20大世界最多人影相景點

chinghar · 发表于 2016-3-17 04:27:52

網上分秒都有勁多相片分享，旅行打卡，仲密過同女朋友報到。好多時網上分享相片，都會有紀錄痕跡，例如Instagram嘅hashtagged。最近Google map嘅Sightsmap(基於攝影地點嘅相片分享)就統計出20大世界最多人影相景點。我哋熟悉嘅巴黎鐵塔、比薩斜塔、自由神像等等，竟然冇份。咁究竟邊20大仲hit過佢哋，一齊睇睇。

第一位︰古根漢美術館(Guggenheim Museum，美國紐約)
喺富有時代感嘅當代藝術畫廊，相信就喺憑佢20世紀文化嘅標誌性外型，吸引大家影佢相，兼喺IG tag佢。
相片來源：cjwho @tumblr

第二位︰聖三一教堂(Trinita Dei Monti，意大利羅馬)
呢座羅馬天主教教堂，屬於後文藝復興時期建築。佢喺通去著名景點西班牙階梯(Spanish Steps)嘅必經之路，路過咁有特色景點，難免會影下相嘅，結果妹仔大過主人婆獲得第二位。
相片來源：bestplacesworld @tumblr

第三位︰桂爾公園(Park Guell，西班牙巴塞隆拿)
童話般嘅城市花園，由巴塞隆拿著名設計師安東尼高迪(Antoni Gaudi)於1900年設計建成，屬於世界文化遺產。公園建築物都鋪咗好多色彩繽紛嘅馬賽克紙皮石，咁夢幻，難怪謀殺咗咁多memory啦。
相片來源：caboroig @tumblr

第四位︰紅磨坊(Moulin Rouge，法國巴黎)
現代舞蹈「肯肯舞」(can-can dance)嘅發源地，目前紅磨坊會每晚都安排音樂劇或視覺娛樂節目，喺體驗巴黎地道生活嘅好地方。
相片來源：entertainmentweekly @tumblr

第五位︰處女塔(Maiden’s Tower，土耳其伊斯坦堡)
處女塔唔單只喺熱門景點，更加喺土耳其人愛與浪漫嘅象徵。原本建塔嘅目的喺為船隻導航，不過時至今日，塔已經變成一間餐廳。
相片來源：ottoman-empire @tumblr

第六位︰學院橋(Ponte Dell’Accademia，意大利威尼斯)
水鄉威尼斯四大橋之一，1854年以鋼材建成，後來被破壞，喺1930被重建成木製嘅橋，因藝術學院而命名。
相片來源：365travelquotes @tumblr

第七位︰巴黎大酒店(Hotel De Paris，摩納哥蒙地卡羅)
唔好以為喺法國巴黎，喺摩納哥中心就真。酒店厲害之處，就喺佢喺睇一級方程式賽車嘅最佳觀景台。而且住過入面嘅客人，粒粒皆星，皇士室貴族，酒店仲有一個摩納哥皇家酒窯。
相片來源：lassisthenewblack @tumblr

第八位︰米高安哲勞廣場(Piazzale Michelangelo，意大利佛羅倫斯)
喺一座山上嘅廣場，喺可以360度飽覽佛羅倫斯全景嘅最佳觀景點，聞說話勁多遊客去參觀，搞到好逼。
相片來源：phrenzell @tumblr

第九位︰卡米尼托(Caminito，阿根廷布宜諾斯艾利斯)
西班牙文卡米尼托，即喺解小步道嘅意思。布宜諾斯艾利斯嘅小保加(La Boca)，放眼一望，全部都喺七彩嘅木屋，間間木屋都好有個別特色，喺果度根本就好似一間街頭美術館咁。
相片來源：ultimate-passport @tumblr

第十位︰聖史堤芬大教堂(St Stephen’s Basilica，匈牙利布達佩斯)
為紀念匈牙利第一任國王而建，屬新古典主義建築，喺布達佩斯最大嘅教堂，可同時容納8,500喺入面，而且，教堂內而展出好多匈牙利神聖珍品，包括咗聖史堤芬封存嘅右手。
相片來源：adphotos @tumblr

其他景點：
第十一位︰天文鐘(Castronomical Clock，捷克布拉格)
第十二位︰市政廣場(Plaza Mayor，西班牙馬德里)
第十三位︰尼亞加拉瓜大瀑布(Niagara Falls，美國尼亞加拉瓜)
第十四位︰西田(Westfield，澳洲悉尼)
第十五位︰皮卡迪利廣場(Piccadilly Circus，英國倫敦)
第十六位︰金字塔(Great Pyramid，埃及吉沙)
第十七位︰藝術學院(Art Institute，美國芝加哥)
第十八位︰豫園(Yu Garden，中國上海)
第十九位︰天壇(Temple of Heaven，中國北京)
第二十位︰柯伊特塔(Coit Tower，美國三藩市)