TVB西片《狂野時速4》配音表（附第一部殘缺配音簡表+第三部配音簡表）

JVT

影片名稱 狂野時速4 Fast & Furious
（全系列第四部，從哩一部起《狂野時速》系列先真正開始進入長拍長有嘅良性循環）


首播日期 29/3/2015


重播日期 5/3/2016、24/7/2016、2/10/2022


播放頻道 明珠台


備註 2009年美國電影


配音員 角色名稱 演員

潘文柏（系列常配，阿柏嘅聲演令哩個角色啲佬味更添幾分）——唐冬（Vin Diesel飾演）
（第一男主角，女主角親大佬兼偷油犯罪集團嘅光頭老大，手車特別辣，本來已經潛逃，由於條女死得不明不白而毅然返回美國誓要搵出真兇報仇）

蘇強文（常配，阿So將角色嘅不羈性格同正義感把握得恰到好處）——歐拜仁（Paul Walker飾演，演員已故）
（第二男主角，女主角前男友，同第一男主角亦敵亦友，復職之後喺洛杉磯追查車手偷運毒品入美國一案，唔知又會同第一男主角擦出咩火花？）

曾秀清（系列常配，阿清把握哩種外表柔弱內心倔強嘅靚女角色早已駕輕就熟）——唐薇（Jordana Brewster飾演）
（女主角，喺經歷第一部同今集開頭嘅故事之後可以稱得上係家散人亡，對第二男主角又愛又恨，到底兩人之間可唔可以重拾舊情？）

葉振聲——柏加（John Ortiz飾演）
（大反派，化名“簡偉文”，為人極其狡猾，用大毒梟助手哩個身份嚟掩飾自己係運毒集團主腦嘅事實，將個竇設喺墨西哥嘅戴卡特）

蕭徽勇——范力（Laz Alonso飾演）
（兩邊鏟青、成面疤痕同周身紋身嘅黑人賽車手，係運毒車隊嘅帶路人兼大反派嘅頭馬，喺第一男主角著草期間殺害佢條女）

謝潔貞（常配，配御姐聲捨阿貞其誰呢？）——萊萊（Michelle Rodriguez飾演）
（第一男主角條女，跟住佢浪跡天涯，條仔著草之後幫大毒梟運毒嗰陣發現唔妥，叛逃冇幾耐就被處決，而佢去運毒同被殺嘅背後疑似另有隱情）

黃昕瑜（系列常配）——芝芝（全片冇提過角色名但係可以參考續集，Gal Gadot飾演）
（大反派嘅女助手，對第一男主角有好感，因為第一男主角相救而令佢冇畀自己老細架車撞死，決定棄暗投明幫兩位男主角指出大反派藏身之所）

陳琴雲——Sophie Trinh（全片冇提過角色名，Liza Lapira飾演）
（FBI洛杉磯分部嘅亞裔女新丁，幫第二男主角喺幕後處理各種雜務，亦係分部裡面第一個見到大毒梟真正樣貌嘅人）

李錦綸（系列常配）——施米高（Shea Whigham飾演）
（FBI洛杉磯分部探員，妒忌第二男主角並且找對方晦氣嗰陣反而被捉住仲撞到個鼻爆晒缸，影片中後段又心急叻唔切下令捉大毒梟結果捉錯人）

陳永信——Penning（全片冇提過角色名，Jack Conley飾演）
（FBI洛杉磯分部負責調查車手運毒案嘅組長，第二男主角阿頭，批准第二男主角復職並且對佢某啲出格行為都隻眼開隻眼閉）
P.S.：維基同哥頓聲庫館資料都搞錯咗，該角色係由信哥（陳永信）而唔係炳強叔（張炳強）聲演，資料有誤。

陳廷軒（已故，勉強算系列常配）——韓（姜成鎬飾演）
（第一男主角嘅亞裔合作夥伴，鍾意食零食，影片前段偷完油之後告知第一男主角佢已經畀差佬盯上，隨後去日本東京自立門戶）

陳永信——T（Tego Calderon飾演）
（第一男主角嘅合作夥伴之一，戴住頂帽，成日同另外嗰條鬍鬚佬鬥嘴，開車偷第二趟油嗰陣畀運油車司機見到第一男主角條女喺車頂）

麥皓豐（系列常配）——Don Omar（全片冇提過角色名，Don Omar飾演）
（第一男主角嘅合作夥伴之一，偷油嗰陣包住頭巾嘅鬍鬚佬，成日同戴住頂帽條友鬥嘴，負責喺偷第二趟油嗰陣鈎住架運油車）

馮錦堂——朴大維（袁文忠飾演）
（幫大毒梟召集走粉車手嘅韓國人，畀第一男主角捉住倒吊喺窗外逼問情報，後來又畀第二男主角捉住押往FBI洛杉磯分部）

梁偉德——杜（Greg Cipes飾演）
（大毒梟手下嘅金毛車手，自認手車好掂所以把口臭過屎坑，玩女人嗰陣畀第二男主角喬裝突擊拘捕兼老屈藏毒，工作名額畀第二男主角頂上）

招世亮——柏加替身（Robert Miano飾演）
（著住灰色西裝嘅白頭髮白鬚老坑，影片中後段幫大反派做替身同兩位男主角講數，成功誤導第二男主角嗰個叻唔切嘅同事捉錯對象）

鍾見麟——Juvenal（全片冇提過角色名，Cesar Garcia飾演）
（影片前段畀第二男主角喺洛杉磯市中心追足九條街嘅紋身光頭佬，畀第二男主角用槍指出個頭嗰陣供出幫大毒梟召集走粉車手嗰條友嘅名）

關令翹——Virgil（全片冇提過角色名，Joe Hursley飾演）
（幫販毒集團改裝過一部綠色福特Torino嘅車房佬，影片中前段畀第一男主角叉住條頸嚟審問）

吳羨婷（退行）——Cara（全片冇提過角色名，Mirtha Michelle飾演）
（第一男主角亞裔合作夥伴嘅黑妹情人，影片開頭負責喺偷第一趟油嗰陣鈎住架運油車）



另附第一部殘缺配音簡表+第三部配音簡表（TVB唔知係唔係冇版權所以今輪冇播）：

第一部（由於冇片喺手所以未經驗證唔確定真實性，以下陣容同角色名全部資料出自哥頓聲庫館）
蘇強文——施鵬海（Paul Walker飾演）
P.S.：角色名係化名，唔確定第一部係唔係都將Brian O'Conner譯成歐拜仁。
陳欣——唐冬（Vin Diesel飾演）
陸惠玲——萊萊（Michelle Rodriguez飾演）
鄭麗麗——唐薇（Jordana Brewster飾演）
陳卓智——陳冲（尹成植飾演）
梁偉德——傑（Chad Lindberg飾演）
梁志達——Leon（唔確定全片有冇提過角色名，Johnny Strong飾演）
潘文柏——威（Matt Schulze飾演）

第三部
黃啟昌——包桑（Lucas Black飾演）
劉惠雲——莉娜（Nathalie Kelley飾演）
劉奕希——蒲田隆（Brian Tee飾演）
蕭徽勇——韓（姜成鎬飾演）
張預東——星仔（Bow Wow飾演）
張炳強（退行）——包桑父（Brian Goodman飾演）
盧國權——蒲田（千葉 真一飾演，演員已故）
巫哲棋——森本（Leonardo Nam飾演）
胡家豪——Earl（全片冇提過角色名，杜俊緯飾演）
高可慧——Reiko（全片冇提過角色名，北川 景子飾演）
P.S.：本人真係表示甘拜下風，哩個角色全片根本冇配過一句完整台詞，唔通網友齋透過一個“喂”字就聽得出嚟？
胡家豪——克萊（Zachery Bryan飾演）
林芷筠——克萊女友（Nikki Griffin飾演）
黃玉娟（退行）——包桑母（Lynda Boyd飾演）
蕭徽勇——唐冬（全片冇提過角色名但係可以參考續集，Vin Diesel飾演）

woowei

这个也有粤语配音？

顺自然

速4是一早都配了是吧。

fenghao

粤语就系好野

KULAPIKA

好既电影加上专业既配音演员，真系好睇

JVT

我唔食猪肉 发表于 2022-11-29 03:09
第二部几时播过？

2008年首播，一直冇粤配

tom246

我唔食猪肉 发表于 2022-11-29 03:09
第二部几时播过？

我都唔知啊，听人地话0几年。

我唔食猪肉

tom246 发表于 2022-11-27 20:42
甘样讲应该好多人都无第二部粤语配音啊

第二部几时播过？