坐地鐵讓座反而失禮？

查理阿蛋 · 发表于 2015-10-23 00:19:37

香港為咗地鐵讓唔讓座，已經爭拗不斷；宜家坐地鐵如果坐低，心理壓力真係好會大！不過咪以為讓座一定係世界各地都算係美德，原來係日本，完全係另一支歌仔。日本地鐵有大量關愛座，就算無人坐，守規矩嘅人都絕對唔會坐；相反，如果有人唔坐，你就千萬唔好讓坐，因為日本人最怕係麻煩到人，所以如果係地鐵見到有公公婆婆寧願企；第一，佢唔覺得自己老；第二，佢怕帶麻煩畀人，呢個時候如果你讓座，就係非常失禮嘅舉動喇！所以係日本地鐵，好少好少情況會見到有人企起身再指明讓座，就算有，可能都係起身扮落車，其他人就會睇下老人家想唔想坐。如此曲線讓座，真係事事講禮貌嘅日本人先會做得出。所以大家去到日本，咪道德判官上身，指責乘客唔讓座呢。

日本網民直言，就算出於好意，都唔可以迫人家接受，所以唔會讓座。
(圖片來源: imagevulture@tumblr)