论坛十周年改版通知 (更新最终修改方案)

stebrick

漫步 发表于 2022-3-3 17:36
复习你个头，限制一下无意义吹水而已对普通用户几乎没影响

部分人日日无无聊聊吹一千几百帖一两个月就 ...

大致上都同意同支持的。

不過新政策一下子得番10帖就好似辣左少少，波及埋我地呢d日日只做50帖任務的小會員 (每個月都差唔多無成千雪點)，如果可以放寛少少去到50帖就好啦。佢地班友亂咁水就上晒岸，我地呢d仲係深海漂浮緊。
最後希望論壇可以有多幾個興旺的10週年

漫步

stebrick 发表于 2022-3-5 07:08
大致上都同意同支持的。

不過新政策一下子得番10帖就好似辣左少少，波及埋我地呢d日日只做50帖任務的 ...

唔知你讲咩

evon

漫步 发表于 2022-3-3 17:36
复习你个头，限制一下无意义吹水而已对普通用户几乎没影响

部分人日日无无聊聊吹一千几百帖一两个月就 ...

我原本打算不靠吹水到精灵王的，看来要下一个十年也到不了

hkviutv

睇來離精靈王目標還有很長一段路行~

condor

咁就十年啦！~~  近几年因为动画变少同埋唔係好啱本人口味，经常都係翻煲旧片，睇到发帖日期都係2021年6月1日或者5月12之类，明显係建站嗰阵摆上去嘅。总系觉得12年不过就四五年前，啲片都唔係好旧嗟~原来已经2022咯，岁月不饶人。

细细个就睇TVB粤配动画——本人千禧年[smile][smile]——一直都对粤配片好有感觉，无论动画定係歌曲，亦或是剧集电影。但係一直以来网上嘅资源都七零八落，清晰度又差，甚至为咗收藏本人仲试过提取浏览器缓存再给他拼成完整嘅一集。。。

直到16年为左稳 魔导少年 无意中稳到飘雪——其实15年嗰阵已经注册左账号，但係冇留意到呢度有咁多资源——真系眼前一亮，同时亦都第一次听讲ac3、aac、pgs、idxsub呢啲媒体格式。。亦都係从嗰阵开始，先知道有J2呢个台，播咗咁多听都未听过嘅动画。

其实讲咁多流水账，都係有感而发。飘雪陪咗我整个中学阶段、大学阶段。虽然本人唔似其他大神一样成日上来水贴，但係都係习惯每日都来睇一下有没新鲜事，主要想睇有冇新片

近几年道听途说一啲大台八卦，动画时段一砍再砍，恐怕好难再见到12-14年嗰阵有 轻音 悠风号等呢啲好作品被配音，电视衰落係必然，粤漫式微也是必然。但係最近亦都见到B站有买粤配版权，个人觉得呢个可能係粤漫嘅新出路。现时主要係要更多人去接受——先唔话中意先——粤配係可以葛，有佢独特嘅味道，而唔係降到粤配就话“好废啊！”“艹”“好怪”。

粤配传承呢啲就太远啦，只系希望B站呢个平台可以增加粤配传播度，尽可能令粤配坚持多几年。peace。

辛苦漫大等管理层年年投入皮几嘢。可惜本人都係打工人，只能很不偶尔地微助，希望飘雪可以越做越好，继续有好多个十年。

xing997

原来这里也已经有10年历史了，我才刚刚加入

locoloq

有幾多個十年!

stebrick

漫步 发表于 2022-3-5 08:32
唔知你讲咩

抱歉令漫大你唔明白，簡單來說﹕

未改動前 在水區每天做50帖任務所得的一個月雪點
=(10帖任務獎勵 + 50帖任務獎勵 + 50帖回覆雪點) x 30
=(20 + 50 + 50) x 30
=3600

改動後 做50帖任務所得的每個月雪點 (水區每天只有頭10帖有2雪點獎勵)
=(20 + 50 + 20) x 30
=2700

這裡就是我說的每月少接近1000雪點，對我們這些一直每天只水50帖的會員實在是有點影響
畢竟十週年，如果可以寛容一下這個10帖限制或者相應提升50帖任務獎勵就好了
只是一個小意見 刷鞋野我唔多識講 唔好見怪

勇者罗兰

stebrick 发表于 2022-3-5 16:24
抱歉令漫大你唔明白，簡單來說﹕

未改動前 在水區每天做50帖任務所得的一個月雪點

不过对于每日10任，一个月存够300任噶黎讲，佢地系赚左