|
香港地少人多，就算有錢可以換來嘅居住空間都好有限，不過對於一個生活喺美國小鎮上嘅婦人來講，佢就絕對冇呢個煩惱，因為佢係鎮上嘅唯一嘅居民。 今年84歲嘅Elsie Eiler，住係美國內布拉斯加州嘅莫諾維鎮，Elsie唔單至係鎮上唯一嘅居民，更係一人包攬市長、鄉村幹事、司庫等職務。根據2000年嘅人口普查顯示，莫諾維鎮當時嘅人口有2個人，就係Elsie 同當時仍未過世嘅丈夫。 莫諾維鎮係美國最小嘅鎮，美國政府曾經嘗試希望將莫諾維鎮合併，但由於Elsie 保留咗咗一啲相關嘅文件，最後就成功將莫諾維鎮保留落嚟。Elsie 係1971年同丈夫購入咗鎮上嘅酒吧，而Elsie 而家除咗經營酒吧嘅生意，仲會經營一個擁有5000本書嘅小型圖書館。 為咗將莫諾維鎮保留，Elsie 必須每年向政府提交1項市政道路計劃，以獲得內布拉斯加州嘅資金。而Elise會透過徵收稅項（即係向自己收税），改善鎮上嘅一啲設施，包括營運鎮上嘅三盞路燈。 喺丈夫去世之後，Elise獨自住喺鎮上嘅故事就吸引咗好多人嘅追訪同報道，依家仲會吸引唔少嘅遊客專程來探望佢。Elise話暫時無打算搬岀小鎮同仔女居住，佢希望可以繼續鎮上嘅生活。 
你冇睇錯啊，Elsie 真係一個人住晒成個鎮。 
Elsie 除咗經營酒吧嘅生意，仲會經營一個擁有5000本書嘅小型圖書館，佢嘅丈夫更加係忠實擁躉。 
Elise 獨自住喺鎮上嘅故事吸引唔少嘅遊客專程來探望佢。
| 
[复制链接]
雷达卡
发表于 2018-3-10 19:27:40
提升卡
置顶卡
沉默卡
喧嚣卡
变色卡
显身卡
