張英才、區瑞華…等

snzt

苏强文配Johnny Depp几衬啊

神之影

所有人都无头

T192A

以前睇好惊。

asd2008asd

配音表好详细

joe2010

snzt 发表于 2024-6-16 23:07
苏强文配Johnny Depp几衬啊

苏强文都算系Johnny Depp嘅常任配音吧？试过搵其他配音员代配，好似冇佢咁合衬

joe2010

53057bon 发表于 2024-6-17 11:02
非常认同！

佢嘅声线适合配斯文英俊小生啊

snzt

joe2010 发表于 2024-6-17 21:51
苏强文都算系Johnny Depp嘅常任配音吧？试过搵其他配音员代配，好似冇佢咁合衬 ...

听过一次系转咗陈廷轩配Johnny Depp