TVB西片《虎膽龍威》第二部重配版配音表（附第四部配音簡表）

JVT

影片名稱 虎膽龍威續集 Die Hard 2
（全系列第二部，亦係死亡人數最多嘅一部，估下裡面邊兩位唔多起眼嘅小配角後來喺影史上留低咗令觀眾印象深刻嘅經典角色？）


首播日期 14/12/1991


重播日期 26/12/1993、1/7/1995、10/4/2004、24/12/2004、21/7/2007、24/1/2009、17/1/2009、18/9/2022


播放頻道 明珠台


備註 1990年美國電影


配音員 角色名稱 演員

陳永信（常配，繼續配演同一個角色）——麥尊（Bruce Willis飾演）
（男主角，女主角老公，從紐約調職去羅省嘅警察副隊長，為咗接老婆機而嚟到華盛頓杜勒斯機場點知又撞到恐怖分子，再次被迫同敵人玩命）
P.S.：據資料顯示，該角色首配版由馮永和聲演。

招世亮（招sir把聲線無論喺同角色嘅外形定係原聲都好夾）——史（William Sadler飾演）
（大反派之一，代號“鷹巢”，畀國會炒魷嘅美軍上校，率領恐怖分子控制杜勒斯機場指揮系統以交換被引渡嘅瓦爾韋德獨裁者，練某種格鬥術）
P.S.：據資料顯示，該角色首配版由張炳強聲演。

沈小蘭（小蘭姐繼續同信哥夫妻檔並且都係配同一角色）——麥荷莉（Bonnie Bedelia飾演）
（女主角，男主角老婆，從羅省搭東北航空140班機嚟華盛頓同老公準備聖誕團聚，由於恐怖分子搶咗杜勒斯機場嘅指揮系統而再次間接淪為人質）
P.S.：據資料顯示，該角色首配版由盧素娟聲演。

源家祥（已故，毛叔配得幾好以至於聽到哩個角色講嘢就覺得煩）——羅（Dennis Franz飾演）
（頭髮少見識仲少嘅華盛頓杜勒斯機場二撇雞肥佬警察隊長，由於臨近聖誕公務繁忙而忽略男主角嘅恐怖襲擊警告，出事之後又做咗好多愚蠢決定）

林保全（已故）——白禮士（Art Evans飾演）
（華盛頓杜勒斯機場白頭黑人二撇雞總工程師，喺恐怖分子騎劫機場嘅指揮系統之後諗盡一切辦法偷偷聯繫天上盤旋嘅客機，有效緩和咗危急局勢）

譚炳文（已故）——曹（Fred Dalton Thompson飾演，演員已故）
（華盛頓杜勒斯機場頭頂地中海嘅航空指揮總管，對男主角發出嘅恐怖襲擊警告非常重視兼且好欣賞佢嘅熱心，喺危機爆發之後竭力維持正常秩序）

盧國權——顏雷蒙（Franco Nero飾演）
（大反派之一，代號“獵鷹”，識揸飛機嘅瓦爾韋德倒台獨裁者，之前受美國扶植反共，因為販毒而被拘押並即將引渡到美國受審，有唔少支持者）
P.S.：據資料顯示，該角色首配版由張英才聲演。

張炳強（退行）——甘（John Amos飾演）
（大反派之一，代號“小鷹”，美國海軍陸戰隊藍光部隊黑人少校指揮官，帶兵詐帝嚟消滅上校領導嘅恐怖分子，實質上係雙方夾埋做咗場大龍鳳）
P.S.：據資料顯示，該角色首配版由梁耀昌聲演。

蘇強文（阿So配得個角色感覺比上一部更加乞人憎）——方李察（William Atherton飾演）
（台詞讀成“霍理察”或者“阿Dick”，WZDC無良記者佬，同女主角同機期間發現恐怖分子劫持咗杜勒斯機場嘅控制權，為一己私利引發機場混亂）
P.S.：據資料顯示，該角色首配版由翟耀輝聲演。

陸惠玲——高森瑪（Sheila McCarthy飾演）
（WNTW新聞台女記者，帶隊去杜勒斯機場採訪瓦爾韋德獨裁者被引渡嘅新聞，影片末段幫男主角利用電視台直升機跳落大反派坐嘅747貨機度決戰）

張英才（退行）——馬雲（Tom Bower飾演）
（華盛頓杜勒斯機場看更，對戰爭歷史感興趣兼鐘意聽舊唱片同執地，通過自己嘅檔案系統幫男主角多次試圖破壞恐怖分子嘅計劃）

黃麗芳——東北航空140班機空姐（全片字幕冇打角色名不過台詞有提到，Karla Tamburrelli飾演）
（台詞讀成“康妮”，因為睇自大掗拃嘅WZDC無良記者佬唔順眼所以同女主角同一陣線，影片後段打開反鎖嘅機艙廁所門等女主角可以電暈條賤精）

林保全（已故）——米（Vondi Curtis Hall飾演）
（上校手下嘅黑人恐怖分子，影片前段同詐死嘅二撇雞恐怖分子一齊喺杜勒斯機場行李區裝信號追蹤器，片尾同其他反派一齊死於747貨機爆炸）

鄺樹培（退行，勉強算係常配）+招世亮——賈（Don Harvey飾演）
（上校手下嘅恐怖分子兼主要助手，片頭喺華盛頓杜勒斯機場同另外兩個恐怖分子對錶，影片中後段坐雪地摩托從教堂突圍嗰陣被男主角槍殺）
P.S.：出現混配狀況，大多數時候由鄺樹培聲演，招sir（招世亮）配嘅係影片前段該角色用手擋住WNTW新聞台攝影師鏡頭嗰陣講嗰句“哩度唔准影嘢快啲躝”，因為部戲原台詞係上校講粗口“Fuck and You”所以出街要剪走，為咗情節流暢招sir就要配埋哩句“哩度唔准影嘢快啲躝”以令觀眾以為句對白出自上校之口。

黃子敬（換咗人，敬叔嘅聲演表現到角色喺第二部已經放低心結之後嘅輕鬆感覺）——鮑艾（Reginald VelJohnson飾演）
（台詞讀成“鮑艾爾”，羅省黑人警察，又再同男主角合作，幫手查到詐死二撇雞恐怖分子嘅真實身份，為男主角懷疑有事會發生嘅猜想提供證據）
P.S.：據資料顯示，該角色首配版由源家祥聲演。

盧國權——葛奧斯（John Costelloe飾演，演員已故）
（上校手下嘅二撇雞恐怖分子，宣稱喺1988年5月11號死於直升機意外嘅前美國駐洪都拉斯中士顧問，但係今次遇著男主角就唔係詐死而係真死）

雷霆——Baker（全片冇提過角色名，Tony Ganios飾演）
（上校手下嘅恐怖分子，片頭同代號“蕎麥”嘅恐怖分子扮工程人員去機場附近嘅教堂仲開槍殺埋看守，影片中後段畀男主角用冰凌插爆眼而死）

區瑞華（退行）——阿婆（全片冇提過角色名，Jeanne Bates飾演，演員已故）
（坐女主角側邊嘅東北航空140班機乘客，戴住副眼鏡，隨身攜帶電擊器喺個手袋度結果影片後段畀女主角用於實踐）

馮錦堂——域陀（Robert Steinberg飾演）
（疑似係WZDC無良記者佬嘅同事，偷偷帶咗個無線咪上機，幫無良記者佬將接收器校去駕駛室頻道，令無良記者佬發現杜勒斯機場控制塔出現異常）

陳凱婷——租車女服務員（全片冇提過角色名，Lauren Letherer飾演）
（喺華盛頓杜勒斯機場幫客人搞租車服務嘅女仔，幫男主角用傳真機fax詐死二撇雞恐怖分子嘅指紋去羅省警局，對男主角有好感）

盧國權——羅韋圖（Robert Costanzo飾演）
（完全禿頂嘅華盛頓杜勒斯機場警察，杜勒斯機場二撇雞肥佬警察隊長嘅細佬，片頭抄男主角外母架車嘅牌仲嗌人拖埋車走）

馮錦堂——Thompson（全片冇提過角色名，Peter Nelson飾演）
（上校手下嘅恐怖分子，代號“蕎麥”，片頭同另一個恐怖分子扮工程人員去機場附近嘅教堂，影片中段後接獨裁者機嗰陣同男主角駁火被擊斃）

張炳強（退行）——Kahn（全片冇提過角色名，Tom Verica飾演）
（上校手下嘅恐怖分子，影片中段後接獨裁者機嗰陣同男主角槍戰仲將男主角逼入軍機駕駛艙兼鎖住喺入面，片尾死於男主角製造嘅747貨機爆炸）

馮錦堂——Mulkey（全片冇提過角色名，Ken Baldwin飾演）
（上校手下嘅恐怖分子，影片中前段著黑色制服喺機場附屬天橋伏擊警察隊長派出嘅精銳部隊，隊友瓜晒之後由於跑慢幾步畀男主角執起配槍射死）

鄺樹培（退行）——O'Reilly（全片冇提過角色名，Robert Patrick飾演）
（上校手下嘅恐怖分子，影片中前段著白色工人制服喺機場附屬天橋伏擊警察隊長派出嘅精銳部隊，畀男主角從頭頂一塊百葉車埋嚟再亂槍打死）

馮錦堂——Telford（全片冇提過角色名，Pat O'Neal飾演）
（事發前一日先被臨時調過嚟頂上嘅藍光部隊隊員，係成支隊伍中唯一一個冇參與過攻佔格林納達行動嘅人，而哩個正係佢最後莫名被殺嘅理由）



另附第四部配音簡表（TVB應該係冇版權所以今輪冇播）：

陳永信——麥尊（Bruce Willis飾演）
何承駿——樊馬輝（Justin Long飾演）
雷霆——賈湯美（Timothy Olyphant飾演）
梁志達——龐（Cliff Curtis飾演）
陸惠玲——美雅（Maggie Q飾演）
楊善諭（退行）——麥露茜/靳露茜（Mary Elizabeth Winstead飾演）
李錦綸——簡法迪（Kevin Smith飾演）
張預東——崔（Jonathan Sadowski飾演）
張錦江——艾（Edoardo Costa飾演）
劉昭文（退行）——羅素（Yorgo Constantine飾演）
古明華（退行）——莫（Zeljko Ivanek飾演）
林保全（已故）——裴傑克（Joe Gerety飾演）
馮錦堂——沈卓克（Tim Russ飾演）
林保全（已故）——Casper（全片冇提過角色名，Andrew Friedman飾演）
劉惠雲——戴（張韻明飾演）
葉振聲——Raj（全片冇提過角色名，姜成鎬飾演）
陳卓智——占（Jake McDorman飾演）
譚炳文（已故）——薛（Chris Ellis Jr.飾演）
招世亮——莊（Yancey Arias飾演）

JVT

提示：開頭嘅問題同以下兩套電影有關，兩個小配角分別參演哩兩套戲嘅重要角色

我心粤漫

多谢多谢分享

神之影

从2跳到4？

JVT

神之影 发表于 2022-11-1 08:53
从2跳到4？

上星期我由1跳到3

Seon

劲呀，资料好详细，讲完呢个系列可以讲下最近重播嘅狂野时速系列了。

制裁者

但 首播的配音版 估计是已经找不到了吧， 很早期的录影就已经是重播  而且麦遵的配音 从小时候看就是陳永信， 还真没听过其他的版本

asd2008asd

一眼都系经典配音人