TXB動畫《伙頭智多星》部分配音表

joe2010

影片名稱：伙頭智多星（ミスター味っ子）

備註 1988年日本TV動畫

本故事純屬虛構，如有雷同實屬巧合
PS：配音表不全，只得其中一部分，敬請諒解

角色名稱：配音員（TXB粤語配音版）

旁白：張炳強

味吉陽一：袁淑珍
本作主角，14歲，東京地區關陽學院中學二年級學生，日之出食堂主廚，人稱「伙頭智多星」嘅天才小廚師

味吉雪子：盧素娟
味吉陽一嘅母親，日之出食堂老板娘，系位賢良淑德嘅氣質美人

味吉隆男：盧國權
味吉陽一嘅父親，原為某料理亭主廚，因拒絕味將軍集團邀請而遭到廚藝界打壓驅逐，無處容身嘅隆男同妻子雪子一齊創立「日之出食堂」，喺陽一幼年時隆男不幸英年早逝，其身影經常喺陽一及雪子嘅回憶中出現

山岡美子：林元春
味吉陽一嘅同班女同學，對陽一有好感，經常喺日之出食堂幫手，但廚藝水平認真麻麻

茂仔/山岡茂：樂蔚、方煥兰（代配）、蔡惠萍（代配）
山岡美子嘅弟弟，成日中意喺日之出食堂食飯，十分崇拜陽一

味皇/村田源二郎：源家祥
著名美食品評家，村田飲食集團（又稱味皇集團）同味皇廚師會嘅創辦者兼初代目總帥，君臨日本美食同廚藝界長達幾十年嘅帝王級人物，被誉為美食界嘅資深老行專，曾多次喺陽一遇到困難時暗中給予援助

垂目昌：馮志潤
味皇集團幹員，味皇村田源二郎嘅秘書

丸井善男：林國雄
味皇廚師會意大利菜部主任，同味吉陽一喺意大利面料理對決中結識並成為忘年之交，經常幫助陽一，以前曾喺味之仙比賽中獲得過金牌，又教過美子學整朱古力，對陽一嘅母親雪子有好感

夏仲基：黃健強、林保全（代配）、張炳強（代配）
味皇廚師會法國菜部主任

古裕芝：張英才、馮永和（代配）
味皇廚師會日式菜部主任

道本米：周鸞
味皇廚師會中華菜部主任

石小西：黃健強
原味皇廚師會肉類菜部主任，因與廚師會眾人不和而負氣離職，性格豪爽率直，曾短暫加盟過味將軍集團，並因與陽一喺味皇杯格蘭披治大賽上對決失利而脫離味將軍集團，遠走博多初音壽司店修行，後與陽一喺回轉壽司及一品鍋等料理對決中多次聯合挫敗味將軍嘅陰謀

馬智良/堺一馬：方煥兰、區瑞華（代配）
味吉陽一嘅勁敵兼至交好友，被譽為「咖喱天才」嘅少年廚師，性格有些少叛逆，喺同陽一嘅屢次廚藝較量及合作中互相結為莫逆之交

星蟀仔：曾慶珏
馬智良嘅弟子兼助手，系活潑可愛嘅女孩

永田先生：梁耀昌、盧國權（代配）
馬智良嘅監護人，永田建設社長，曾經系關西地區嘅名廚師，對馬智良十分照顧

甲山繁藏：馮永和、張炳強（代配）
商店街著名面店「甲來軒」老板，脾氣非常火爆，但其實系熱心好人，自稱系日本第一拉面店，後在同陽一嘅比試中與其結為忘年之交，曾擔任味皇杯格蘭披治大賽試食評判

甲山太太：方焕兰
甲山繁藏嘅妻子

岡田先生：梁耀昌、盧國權（代配）
商店街老字號鐵板燒店「岡田屋」老板，曾擔任味皇杯格蘭披治大賽試食評判

江川洋子：區瑞華（前期）、林丹鳳（後期）
美食烹飪研究家，經常出席電視臺美食節目擔任特約嘉賓，曾擔任味皇杯格蘭披治大賽試食評判

長谷川主任：張英才
商店街管理委員會主任

菊池先生：馮永和
青森縣火車站飯盒店「菊池屋」老板，同陽一嘅父親味吉隆男生前系好友

天星老板：梁耀昌
商店街擁有五十年歷史天婦羅料理店「天星飯店」老板

高太郎：林保全
天星飯店嘅伙記

麗子：黃麗芳
陽一嘅同班女同學，用最高級嘅材料去整朱古力參加「情人節朱古力比賽」，但系都輸咗比美子用自己心意製作嘅朱古力

辰四郎：盧國權（前期）、張英才（代配）、林保全（後期）
電腦專家，研發出電腦化廚藝機器「亞歷斯號」

若藍：姚天麗
若紅：林丹鳳
大阪府食店「雙子亭」店主，浪速碗仔飯高手

江阿泰：林保全（前期），林丹鳳（中後期）
味吉陽一嘅好友，博多煲仔菜高手，被譽為「火鍋天才」嘅少年廚師，最擅長蔬菜火鍋料理

尤亞謙：區瑞華
波利斯：林丹鳳
祈里斯：方煥兰
李斯特：姚天麗
托比：曾慶珏
奧地利「維也納少年廚師團」學生，系味皇集團法國菜部主任夏仲基嘅後輩

喬治·毛斯·德·基：馮永和
夏仲基嘅師父，法國世界级名廚，維也納少年廚師團嘅老師

瀧澤老人：梁耀昌
本名瀧澤彥之介，京都鑄刀名師

章吉/章田吉子：曾慶珏（前期）、林丹鳳（後期）
京都某料理亭少主，龍澤老人嘅弟子，為獲得資歷繼承家業化名「章吉」女扮男裝遊歷日本各地進行廚藝修行，曾在「味皇廚師會」名古屋支部20周年成立紀念會上與味吉陽一展開冷面料理對決，令陽一吃下首場敗仗，後為得到瀧澤老人鑄造嘅菜刀又與味吉陽一展開較量……

梁高德：馮永和
來自天朝靈幻餐廳嘅廚師，擁有味之仙比賽代表世界級廚師嘅紅色木牌

孫敏八：梁耀昌
陽一父親味吉隆男嘅舊友同對手，人稱「幻之遠洋漁業廚師」，擁有味之仙比賽代表海產料理特長嘅藍色木牌

關平助：周鸞
陽一父親味吉隆男嘅師父，山菜料理店「山彥軒」店主，味之仙比賽代表山珍料理特長綠色木牌持有者，促成咗味吉陽一同「火鍋天才」江阿泰為此而展開嘅山珍料理對決

味之仙：馮永和
美食界傳奇級人物，嘗味寺主持，每十年舉行一次味之仙廚師比賽，優勝者可得到代表美食界認可最高榮譽之一嘅味之仙金牌

李小龜：梁耀昌
HK中華飲食店「小龜樓」店主，同陽一嘅父親味吉隆男生前系好友，手上有隆男撰寫嘅烹飪手帳，幫陽一領悟出冬蟲夏草雞湯嘅烹飪秘訣

咪咪：孫明貞
李小龜嘅細女，與陽一同美子做咗好朋友

劉虎峰：馮錦堂
HK廚藝修煉道場料林寺弟子，小龜樓新晉年青主廚，陽一喺HK同劉虎峰兩次比試結果一和一勝，二人既系勁敵亦系好友，陽一更喺虎峰嘅幫助下力闖料林寺三十六房試煉

楊子忠：盧國權
HK象牙雕刻家，劉虎峰親自請楊雕刻西瓜盅器皿，幫助陽一打敗味將軍集團卡蒙大師嘅「水中玫瑰花杏仁豆腐」

白虎大師：林保全
朱雀大師：黃健強
料林寺大主持：林國雄
料林寺廚藝大師

金吾先生：盧國權
商店街金面店老板

源一舅父：林國雄
金澤市青葉町「源壽司」店主，系味吉雪子嘅兄長，味吉陽一嘅舅父

良子舅母：雷碧娜
青葉町「源壽司」店老板娘，系味吉雪子嘅大嫂，味吉陽一嘅舅母

湛平：梅欣
八嬸：雷碧娜
高野山有二十五年歷史嘅豆腐店「大門屋」老板同老板娘，擅長製作高野山特產「芝麻豆腐」，為咗振興當地嘅豆腐店生意假傳消息高野山將舉辦味皇豆腐烹飪大賽

娟子小姐：蔡惠萍
高野山榮記豆腐鋪店主嘅女兒，邀請陽一同馬智良幫手代表參加高野山味皇豆腐烹飪大賽

諒子小姐：孫明貞
松本市海拓旅館店主，相貌酷似年青時嘅味吉雪子

白川理惠：姚天麗
橫濱某名餐廳家嘅千金，味皇秘書垂目昌嘅未婚妻

校長：譚炳文
陽一所就讀嘅學校關陽中學校長

怪傑味頭巾：張英才（前期）、源家祥（後期）
美食界傳奇神秘評判，其實系味皇化名嘅另一個身份，以「怪傑味頭巾」登場暗中幫助陽一，更曾將年幼時嘅馬智良交托俾永田先生照顧

村田源一郎：馮永和
村田食堂店主，味皇村田源二郎同味將軍村田源三郎嘅兄長

味將軍/村田源三郎：張英才，郭志權（青年），蔡慧萍（幼年）
本名村田源三郎，味將軍集團首領，系味皇廚師會會長村田源二郎嘅弟弟，原本系「村田食堂」嘅廚師，兄長源一郎逝世後，源三郎與二哥源二郎因理念發生沖突而分道揚鑣，自立門戶創辦味將軍集團，以征服全世界餐飲業為目標，打壓唔服從自己嘅廚師及店鋪

毛利：梁耀昌
味將軍集團幹員，味將軍嘅秘書

阿部二郎：張炳強（前期），盧國權（後期）
味將軍集團廚師，擅長製作肉類及漢堡扒菜式，後多次與及川拍檔對付陽一

及川薰：盧國權（前期），張炳強（後期）
味將軍集團廚師，擅長製作日式飯盒，有「飯盒大王」之稱，後多次與阿部二郎聯手對付陽一

杉本：馮志潤
味將軍集團機動部隊流動拖車頭目，喺關西地區活動，系擅長用機械化設備製作八爪魚丸嘅高手

西条：林保全
羅賓：馮錦堂
味將軍集團廚師，系製作壽司嘅高手

機械人廚師沙利：林國雄
味將軍集團高級幹部「七菜刀」之一，系身上裝備咗全自動料理機械嘅人類廚師

蓋昌卡蒙：張英才、周鸞（代配）
味將軍集團高級幹部「七菜刀」之一，前料林寺廚藝高手，曾經系劉虎峰嘅指導師父，以僧侶嘅身份藏身於料林寺之中妄圖借其影響力幫助味將軍謀奪控製HK飲食界

武智村正：林保全
味將軍集團高級幹部「七菜刀」之一，系製作湯面嘅高手

大虎：馮永和
味將軍集團高級幹部「七菜刀」之一，系西条同羅賓嘅師父，有「壽司大王」之稱，其絕技「超音速手法」能一次過秒速製作八枚壽司

關武雄：馮永和（前期）、馮錦堂（代配）、盧國權（後期）
味皇廚師會德國菜部主任，因養父母臨終托付嘅菜刀為味將軍集團「七菜刀」嘅信物而被迫加盟味將軍集團，成為人稱「北方魔鬼」嘅廚師，後在與陽一嘅比試對決中被感動重歸味皇廚師會

大石老師：盧國權
味將軍集團嘅廚師長老，亦系七菜刀之一，負責為集團培養年輕廚師

尚志：林丹鳳、盧素娟（代配）
悅子：蔡惠萍、黃麗芳（代配）
大石老師嘅學生，味將軍集團瀨戶內少年烹飪團見習廚師

裕太/味之又三郎：馮錦堂
大石老師嘅學生，喺瀨戶內一役被陽一擊敗後，跟隨味皇磨練修習廚藝，並化名味之又三郎轉讀關陽中學向陽一發起廚藝比賽挑戰……

阿部一郎：梁耀昌
味將軍集團高級幹部「七菜刀」之首，阿部二郎嘅兄長，畢業於東大醫學院，有博士學位，精通分子料理，系味將軍麾下一眾廚藝高手中嘅最後皇牌

武智小靜：雷碧娜
七菜刀武智村正嘅獨生女，二年花組烹飪隊成員

虎子：蔡惠萍
七菜刀壽司大王大虎嘅女兒，二年花組烹飪隊成員

雯女：孫明貞
七菜刀蓋昌卡蒙嘅女兒，二年花組烹飪隊成員

ncyee

現在重温会发覚唔少譯名几接地气，好似将明太子譯成炸酱，御好烧譯成铁板烧，丼飯譯成碗仔飯。人名呢，有时用日版原名如味吉陽一、村田源二郎，有时会改成中式，太郞次郎譯成若红若蓝，小西和也譯成石小西，堺一马譯成马智良，真係譯得好順手咁

漫画版嘅调子温情有趣，动画版因为導演係有原作破坏者之稱嘅今川泰宏担当，所以动画既热血又奇詭——揭开饭碗蓋有光柱冲天，味皇化身大阪城，讲真睇好过瘾好欢乐

配音方面，粤版中我最记得源家祥、袁淑珍同方煥兰三位，袁小姐英气有活力，方小姐声缐独特，有机会再讲

joe2010

“不想计较无穷成就在多近……（有多近）”，动画《伙头智多星》袁淑珍、卢素娟同林元春等多位配音员喺动画中演绎出色，配得非常之好，动画嘅配乐亦十分经典，系我最中意睇嘅煮餸厨艺比试题材动画之一

snzt

就系睇呢部，袁淑珍吧声入咗脑

joe2010

snzt 发表于 2026-2-8 22:19
就系睇呢部，袁淑珍吧声入咗脑

珍姐把踏实嘅男童声好适合配呢类热血厨艺题材动画主角，后面《中华一番》、《日式面包王》都系揾珍姐配主角

邪恶领域

好彩油管的发论坛快一点。。油管频道今天就被人投诉下架了

canon3000

唔知有無呢套? 都好耐了

我唔食猪肉

珍姐真系好适合配少年

hk112801

哩套都好耐喇

多魯基斯

呢部片有全套，依家滴系俾人抽起来的。