小心勿犯！ 旅行時4件事令伴侶冷淡？

sky000

兩個人一齊得耐，大家缺點就會自然就會浮現出來，而過咗熱戀期有時真係會好容易嗌交，如果係難得一齊去旅行，又嗌交都真係幾掃興。不過有好多人都會覺得一齊耐咗伴侶就會開始嫌棄自己，甚至懷疑對方係咪唔再愛自己，其實有時係因為你某啲行為真係令對方覺得好難接受，好似以下呢四個常見嘅習慣。

1.成日想對方改變

兩個人一齊耐咗，自然會留意到對方嘅缺點，例如係對方性格可能比較謹慎，去旅行事無大小做個決定都比較耐，但你就會chur對方，又或者下下都話對方咁樣有問題，久而久之就會令到對方覺得你嫌棄佢，自然影響兩個人關係。其實要一個人改變佢嘅性格唔係一時三刻嘅事，有時太急反而適得其反。

2.過份依賴

無論係男定女都有機會出現過分依賴嘅情況，好似係去旅行就要成日都糖黐豆，分開行下都唔得。其實再親密嘅人都會需要一啲自我嘅私人空間，有時太過依賴對方都會令到對方覺得好攰㗎。

3.自我中心

自我中心呢個缺點雖然大部份人都有，不過兩個人一齊就唔多唔少都要學識得放低自己，好似去旅行如果每次都要自己想去邊度玩為先，覺得要對方大小事都遷就自己係應份嘅，對方久而久之就會覺得只係自己單方面付出，段關係唔平衡，又點會可以長時間維持呢。

4.固執

唔少人都有固執嘅問題，有時候有啲堅持係可以理解，不過過分嘅固執就會令到伴侶覺得好辛苦。好似去旅行明明有兩個交通方法都可以去到同一個地方，如果伴侶堅持淨係坐其中一樣而唔願意變通，雖然係好小事，但係積積埋埋都會令到另一半好容易炆，自然影響兩個人嘅關係。

lewislee

我应该是过分依赖人的那个

银灰烟火

其实我觉得呢滴都可以，不过要体个限度

Takasuzu

多謝分享~~

jan小琪

点讲沟通好重要，而且冇收收埋埋，如果两个臭味相投就更好

紫色屎屎

要珍惜每次女行，如果唔係好似我分開左先黎後悔就太遲

lilychiu

緊記別樂極忘形就好

NikoKwan

點樣同人相處係一門高深嘅學問

lanjingyun

需要注意的了啊

yjdtx

相互体谅就最好