飘雪个动漫真系齐全，点解唔开放俾大家

江户川

看你的简介就知道你怕麻烦连上网都懒得动手，想伸手直接说啊

a5605562

江户川发表于 2015-8-29 23:24
看你的简介就知道你怕麻烦连上网都懒得动手，想伸手直接说啊

好心你，就係你呢啲以小人之心，度君子之腹嘅人，唔願意發佈粵語資源出去，搞到而家粵語卡通片咁難搵。唔怪得廣東嘅00後畀人同化！

67004828

andygogo 发表于 2015-8-29 22:22
我就係為左幫個仔DOWNLOAD全套粵語幪面超人FOURZE先黎到呢到, 點知又要升LV又要做任務, 搞一大餐都未夠權限 ...

甘你可以考慮下上淘寶買啊，使乜來尼度啊，要知道尼個世界有付出先有收穫啊，論壇既然唔使你比錢買野，咁設高d權限，等你努力升下分先下載，咁有乜野唔妥啊，唔想比錢又唔想付出努力就想得來回報，尼個世界邊有咁著數，要知道唔係所有人都係為為你一人服務掛，人地壓制合成要付出幾多時間精神你知唔知，唔好以為所有野都係理所當然咁啊

67004828

a5605562 发表于 2015-8-29 23:28
好心你，就係你呢啲以小人之心，度君子之腹嘅人，唔願意發佈粵語資源出去，搞到而家粵語卡通片咁難搵。唔 ...

要知道，衣家粵語資源咁難搵，責任並唔係論壇資源發佈者身上啊，而係咁本內地政府概問題，不斷打壓粵語，令整個網絡環境發生變化，既然你都知道政府根本係針對性咁打壓粵語，加上影視版權方又會插手，所以如果你仲來搞開放啊，樹大招風概結果就係論壇結果都被ko，到時粵語資源更加冇地方企，你想體到咁概局面？

qnmwnwl

如果開放俾人任意下載難免有人為咗一己私利會將資源用於商業用途，損害原創人嘅權益。到時周街都系資源仲邊度有人嚟哩度。將粵語資源發佈同粵語傳承掛鉤更加系無稽之談。如果細路仔自己唔肯主動講粵語，你俾佢睇幾多都冇用。你不如同嗰啲父母講叫佢哋多啲同細路仔講廣東話，咪成日用埋嗮啲煲冬瓜仲好啦！

a5605562

67004828 发表于 2015-8-30 03:10
要知道，衣家粵語資源咁難搵，責任並唔係論壇資源發佈者身上啊，而係咁本內地政府概問題，不斷打壓粵語， ...

其實之前你哋話要封殺嗰個粵語E族，佢雖然做得唔啱，盜你哋嘅資源。改埋LOGO，咁起碼佢對粵語文化嘅保育作出咗貢獻，而且佢改埋水印咗。咁就算畀人執咗，都唔會影響我哋論壇啦。正如下面一樓話齋，開放咗仲邊有人嚟呢度，咁又擔心論壇嘅壯大，其實控制住而家嘅數量已經算OK㗎啦，人太多，影響力就會大，咁就會容易惹上不必要嘅麻煩囉！

a5605562

qnmwnwl 发表于 2015-8-30 04:16
如果開放俾人任意下載難免有人為咗一己私利會將資源用於商業用途，損害原創人嘅權益。到時周街都系資源仲邊 ...

如果開放嘅話，當然係有無商業用途嘅。咁自然會進行篩選啦，啲人到情願去啲無廣告嘅地方下載。周街有資源，咁論壇嘅人數就可以控制喺一定嘅合理範圍度。粵語資源同粵語傳承係掛勾嘅，譬如話上海呢個地方，幾乎上係無上海話資源嘅影視劇，而家嘅90後已經唔再講上海話㗎啦。而我睇緊粵語資源嘅影視，我甚至會同化返啲外省人。試問連外省人到可以同化得到，咁本省嘅自然會同化啦，點解我哋會對粵語咁執着，就係因爲由細細個就睇TVB啲戲。如果唔係我哋一樣對佢無感情啦。細路唔講粵語正常啊，學校根本就係推普嘅場所，學校唔教粵語。咁佢就唔識。家長又唔主動教，咁卡通片就係細路學粵語同埋接受粵語嘅好好途徑。如果一個細路鐘意睇粵語嘅卡通片，試問佢仲會排斥粵語咩？仲會要求人哋講普通話咩？文化產品係同一個語言嘅生命力係有掛勾嘅，如果呢幾十年來無香港啲文化產品嘅發佈。廣東一早就好似大陸其他城市咁，講曬普通話啦，咁就唔會有今時今日咁多粵語電視臺。咁連粵語電視臺都無。咁粵語就唔會再有公衆媒體話語權。一門語言連公衆媒體話語權都無，喺當今嘅推普作用下。好快就滅絕㗎啦。當今啲細路日日睇喜洋洋，學校又討論喜洋洋。假如佢哋討論嘅係粵語版叮噹，咁佢哋肯定會係以粵語嚟討論啦，咁粵語嘅地位自然就會保住！