TXB明珠台迷你剧《神将福星》配音表

joe2010

神將福星 Jason and the Argonauts

備註 2000年美國電影

翻譯：葉志英

明珠臺迷你劇《神將福星》，又名「伊阿宋与金羊毛」，據說改編自古希臘文學作品《阿爾戈號英雄遠征記》（Argonautica），系一部神話冒險劇情片

感謝施米高提供珍貴錄像資源

角色名稱：配音員

伊阿宋：蘇強文（成年）、黃鳳英（幼年）
男主角，原古希臘王國愛俄卡洛斯王子，幼年時親眼目睹叔父為咗王位殘忍謀害自己父王，僥幸逃生，遠離故土，長大成人後返國，希望救回母后，作為船長帶領招募嘅探險隊乘坐阿耳戈斯號，踏上尋找金羊毛嘅奇幻驚險旅程，歷經千難萬險，取得金羊毛，並領悟到命運掌握喺自己手上，天命乃是人為嘅道理，最終手刃仇人，奪回王位，成就一代英雄傳說

阿妲蘭脫：曾秀清
前半集女主角，男主角青梅竹馬嘅同窗好友，系位英勇嘅女戰士同神箭手，一直追隨男主角左右，對男主角有好感

珀利阿斯：張炳強
反派Boss，男主角嘅王叔，陰謀篡奪咗男主角父王嘅王位，二十年後，王侄伊阿宋長大成人，回國要求救回自己母后，作為交換人質嘅條件，珀利阿斯要伊阿宋獻上象征眾神嘅禮物--傳說中嘅金羊毛

埃宋：盧國權
原愛俄卡洛斯國王，男主角嘅父王，被王弟珀利阿斯所謀害

普勒美拉：盧素娟
愛俄卡洛斯王后，男主角嘅母后，珀利阿斯篡奪王位後將其霸占為妻

阿加斯都：梁偉德
愛俄卡洛斯王子，由普勒美拉與反派珀利阿斯所生，男主角同母異父嘅王弟，偷偷上咗男主角只船一同參加探險，取得金羊毛回國後，急於求成私自帶去見自己父王要求繼承王位，結果比冷血無情嘅珀利阿斯暗算身亡

宙斯：潘文柏
奧利匹斯山眾神之王，男主角探險歷程中經常設置難題阻礙男主角

赫拉：黃麗芳
天神宙斯嘅妻子，諸神之母，伊阿宋嘅庇護神，暗中幫助男主角克服探險歷程中嘅重重難關

阿耳戈斯：黃子敬
阿耳戈斯探險隊舵手，航船阿耳戈斯號嘅設計與建造者，喺最終決戰時犧牲

莫塞斯：黃子敬、源家祥（影片開頭部分黃子敬配音，後面部分源家祥配音）
表面上系個酒鬼，其實系男主角父王嘅宮廷侍衛長，反派作亂時曾救過幼主伊阿宋從秘密通道逃出皇宮，阿耳戈斯探險隊收嘅第一名船員

拉爾忒斯：陳欣
阿耳戈斯探險隊船員，系牧羊人，擅長跳躍跳高

珀琉斯：梁志達
阿耳戈斯探險隊船員，系采石工人

卡斯托耳：盧國權
阿耳戈斯探險隊船員，系石匠

俄耳甫斯：陳卓智
阿耳戈斯探險隊船員，系音樂家，擅長演奏各種樂器，用美妙旋律能安撫看守金羊毛嘅毒龍

捷忒斯：鄺樹培
阿耳戈斯探險隊船員，地圖工匠之子，擁有一對超乎凡人視力嘅眼睛，能望到天際間嘅星座排列次序

小偷：張炳強（冇介紹角色名字）
阿耳戈斯探險隊船員，系精通偷竊技術嘅盜賊，雙手十分靈巧，對女主角阿妲蘭脫有好感

赫拉克勒斯：潘文柏
阿耳戈斯探險隊船員，天后赫拉嘅仆人，系勇悍無比嘅大力士，奉赫拉之命加入探險隊伍隨行保護男主，為人忠誠機智，被男主角任命為大副

伊達斯：林國雄
地圖工匠，收藏有通往桌面島嘅地圖

菲紐斯：陳曙光
桌面島上嘅先知，知道傳說中金羊毛嘅所在地

許珀茜柏勒：黃鳳英
雷姆諾斯島女王，意圖用美色誘惑男主角一行人留低作為祭品獻祭，但被阿妲蘭脫所識破

埃厄忒斯：譚炳文
傳說中金羊毛所在嘅國家科爾喀斯國國王，為人殘暴貪婪，要求男主角通過三道難關考驗才能帶走鎮國至寶金羊毛，金羊毛被取走後遭手下群臣所殺

美狄亞：雷碧娜
後半集女主角，科爾喀斯公主，埃厄忒斯之女，系位女巫師，亦系金羊毛喺凡間嘅守護者，愛上咗男主角，幫助男主角通過考驗成功取得金羊毛，最後與男主角結為夫妻，成為愛俄卡洛斯嘅新王后

阿斯派忒斯：梁志達
科爾喀斯王子，埃厄忒斯之子，美狄亞嘅王兄

其他配音人員：林丹鳳、區瑞華、馮錦堂…等

joe2010

53057bon 发表于 2024-3-17 20:51
图片的男主角系咪木乃伊的男主角后生的时候好鲜嫩啊

应该唔系班顿费沙（Brendan Fraser），《神将福星》呢部戏嘅男主角名叫杰森·伦敦（Jason London），网上资料显示佢都经常演恐怖灵异惊悚题材剧集同电影嘅

joe2010

至此，明珠台古希腊神话影视作品三部曲：《新木马屠城记》、《神话西遊》、《神将福星》嘅配音表已经全部完成，
《神将福星》有曾秀清同雷碧娜作为两位女主角嘅配音，雷碧娜喺呢部戏配音把声仿佛有种空灵嘅神秘感，配女巫美狄亚都几合适啊

snzt

又一部读书时期系明珠台睇的

53057bon

图片的男主角系咪木乃伊的男主角后生的时候好鲜嫩啊

tk345497747

童年记忆

vontyker

呢部篇小时候记忆，很经典，现在应该难找到了吧，

小白菜花

又有尼出戏呀

跳盡無悔

竟然有埋翻譯！

跳盡無悔

joe2010 发表于 2024-3-17 16:37
至此，明珠台古希腊神话影视作品三部曲：《新木马屠城记》、《神话西遊》、《神将福星》嘅配音表已经全部完 ...

有人執呢啲真係好畀心機