TXB动画《少女革命》配音表

joe2010

影片名稱：少女革命 (少女革命ウテナ)

備註 1997年日本TV動畫

本故事純屬虛構，如有雷同實屬巧合

角色名稱：配音員（無線TXB粵語版）

旁白：盧素娟
呢個系發生喺好耐之前嘅故事，小公主因為失去父母，內心非常悲傷，喺呢個時候，有一位騎著白馬英姿凜凜嘅王子，出現喺小公主面前，王子露出溫柔嘅笑容，輕輕抹去小公主眼角嘅淚水，王子對小公主講：「你自細就要自己去忍受悲傷，你長大之後，希望你會保存呢份堅毅嘅鬥志」，並送咗一枚薔薇標記戒指俾小公主留念，小公主問王子：「將來我地系咪會再見面呢？」，王子回答：「呢只戒指一定會引領你嚟到我嘅地方」，喺呢件事之後，小公主因為傾慕王子，於是佢立志亦要做一個王子，但系公主佢做唔做得到呢……

天上萼：陸惠玲
長大後嘅小公主，鳳學園中學二年A班轉校生，為幫好友筱原若葉，而意外卷入爭奪「薔薇新娘」嘅決鬥遊戲中，喺擊敗劍道部主將西園寺莢一後，贏得了薔薇新娘姬宮杏子嘅「所有權」

姬宮杏子：沈小蘭
鳳學園中學部二年級女生，天上萼嘅同學兼室友，平時經常喺溫室打理薔薇花，同時亦系神秘組織「天涯海角」所指定嘅薔薇新娘，傳聞身上潛藏住帶動世界革命奇跡力量嘅秘密，成為眾多決鬥者嘅爭奪目標

西園寺莢一：馮錦堂
鳳學園學生會副會長，劍道部主將，系天上萼之前薔薇新娘嘅主人

筱原若葉：盧素娟
鳳學園中學部二年A班女生，同天上萼系同學兼好友，對西園寺莢一有好感

桐生冬芽：黎偉明
鳳學園學生會會長，學生會篇嘅主要人物，系學園嘅花花公子，同西園寺莢一系青梅竹馬嘅好友，亦系劍道部高手，受到神秘組織「天涯海角」所控製，為人處事不擇手段，為達到目的連自己親妹妹和童年好友都狠心利用

薰幹：袁淑珍
鳳學園中學部一年級優等生，學科已經修讀到大學水平，學生會成員，精通鋼琴演奏同西洋劍術，對妹妹阿梢十分關心

薰梢：林元春
鳳學園中學部一年級B班女生，薰幹嘅雙胞胎妹妹，性格有多少扭擰，對姬宮杏子有敵意

有栖川樹璃：雷碧娜
鳳學園中學部學姐，學生會成員，劍擊部代理部長，劍術精湛，為人外冷內熱，渴望奇跡嘅力量之余，又否定奇跡嘅力量

高槻枝織：黃麗芳
鳳學園中學部學姐，樹璃嘅同學兼好友，中學時曾經離校，又轉學回鳳學園，與樹璃二人關系微妙

桐生七実：鄭麗麗
鳳學園中學部一年級女生，系學生會會長桐生冬芽嘅妹妹，對兄長有特殊情意結，性格有點小聰明又帶些少自大魯莽，喺桐生冬芽決鬥負傷隱退時期，七実暫代兄長主持學生會事務

石蕗美蔓：梁偉德
鳳學園小學部四年級A班學生，系桐生七実嘅小跟班，對七実十分仰慕

苑田莖子：黃麗芳
愛子：雷碧娜
優子：盧素娟
鳳學園女生三人組，系桐生七実嘅三個跟班，紮孖辮、前面挛頭髮嘅系莖子，頭髮長到膊頭、髮尾挛挛哋嘅系愛子，頭髮到面珠、卷到好挛嘅系優子

御影草時/根室教授：蘇強文
鳳學園天才高校生，御影研討會主席，根室紀念館館主，黑薔薇篇嘅主要人物，其真實身份系數十年前根室研究所教授，擁有揀選鳳學園學生令其黑化成為決鬥者嘅能力，先後黑化過鳳香苗、薰梢、高槻枝織、石蕗美蔓、筱原若葉、苑田莖子對天上萼發起決鬥挑戰，均以失敗告終

研究員學生：潘文柏、鄺樹培、梁志達
當年喺根室教授門下一同參與項目研究嘅研究員學生

千唾時子：梁少霞
鳳學園董事會女幹員，數十年前被理事長派往根室研究所，擔任永恒力量研究項目嘅監察官，同根室教授有感情線

千唾馬宮：梁偉德
千唾時子嘅弟弟，身患不治之癥，傳聞數十年前根室教授因愛慕千唾時子（醫治千唾馬宮），與墮天使Lucifer簽訂契約，縱火燒毀研究所，將一百名戴有薔薇標記嘅研究員學生葬身火海，換取所謂嘅永恒不死力量，其實千唾馬宮已經病逝，根室教授從此不老不死，化名御影草時留喺根室紀念館，御影草時身邊嘅馬宮系幻影同姬宮杏子假扮嘅

穗織茉莉：林元春
鳳學園小學部女生，系石蕗美蔓嘅同學兼青梅竹馬好友，比石蕗大一歲，對石蕗有好感

風見達也：陳卓智
鳳學園中學部二年D班學生，同筱原若葉系同學兼青梅竹馬好友，對筱原若葉有好感

土谷瑠果：李錦綸（初期），招世亮（中後期）
鳳學園中學部學長，劍擊部部長，同有栖川樹璃及高槻枝織系好友，本已病重休學，為咗樹璃能正視對高槻枝織嘅情感困境，土谷带病回校挑戰天上萼幫助樹璃打開心結，最終土谷自我犧牲，令樹璃擺脫對枝織嘅情感寄托，走向自我成長

鳳沐生：雷霆
鳳學園代理事長，自稱系姬宮杏子嘅兄長，因入贅校董會鳳家而改姓鳳，表面上文質彬彬平易近人，實際上系神秘組織天涯海角嘅幕後主腦，包藏禍心操縱鳳學園學生會及一眾決鬥者爭奪薔薇新娘，企圖利用天上萼嚟打開薔薇之門獲取帶動世界革命嘅奇跡力量

鳳香苗：蔡惠萍
鳳學園理事長家嘅千金，與鳳沐生訂有婚約

鳳夫人：黃鳳英
鳳學園理事長夫人，鳳香苗嘅母親，鳳沐生嘅未來外母

迪奧斯：雷霆
天上萼記憶中當年幫助過小公主嘅王子，原本系破曉之星薔薇之力嘅守護者，受到墮天使之星「呂思華」（路西法Lucifer）黑化後嘅身份就系鳳沐生，實際天上萼幼年時見到嘅，系姬宮杏子嘅真身及暗示了其命運嘅影像，最終天上萼舍生忘死打開薔薇之門將蔷薇新娘解放，自己同決鬥廣場一齊消逝於萬劍叢中……

鈴木：李錦綸
山田：招世亮
田中：林國雄
鳳學園男生三人組，三個都戴眼鏡，經常出現嘅搞笑情節中

影繪少女A子：黃麗芳
影繪少女B子：林丹鳳
影繪少女C子：袁淑珍
鳳學園影子劇場演出角色，通常A子系微微翹起麻花辮造型，B子系緞帶束髮造型，C子系戴髮箍馬尾辮造型

老師：林丹鳳
訓導主任：陳欣
教務主任：林國雄
鳳學園嘅教職員工

其他配音人員：曾秀清……等



人物從左往右：薰幹、桐生冬芽、姬宮杏子、天上萼、西園寺莢一、有栖川樹璃



以下系《少女革命》影碟版部分粵語配音陣容（回復可見）

游客，如果您要查看本帖隐藏内容请回复

joe2010

“绝对 命运 启示录……”，动画《少女革命》以前无线翡翠台曾经播过，有粤语配音，呢部动画无线配音配得好好，几乎嗰时配音组当打嘅女声配音都上齐咁滞，女声配音阵容媲美《美少女战士》系列，片头同片尾曲亦十分动听，网上话《少女革命》同《新世纪福音战士》、《机动战舰抚子》一并被称为“御宅三大神作”，表面上睇《少女革命》好似系讲“王子救公主”嘅故事，实际上本动画隐喻繁多，网上有好多详细解读

joe2010

snzt 发表于 2025-8-24 21:32
雷霆加入tvb早期，经常分到声音迷人个种角色啵

雷霆配音把声有时斯文得嚟又带有少少狡黠轻佻，同传统一本正经嘅小生角色相比，戏路更多变化

joe2010

hirochib 发表于 2025-8-25 00:46
结局有点了草 画风真系好唯美

可能系动画制作嘅常见通病？到结局篇经费紧张导致差强人意，网上话后面仲有部剧场版（从另一角度补完咗tv版部分结局剧情），可惜唔知无线有冇播过

joe2010

yying 发表于 2025-8-25 02:24
好似话网上流传嘅粤语版好似都唔系 tvb 首播嘅配音，不过大部分有重叠，所以听上去还好。

当年睇好喜欢哩 ...

动画剧情带点悬疑或者悬念容易令观众有追看嘅欲望，收藏的漫画在搬家时失落真系可惜啊

joe2010

Firework 发表于 2025-8-25 11:38
雖然當年不太看得懂劇情，
但仍然每週都會追看的作品。
奧井雅美演唱的主題曲很動聽。 ...

呢部动画同亚视播嘅EVA，当年都系不太看得懂剧情，无线《少女革命》就喺白天时段播，亚视《新世纪福音战士》就喺深夜时段播

joe2010

Firework 发表于 2025-8-25 11:38
雖然當年不太看得懂劇情，
但仍然每週都會追看的作品。
奧井雅美演唱的主題曲很動聽。 ...

系呀，网上话片头曲《轮舞》充满动感同活力，兼有自带一片华丽气场嘅感觉，的确系经典动画神曲