你地话呢D人系咪贱格？

JamJam

我有个堂兄弟，由细玩到大，上年佢仲系单身，好多时候都一起打下机。
但自从佢有女朋友之后， 有两次叫佢上线玩，佢话佢读书，搞到我好似游手好闲，因为佢女朋友好有钱，自己又自卑，所以选择读书提升自己唔系问题（唔系睇咸书）。
最近知道佢就快要结婚了，我好开心，系微信群度讲左句，“睇到你就黎摆酒有点想哭”

但佢既回答都系“我觉得，读多D书会对你有好处，嗯，就这样。” 我觉得咩意思？点解突然讲呢句，系唔系觉得我唔睇书，所以睇唔起我？

我好想爆粗，因为佢就变得高傲自大，好似高人一等，从来都唔带女朋友出黎认识，系咪跟我不是同一个Level的人，有必要变成咁咩？

你地话系咪了， 讲完。

2022-4-29补充：首先件事到宜家已经半年啦，我已经放低左，所以多谢大家的评论，心情已经平服左好耐。人地外父有钱，我地做好自己就算，人要识得饮水思源，唔好做到咁绝影响好多人。一言难尽。因为删唔到贴所以大家唔好评论了，我都不会再回应。

qnmwnwl

      睇咗唔少回复，发表下自己意见。
      呢位堂兄弟唔太系路。按照楼主讲法佢系沟咗条女之后先至努力，唔系有女之前就开始努力！咁即系如果冇尼个女仔出现基本就唔会有变化继续hea住过。
      一开始楼主冇话自己已经结婚，正常人都会觉得堂兄只系想激励下楼主提升下自己。但系可能佢情商唔掂，讲嘢太难听，亦有可能系特登寸你。
      既然两位都系成功人士，大家都有家室真系冇必要边个睇唔起边个。堂兄此刻呢翻说话实在太过伤人，有一种飞上枝头变凤凰，教人做人嘅感觉。发咗达就转性，好常见。堂兄知唔知你已结婚？当然，知道都唔应该讲嘢咁难听。
      有啲人话楼主玻璃心，不过系企喺旁观者角度，唔系当事人又点感受到楼主嘅心情。每个人睇嘢角度唔同，楼主不必太过介怀。
      如果真系觉得呢位堂兄唔掂，一系以后老死不相往来，避得就避。一系就保持距离泛泛之交，唔好深交。

cheuklam

狗眼看人低, 眼睛長在頭頂上

Ren_Ashbell

尼个就系我，应该讲系宜家啲人一般冇咩事唔系群聊讲野的理由

fsjx123

“我觉得，读多D书会对你有好处，嗯，就这样。”
你同佢讲，阿猫阿狗都知道读多D书有好处啦？鬼唔知阿妈喺女人咩？究竟要读几多先得咖？多D即系几多姐？
明知故讲，废话，好似交警叫你过马路要睇车甘？鬼五知马路有车咩？

搞笑d添

重色轻友咁嘅朋友要黎做咩

lewislee

“睇到你就黎摆酒有点想哭”
但佢既回答都系“我觉得，读多D书会对你有好处，嗯，就这样。”

你講擺酒，他卻回讀書，好明顯牛頭不對馬嘴，不用太介意。

windyson

男人系结婚先生性，女方会对男方讲，唔好再群埋班猪朋狗友。

独孤九剑

我惗佢嘅心理就系：依家我唔同往日喇，快啲嚟舔我啦，其实有时候我会有咁嘅心理，不过有阵时我觉得，自己系好彩，冇资格自大，朋友需要尊重，唔系朋友我懒得理

snzt

睇来已经唔系一路人拉

waifung

高傲自大，高人一等？會唔會係你玻璃心過份解讀