一人食飯更健康

chinghar · 发表于 2015-10-15 05:31:48

外國趨勢一人食飯更健康獨家村食飯，原來有利於工作。話說歐美國家越來越多人，寧願一個人訂枱，一個人食飯，早有亦專家指出，一個人食飯，原來可以活得更健康。
根據 OpenTable統計，美國近年訂一人位嘅Booking大大增長咗六成二，紐約、費城、拉斯維加斯同芝加哥呢啲地方，都越來越多「獨家村」，亦因為咁，為一個人而設嘅餐廳亦成行成市，有外國網站，仲列出咗頭二十五間「Solo Diners」之選，任君選擇。
其實，一早已經有本書叫《瞎吃－最好的節食就是你根本不知道自己在節食》，有講到一個人食飯嘅情況，一個人食，胃口會大咗，因為唔使再模仿其他人嘅食量同速度。另外，心理學家卡特（Sherrie Bourg Carter）亦指出，一個人食，可以畀大腦休息，唔怕分心。
箇中道理，其實好易明白，同事之間傾下計，放鬆下無所謂，不過，同事喺度嘅場合，本質上都係半個office，唔可以亂講嘢；再加上，如果次次食Lunch嘅時候，同事手機頻頻響，響多幾部，你都幾心煩意亂。食飯時間，一個人抽離一下，心情自然更佳，反而講是講非，都唔係咁爽。