【老麥翻身】首間概念店推自選沙律既送餐又可叉電

chinghar · 发表于 2015-12-19 07:23:48

金鐘海富中心分店正式變身成全球首間「McDonald’s Next」概念店。餐廳集主餐廳、Create Your Taste (CYT)及McCafé 於一身，採用開放式設計，採用大量玻璃，透明感十足，除咗每晚6時後為客人送餐外，設備亦電子化，好似全新自助點餐機、自助水機，超過四分一座位均設有免費無線充電服務，讓顧客隨時為手提裝置叉電，亦設附有教學影片的自動洗手機等。

餐廳以「Real & Fresh」為主題，主餐廳廚房採開放式設計，比客人睇清製作過程，唔洗食得咁擔心。

新店設備電子化，設自助點餐機，當然亦有傳統的點餐櫃台。

扮外國Café，超過四分一座位均設有免費無線叉電服務，但唔知唔會坐滿強國人。

就連洗手都要自動化，我反而想試試點自動法？！

食物方面，則延續七月推出的CYT自選漢堡，首推CYT 沙律，共有19款食材選擇，包括2款沙律菜底、2款芝士、3款醬汁及多款滋味配料，顧客亦可選擇配搭香烤雞腿、碎蛋小龍蝦及藜麥 Cous Cous等；亦推出雜莓新地窩夫、McCafé採用店內限定的特選咖啡豆- McCafé Premium House Blend ，以及首次於McCafé售賣包裝咖啡豆，以後搵個陪你食麥記嘅女朋友更容易啦！

CYT 沙律好明顯係一洗唔健康嘅形象，加入營養食品藜麥 Cous Cous，Go Green人士必食。

雜莓新地窩夫熱配上粒粒果肉的雜莓醬及新地雪糕，好吸引呀！

「McDonald’s Next」首度發售包裝咖啡豆，暫時有3款single origin包括Ethiopia Sidamo、Sumatra Mandheling及Guatemala Huehuetenango。

「McDonald’s Next」
地址：金鐘夏愨道 18 號海富中心地下 1-41 號舖 A 部份