面对长辈唔合理嘅观念，你会唔会劝服自己嘅长辈？

喜粤201906 · 发表于 2021-2-22 21:01:17

呢个系继《投票：你觉得反感以下类似咁嘅长辈嘅做法吗？》帖之后又一个追踪长辈问题嘅帖，喺今个月发生嘅三件事令我又一次反感阿妈，不得不书写心中嘅不满。
第一件事就发生于年初四，我阿妈问我：“点解唔食黄花菜？”事实上我食咗好多，佢竟然冇睇到，我接住话：“我已经食咗好几条了。”呢个阿妈唔知发咩神经，将人哋讲嘅“Yes”当成系“No”嚟处理，我已经多次表明自己嘅讲法，佢居然借机闹人。食得罪人，唔食亦得罪人。我真系睇唔惯佢滥用长辈威严嘅人，咁嘅阿妈树立一个坏形象，真系唔惊雷公劈咩？我将来做长辈，系绝对唔会将上一代俾当今一代嘅无理取闹而带嚟嘅痛苦再令下一代承受。
第二件事就系，信未经证实嘅讯息同埋谣言信到麻木，毫无思考就传假料传到完全冇收手之意。佢传俾我嘅文章，好多时候系唔符合逻辑，影片亦都有令人质疑嘅地方，细心嘅人一睇就知系假嘅。我每一次话佢：“你发埋D厄人嘅文章/影片做乜？”佢冇当回事。最严重嗰次就系我阿妈信咗不实嘅报导（呢度我唔再展开陈述喇），并讲出佢嘅睇法，我一睇报导就知系假嘅，仲有佢嘅睇法的确存在唔妥嘅地方，我逐一反驳，佢竟然闹我。我发觉佢接收讯息嘅来源基本上停留喺内媒及自媒，唔会喺其他地方，并且睇完之后佢系冇思考时间嘅，就直接分享俾亲朋戚友，咁样某D谣言就传俾人哋了。
第三件事就系21号下午发生嘅，干涉我出行或否嘅自由，将佢个人嘅意愿直接强加于他人身上，并且扬言恐吓，甚至意欲侵犯物权。我自己承诺当日晚上嘅出行时间安排，但阿妈唔顾我嘅感受，一意孤行，霸占本属于我嘅睇片时间，仲恐吓要打烂我嘅手机同电脑，干扰我嘅私人时间。我已经唔系细路仔了，虽然钱银方面未能彻底脱离长辈嘅给予，但我嘅时间同自由唔系由阿妈嚟支配嘅！
以上就系今个月发生嘅三件令我特别唔愉快嘅事，并且呢D事唔系第一次发生。至于第二件事嘅后续系咁嘅：虽然我班同学获悉第二件事嘅事发经过，但系佢哋俾我嘅处理方法并唔满意，因为斋沟通并唔能够改变佢轻信呢种行为，要令佢有逻辑思考能力，一旦接触“一言堂”或“管腔调”太多，就容易恶化呢种能力同对事物嘅认知，甚至影响长辈同晚辈之间嘅关系。
顺便再提一下我阿妈嘅不良偏好，唔知点解，自从佢少接触某样嘢之后，兴趣向北睇齐，成个人捞化现象变得严重，有次佢竟然话“北佬几做得嘢啊，几识揾女仔啊”之类嘅话，我当场火滚，闹佢：“北佬嘅事，唔关我事！”
由于心里头无法接受咁嘅最紧要又难搞掂嘅缺点，因此搞到我唔想听阿妈讲大条道理，就算平心劝导都无力行动，最终导致我唔情愿同佢沟通……
你哋有冇咁嘅烦恼？面对长辈唔合理嘅观念，你会唔会劝服自己嘅长辈？

UZIXA · 发表于 2021-2-22 21:09:59

呢滴也，恐怕要你自己私底下慢慢解決.因為家長觀念呢滴也好杂使...

wai008 · 发表于 2021-2-22 21:32:15

兩個字: 代溝

freedom · 发表于 2021-2-22 21:39:52

我从小就怼，对于陈旧腐朽的观念全部怼回去。

fokdaniel · 发表于 2021-2-22 22:13:04

本小姐會嘗試同佢既講道理!!!

hkviutv · 发表于 2021-2-22 22:20:05

fokdaniel 发表于 2021-2-22 22:13
本小姐會嘗試同佢既講道理!!!

好難，如果父母立場強硬嘅話

ggoggo · 发表于 2021-2-23 00:11:08

你同佢讲乜都唔有用，因为佢老咗讲得难听D就係弱智智商下降无法理解判断某D事物，随着年纪增加行为想法脾气都会越来越怪异，唔好同佢辩驳由佢中意点就点，习惯你就会慢慢冇眼睇，话唔定大家老咗都係咁。

lykkang · 发表于 2021-2-23 00:38:18

老一辈的观念很难改变的，不是特别重要我一般尊重老人的决定

Kimon · 发表于 2021-2-23 00:45:45

係呀我都覺得家長都好硬頸都唔聽人講我屋企兩老簡直燥王好多時仲惡過你有時呢啲嘢解釋得到就解釋得到對於我嚟講如果佢哋有時針對我嘅行為進行否定或評價時我就靜靜地聽啱或否我心裡有數執唔執行係我自己嘅事反正我會選擇租屋分居一個月見一兩次感情仲好冇咁多拗撬

vx2240w · 发表于 2021-2-23 01:32:02

点样讲好呢,唔少长辈嘅传统思想同观念经已根深蒂固,想劝服佢哋唔容易嘅

[休闲聊天] 面对长辈唔合理嘅观念，你会唔会劝服自己嘅长辈？

浏览过的版块