Apple 总裁库克　硬销AirPods跳舞都唔跌

engsnow · 发表于 2016-9-15 08:12:07

库克接受美国广播公司访问时话，佢试过喺好多情况下戴住AirPods都冇跌落嚟。

苹果公司上周三发布多项新产品，iPhone7最多人留意，无线耳筒AirPods就最具争议性。好多人认为AirPods外形奇怪，而且仲容易脱落兼唔见咗。可能见到大家唔多buy呢对无线小耳筒，苹果行政总裁库克噚日就亲自讲解，消除果粉对AirPods嘅忧虑。

库克接受美国广播公司（ABC）访问时话，佢试过喺好多情况下戴住AirPods，无论系喺跑步机上，做紧一般嘢时，甚至系跳舞时，AirPods都冇跌落嚟，稳稳阵阵喺原位。

库克继续卖花赞花香，指有电线嘅耳筒总系容易勾住嘢，AirPods就冇呢个问题，电线反而系耳筒脱落嘅主因㖭。

所谓「事实胜於雄辩」，为咗证明AirPods唔易脱落，库克应该向大家表演戴AirPods跳舞，相信「果迷」都好想见教主另外一面。