[半周年纪念活动]Show Show桌面，Shou出精彩，飘雪半岁生日派对

noddyy

今日，12月1日，过咗北京时间12PM，论坛就半岁生日啦！时间过得真系快啊，话甘快就半年了。呢半年都经历咗几多事下，感触良多，但都系到时一周年果阵先发翻张长长的水贴来感叹一番啦。

讲翻正题，其实呢个半岁生日呢，本来最高领导人冇咩打算要庆祝嘅，但几日前我突发奇想，捻住搞个与众不同的庆祝活动，可以用来刺激水量、增加人气下都唔错啊。话晒呢个系生日派对，梗系有福利收嘅啦，冇错，就系好耐冇搞过嘅财主佬大派钱。其实我想叫论坛第一财主派下钱嘅，但唔使讲区梗系唔肯嘅了，甘唯有我呢个第二财主派埋区份啦。其实我都只系出少少落来做中奖成本，其余奖励都系用啊公嘅~~~

讲翻今次排钱的规矩先，今次的口号系“Show Show桌面，Shou出精彩”，顾名思义梗系要show桌面先有钱收啦。只要你上传自己当前桌面壁纸的截图一张，再加上自己点解用呢张的理由或其他咩都好，即有60%概率可以获得由呢套公式｛（49 √x+12x）/x，x≥1，X∈Z｝得出嘅咁多雪点作为奖励，呢度嘅X为中奖的楼层。但每人仅限有一次奖励，而且一定要有桌面截图放上先有资格的。另外今次的活动时间为24小时，即系从发帖的一刻起开始计算，直至24小时过后活动就结束。

简单讲下今次有四种基本奖励方法：

• 带有桌面截图的回复楼层中奖，立即奖励。
• 如果冇截图，但都甘好彩系回复果阵中奖到，OK，that‘s fine， 你会得到我私人送嘅1雪点作为奖励；
• 如果中奖之后补翻张截图上来，no problem，我会以你获得奖励的楼层和根据翻条公式来俾来奖励的。
• 如果你上传张图的楼层好唔好彩冇奖励嘅话，唔紧要，可以继续吹水回复啦，直至中奖为止，当然奖励都系根据获得奖励的楼层来俾嘅。
  

总之一句，有桌面壁纸截图，有中奖的，就可以根据中奖楼层来获得上面公式上的雪点奖励，而且越早，楼层越前，奖励都会相对高D嘅。概率有60%，如果第一次唔中，可以继续回复直至中奖为止，即系只要有恒心就一定有奖励。如果中奖的楼层超级后排，过百的话，唔使惊，呢条公式至少可以俾到你12雪点奖励的。

可能有人会问条公式系点得翻来嘅。其实入面每个数字都有寓意嘅，经过简单计算得出来嘅。12代表半周年的今个月——12月或诞生的今年——2012年，1就代表今日——1号，当x=1时，y=49 +12 =61，就系代表论坛的生日——6月1日。49因为系由7的平方所得，寓意论坛每个星期都为大家服务足七日。基本就系甘啦

点都好啦，宜家宣布party 开始，随着gangnam style音乐奏起，叫翻句活动口号先”Show Show桌面，Shou出精彩 “。等我来做第一个show桌面的人，唔知有冇人来加我分呢。

我稳小樱做桌面的理由好简单，因为最近睇晒翼的漫画，除咗要用脑理解之外，呢部无论剧情，画风，设计都深深被吸引住了。尤其小樱的笑容，相当治愈啊。兴起之下，就稳呢张做桌面啦。

菲莉絲

唸住準備去眠眠添...

noddyy

菲莉絲 发表于 2012-12-1 14:15
唸住準備去眠眠添...

你已经通宵咗啦

sha1b18

至於我用張老圖啦,日期上比較特別

noddyy

sha1b18 发表于 2012-12-1 14:17
至於我用張老圖啦,日期上比較特別

用老图，唔多岩规矩啵

sha1b18

noddyy 发表于 2012-12-1 14:19
用老图，唔多岩规矩啵

個桌面而家都無轉到家

菲莉絲

noddyy 发表于 2012-12-1 14:16
你已经通宵咗啦

好複雜... 腦子動不了...

sha1b18

菲莉絲 发表于 2012-12-1 14:20
好複雜... 腦子動不了...

中獎啦

菲莉絲

sha1b18 发表于 2012-12-1 14:21
中獎啦

係喔...

noddyy

sha1b18 发表于 2012-12-1 14:20
個桌面而家都無轉到家

用咗甘耐啦