酒店常見3大屈錢招數

chinghar · 发表于 2015-11-13 04:17:07

無論旅行公幹，酒店洗費就預咗都佔一個幾大嘅比重。不過騙徒手法層出不窮，你又有無諗過其實大型或者係小型嘅酒店都會有巧立名目嘅收費，可能數目係唔多，但係比咗又覺得條氣唔順，而家一於就話你知幾樣酒店屈錢嘅招數！

收費wifi
wifi都要收錢！？無錯，去到今時今日無線上網已經成為人生必需金字塔嘅最底層，無左嘅話都唔知點生活，但係偏偏唔係所有酒店都提供免費wifi。有酒店或者會提供限時免費上網，但偏偏唔少大型連鎖酒店品牌就依然收費，而且上網速度亦唔係快，唔該佢地認真檢討一下。
(圖片來源: privacy-identity@tumblr)

誇張嘅描述
揀酒店時一定會睇下網頁嘅介紹，什麼「距離車站五分鐘」、「遠眺無敵大海景」等等嘅描述，簡直同樓盤廣告一樣，圖片和描述只供參考。當你實則入住時，可能先發現其實行十五分鐘同埋只有某特定房間先有景睇。所以事先功課一定要做足，多睇旅遊網站入面嘅comment或者係人地寫嘅blog先再決定訂邊間酒店啦。
(圖片來源: freshfarmhouse@tumblr)

巧立名目嘅價錢
當你見到有某啲酒店房價好抵好平時唔好一個頭衝埋去，因為佢睇落比其他酒店平，但係可能有好多其他費用例如執房費、行李費、手續費等等。比較有良心嘅酒店可能會係一啲好細微嘅地方列明，但係亦有無良嘅酒店就唔會列明，直至你埋單個陣先發現，就已經太遲啦。
(圖片來源: rbofmcd@tumblr)