interstellar神級爛片

bayman

wasd 发表于 2015-3-26 13:39
算啦, 我講左咁多野嚟解釋, 你都係唔明, 係都要倒轉佢嚟思考, 我真係無你付

ps. 我頭像係 索 ...

你係話人地唔明之前,你有冇認真思考過架?
呢D唔係假設,係條件關係,冇因何來果呢?
主角要通知過去女兒信息NASA同其他資料嘅前提係地球冇毀滅
亦即地球冇毀滅就係前提條件,但係如果地球冇毀滅,主角根本唔需要飛越蟲洞
呢個根本係死循環,就好似你回到過去殺左你阿爺一樣,你殺左你阿爺就冇你,冇你你又唔可以做瓜你阿爺
改變歷史呢個唔講,你都唔明
至於視界事件我先前都有睇過下D節目,當然大概咁上下姑且都叫明小小,主角到達事件視界嘅時候應該隨隨便便幾百年過去...呢D根本唔重要,我意思係,D特效太普通啦,你有冇發現比你睇機翼都睇左好耐啊?

wasd

bayman 发表于 2015-3-26 15:11
你係話人地唔明之前,你有冇認真思考過架?
呢D唔係假設,係條件關係,冇因何來果呢?
主角要通知過去女兒信 ...

你一直都無視左Nolan想講既命定論 同埋 套戲所用既 因果鏈閉合理論 同埋 5維空間

我再申一次 因果鏈閉合 同埋 5維空間

我已經叫左你去了解下咩係 4維, 5維空間 先, 好明顯你無/你理解唔到

你所講既 因果論 係 3維空間 之下既因果關係, 身處3維空間, 因果關係要按照時間順序嚟定義

但係戲入面係有 5維空間 存在, 處於5維空間既人係可以干預時間架, 佢地可以隨意切入因果鏈中既某一點(時間), 而同時間 因果鏈依然閉合

(仲係覺得我錯/唔明既, 先認真了解下咩叫 murphy's law ; 命定論; 1維, 2維, 3維, 4維 同 5維 空間; 因果鏈閉合; 托朴學(數學分支)既Möbius strip; Discovery Channel個套紀錄片. 如果都係堅持自己睇法既, 咁我都唔想繼續浪費時間去討論; 無個d概念, 討論嚟都無意思)

真係話你無知怕你嬲, 人地個黑洞模型係根據物理公式, 用幾千部電腦用一年時間模擬出嚟架, 仲被譽為史上最精準既黑洞模型

至於你話睇機翼, 無可否認, nolan可以做得更好

最後補充多句: 奉勸唔想花太多時間思考既朋友, 唔好睇INTERSTELLAR, 除非你可以欣然接受戲入面既理論, 唔會糾結係當中既合理性

bayman

wasd 发表于 2015-3-26 16:03
你一直都無視左Nolan想講既命定論 同埋 套戲所用既 因果鏈閉合理論 同埋 5維空間

我再申一次 因果鏈閉 ...

黑洞模型嘅話...我意思係同睇玻璃球冇咩分別,冇咩睇頭,劇情本身就無聊,又冇特效,睇咩啊...
咁我又真係冇睇過咩5維空間之類嘅野,咁...
假設一個人身處5維空間,然後佢返到佢阿爺未有佢老竇果陣做瓜佢阿爺,會發生咩事?

wasd

bayman 发表于 2015-3-26 16:14
黑洞模型嘅話...我意思係同睇玻璃球冇咩分別,冇咩睇頭,劇情本身就無聊,又冇特效,睇咩啊...
咁我又真係冇 ...

如果你係問一個身處5維空間既 人(A) 去到 同樣係身處5維空間既 阿爺(C) 未有 佢(A) 老竇(B) 果陣做瓜 阿爺(C),
會發生咩事的話, 我都唔識答

但如果你係問一個身處5維空間既 人(A) 去到 身處3維空間既 阿爺(C) 未有 佢(A) 老竇(B) 果陣做瓜 阿爺(C),
會發生咩事的話; 結果會係:
處於高維度既A 當然可以干預低維度既C, 但 C 既死係無辦法影響到 高維度既A; (因為低維度事件係唔可能影響到高維度既事物) 所以3維世界既歷史會改變, 所以要用平行時空論先解釋到
至於你問點解A會係身處5維空間, 咁我就答唔到你;
可能好似戲入面咁, 係比存在於5維空間既生物 (可能係已經進化到5維既未來人類; 又可能係原本已經存在於5維既人類) 令到佢提升維度, 又或者係A進化左

講返套戲, 如果你問點解
    未來人類要救現存人類呢? 對佢地嚟講都無影響. 個人認為大家都係人類, 唔通見死不救咩;
    仲有就係, 未來人類唔去救3維人類的話, 就會改變左3維人類既歷史;
    如果係根據命定論的話, 未來人類係一定會救3維人類, 而呢個過程 {"救3維人" --> "進化" --> "5維未來人"} 係個閉合環, 所以無問題;

要記住3維既因果律係唔適用於5維世界, 只有3維世界先會有歷史呢樣野, 因為時間係線性行進; 而係5維世界, 佢地可以睇到所有時間點既事物 (例如, 同時睇到 呢一刻 同 2千年前既3維世界/其他事物)
====================================================================

其實套戲唔講明"they"/"us"係未來人類, 因為進化到可以跨越維度真係難以想像; 個人偏向係5維生物("they")原本就存在, 而主角用"us"去形容就係佢主觀上認為they都係人類

bayman

wasd 发表于 2015-3-26 21:21
如果你係問一個身處5維空間既 人(A) 去到 同樣係身處5維空間既 阿爺(C) 未有 佢(A) 老竇(B) 果陣做瓜 阿 ...

我覺得平衡宇宙論根本冇意義,如果一個老竇為左救個女結果只救到另外一個宇宙嘅個女
而佢本身個宇宙個女就必須死...
同輪迴之說一樣毫無意義
......
所以你就接受所謂嘅murphy's law?
感覺同信奉simple is the best果D人一樣無厘頭

bayman

pingusp33 发表于 2015-3-26 21:32
科幻片啦~ok啦~不用太深究當中理論是否正確,咁普羅米修斯話人類係外星人創做都係咁,重有異形怪物,都係作出 ...

我一開始就講左架啦,排除所有理論部戲都係爛片,D劇情支離破碎

wasd

bayman 发表于 2015-3-27 09:30
我覺得平衡宇宙論根本冇意義,如果一個老竇為左救個女結果只救到另外一個宇宙嘅個女
而佢本身個宇宙個女 ...

你up咩啊!?
依家根本唔關平行宇宙論事, 根本成件事係個因果閉合環, 何來另一個宇宙

算, 講極都唔明, 已經浪費左我唔少時間, 我唔再作無意義討論

===========================================================

ps. 雖然你覺得套戲d特技場面唔夠吸引, 但人地贏左奧斯卡最佳視覺效果, 我覺得變形金剛個種特技應該先岩你心水

wasd

bayman 发表于 2015-3-27 09:38
我一開始就講左架啦,排除所有理論部戲都係爛片,D劇情支離破碎

劇情支離破碎

你唔理解雙主線敘述乍?
另外, 戲入面每個地方既時間流動速度都好唔同, 你到底明唔明??

ps. 你覺得係爛片無人阻止到你, 但INTERSTELLAR係大眾心中就係部好片

bayman

wasd 发表于 2015-3-27 13:31
劇情支離破碎

你唔理解雙主線敘述乍?

咁爛嘅劇情你都中意?咁冇野講