其实系咪真系对粤语咁执着呢？

xiaoxu

我男朋友系江西人，佢平时会迁就我讲粤语。而家我地未有细路，但系以后都系佢妈咪凑多，佢妈咪都识少少，因为佢地系广东住左好多年了，日常交流都系普通话/江西话多。语言环境好重要，但系我都担心我嘅小朋友唔识讲粤语。有时唔希望我自己嘅执着搞到大家都唔开心，逼50岁嘅老年人去学粤语。但系我都真心想粤语可以代代传承。

xiaoxu

理解楼主内心嘅矛盾！

湯瑪士

喜粤201906 发表于 2025-3-14 09:33
宜家嘅人好多反入乡随俗

講得冇錯呀，唔入鄉隨俗之餘，仲要大條道理咁怨你唔包容。嘩，如果當時外國佬嚟到中國，用咁嘅理由怨人唔講英文，我諗真係聽到都得噡笑

hua1996

Yam 发表于 2025-3-14 11:17
广东上面的人都係呢种捞头，有几多个本土粤人，以前仲有粤人做市长，起码风气正常。 ...

其实流官制好正常，基本上其他省份1号人物都唔系本地人了，但是广东的本土势力确实弱得可怜，加上真系无民意反馈机制，民间呼声甘大，佢地真系毫无作为，连回应都无

skydran

世界需要多元化才美丽，很简单的道理，鸡肉再好吃你也不会想天天都吃也会想吃猪肉牛肉之类，语言背后发展出来一堆文化产品是人类是精神产品，如果世界只有一种语言会多么无聊

喜粤201906

湯瑪士 发表于 2025-3-14 19:22
講得冇錯呀，唔入鄉隨俗之餘，仲要大條道理咁怨你唔包容。嘩，如果當時外國佬嚟到中國，用咁嘅理由怨人唔 ...

佢哋妄想自己系主人翁

喜粤201906

xiaoxu 发表于 2025-3-14 18:28
我男朋友系江西人，佢平时会迁就我讲粤语。而家我地未有细路，但系以后都系佢妈咪凑多，佢妈咪都识少少，因 ...

我之后识对象未有考虑同外省人结婚

xiaoxu

喜粤201906 发表于 2025-3-15 08:51
我之后识对象未有考虑同外省人结婚

我一开始都系甘认为，我有好多择偶嘅要求，我希望另一半可以系我隔离村，可以讲粤语，一起都系睇TVB大。

但系直到遇到我男朋友，我觉得原来“爱”系可以超越好多野，遇到一个人可以令所有嘅择偶要求都不再系要求。佢尊重我中意粤语，佢会去买广州话正音字典去学粤语，陪我一起听粤语歌，睇粤语老电影，追TVB嘅新戏。尽管佢系江西人，都迁就我食粤菜。有时因为我地两个嘅文化差异，都有好多搞笑野发生。一开始我会care佢唔系本地人，我爸爸妈咪会唔中意（现实上我爸爸妈咪会嫌佢捞），我自己会唔中意讲普通话唔习惯。但系有人无微不至甘尊重你嘅喜好，努力融入你嘅生活并从中获得快乐，里种感觉我觉得好好。慢慢地我都会去了解江西同广东有咩唔同，带我去江西玩，离开广东体验唔一样嘅野，我都会觉得几好玩，就甘样我地一起左8年。

后尾因为屋企人唔中意外省人，有安排我相体隔离村（已经过左我爸爸妈咪个关），真系觉得本地人也不过如此。本地人反而更加传统，新抱要拜神要做煮饭做家务要生慈姑ding。我男朋友佢屋企就冇拜神，所有家务采买都系全家一起出动做好佢，成家人都好似朋友甘玩得好癫，生男生女都无所谓。所以慢慢好多野都会排系“讲粤语”前面，会同楼主一样，觉得当下已经好幸福，讲唔讲粤语已经无所谓（其实甘样唔岩！粤语系一定要传承！！）

可能我系个例啦，遇到会尊重粤语嘅人，都有信心教到我嘅小朋友讲粤语，但都会担心粤语环境唔充足，唯有多d叫我爸爸妈咪凑。

我男朋友系广东生活左10几年，佢妈咪好早就黎广东打工，佢小学就黎广东读书。佢话由细到大因为佢唔识粤语而受到好多本地人嘅歧视，话佢系捞仔，所以佢都好比心机融入广东，唔想佢自己嘅小朋友都会被人歧视。

同外省人拍拖同结婚始终有唔同，因为大家系唔同嘅文化背景长大，系会比同本地人结婚多一d磨合亦都有不愉快发生。不过睇你点睇啦，互相尊重，磨合都可以系搞笑又快乐嘅，唔系吵架或者控制对方先叫磨合。如果系同声同气当然最好啦，和而不同都有笑声。

dhning

不同人想法不同

poohar

其實粵語有D粗魯