綠茶當水飲會出事
好多人嫌水淡而無味，鍾意以茶代水，反正都係液體嚟。當中最多人揀嘅綠茶，可以降膽固醇、抗衰老、預防心血疾病⋯隨口都噏得出幾項益處，究竟佢係咪真係咁犀利，百利而無一害呢？ 咁多種茶入面，綠茶係茶多酚含量最多嘅一種，而呢種成分就係綠茶抗衰老、幫助消化同防止脂肪積聚嘅關鍵。不過，茶多酚同食物結合後會影響人體對鐵嘅吸收，患上缺鐵貧血嘅人更會臉色蒼白、經常疲勞同精神難以集中，女仔喺經期期間絕對不宜飲用。 另外，綠茶亦係高鉀食物，鉀有助降低血壓，正常人體係會將過多嘅鉀排走，造成綠茶利尿嘅錯覺。開頭係無事嘅，但日積月累後，若果因為無法排出而搞到累積過量，就會出現血壓低、易抽筋、肌肉無力同埋泌尿系統毛病。先前就有測試果蠅幼蟲喺長期接觸綠茶之後生育能力下降，繁衍後代嘅數量明顯較少，所以就算綠茶好處多，但飲得過量，都有機會變成壞處。 咁最多每日飲幾多杯先安全呢？專家建議，一日可以飲兩至三杯綠茶(300ml-450ml)，素食者、孕婦、低血糖患者、腎病患者、貧血嘅人一日唔可以飲超過五杯綠茶(750ml)，而平常人一日飲成10杯綠茶嘅話(1500ml)，都會構成危險。聽落好似有排都未達標？其實平時一枝枝裝茶已經500ml㗎啦！
| 
[复制链接]
雷达卡
发表于 2016-11-16 05:14:46
提升卡
置顶卡
沉默卡
喧嚣卡
变色卡
显身卡
