TVB 夹硬搬剧上大银幕　《十月初五》破坏口碑

engsnow · 发表于 2016-8-16 10:29:00

如果呢个世界有条成功formula，或者TVB就唔使咁头痕。呢几年香港有叫座力嘅剧集一年都未必出到一套，有时难得出到套好剧，都锺意改做电影版再吸多次金。但画蛇添足往往都冇好结果，就好似下面呢几套咁，有时落埋画都唔知佢有拍过：

《十月初五的月光》：

张智霖同佘诗曼00年嘅神剧，讲唔到嘢嘅张智霖用两短一场嘅哨子声代替「我爱你」，冧尽万千少女。事隔十五年，上年翻拍电影版，结果只係收得1,100万左右。「MK活地亚伦」叶念琛夹硬将初哥哥最后弄成失忆，令佢同祝君好最后仍得不到大团圆结局，令不少苦等十五年的fans大为失望，更有不少网民斥此举「毁童年」。

《冲上云霄》：

电影版挂名係《冲上云霄》系列，不过剧情扭转，除咗都係讲机师同空姐，好难同原作拉上关係。令人诟病嘅係，原本感情专一嘅Sam哥吴镇宇，喺戏中无厘头锺意咗郑秀文，完全破坏角色形象。电影版有大堆头明星加持之下，票房去到2,163万，叫做有交代。

《Laughing Gor之变节》：

谢天华09年翻身之作《学警出更》嘅角色，表现好到大台要开多套剧搵佢做主角。唔止咁，《学警出更》09年初先播完，8月中就拍成电影版《Laughing Gor之变节》上画，食得住个势有1,500万票房；点知大台两年后再添食，拍咗套《Laughing Gor之潜罪犯》，票房跌到去得番600万多啲。

《劲抽福禄寿》：

由搞gag节目《荃加福禄寿》到剧集《荃加福禄寿探案》再到电影版《劲抽福禄寿》，凭住搞笑情节先挽回唔少支持，票房啱啱好过咗650万。

《刑警兄弟》：

今年4月上画嘅电影，可能听都未听过。由黄宗泽同金刚主演，斋睇男主角已经唔吸引，其他主要演员只係得方皓玟、徐子珊、汤盈盈咁......结果呢套戏上咗28日，票房只係得81万左右。

《人约离婚后》：

又係大台班底，叶念深执导，主角係佘诗曼同罗仲谦，结果变成TVB师奶嘅大银幕版，最终票房过咗600万就上唔到去。