食肉真係唔健康？

chinghar

牛肉、羊扒呢啲向來都係極受歡迎，但偏偏就有唔少報導指出，食得太多肉對我哋既健康有害，而自2007年開始，喺英國因為推行咗全國素食週（National Vegetarian Week），或者由一啲品牌推動既素食活動之後，令英國國內既肉類消費就已經下降咗13%，

去年，英國一名政治家Kerry McCarthy，就以UK’s shadow farming秘書同素食者既身份講過，肉類就好似煙草一樣，對我哋人類身體健康有一定影響；甚至有新聞警告過，食紅肉會增加我哋患癌症、心臟病同癡肥既風險。

咁究竟食肉係咪真係咁危險呢？事實上有好多科學研究都已經講過，食肉其實無大問題，其中一個係由 European Prospective Investigation into Cancer（EPIC）用咗12年時間，調查咗50萬人，結果發現食紅肉同死亡率無直接關係，即係食得多肉唔會令你短命啲。

我哋平日食肉既質同量先係最重要。以量嚟講，我哋可以參考返British Heart Foundation既建議，每日肉類攝取量唔多於70克，即係普通一塊細牛扒、羊架咁就已經夠喇；質方面，最好揀啲有機既，或者確保啲牲畜由青草餵飼，買嗰時最好直接經向當地屠夫或者喺屠場買，咁可以避免肉類喺工場加工。而真正要避免食既就一定係加工製作既肉類，例如煙肉、香腸、火腿，因為有好多研究就提過，如果我哋每日都食呢類加工食物的話，對我哋健康構成影響。

创战者

平时我都係食肉唔食菜。

dkmi

我就通常食齋多過食肉喇！

零式

食肉多的确唔好，唔食肉又唔得···

snzt

其实红肉真系不宜食太多，不过我呢D食肉兽唔食又唔得

Alicey

..吃肉还是挺好的，关键在于运动

Archie

少食肉，多食菜

大栋

多食白肉，小食红肉，不食内藏，这是医生给我的建议！！！