【消费逝者】为收视无底线 大陆搵人扮林志颖亡父 小志激动泪奔

engsnow

已经荣升做三子之父嘅「台湾小旋风」林志颖(小志)，生完孖仔后，一屋四条king，不过小志依然乐做凑仔公，凑B喂奶陪玩一脚踢！

小志除咗锡自己小朋友，同过世嘅爸爸亦感情深厚，噚晚「浙江卫视」节目《熟悉的味道》就搵咗小志做嘉宾，主题就系讲父亲。

节目内容最初讲吓小志对爸爸嘅回忆，煮吓爸爸钟意食嘅嘢，录番爸爸钟意听嘅歌，节目仲搵嚟小志嘅兄弟妹妹，感谢对爸爸、二哥小志嘅照顾。原本节目好大路，亦都几感人，不过去到节目尾声，就出事啦…

事缘小志一路录制节目，制作单位喺另一边，就搵人化上特技化妆，扮小志过咗身嘅爸爸。谂住俾个「惊喜」对方。点知小志一见到「爸爸」，情绪实时变得激动，呢个时候摄影机仲将小志个样嚟个大特写，睇吓佢个面部表情……

最后小志终于忍唔住离开咗拍摄现场，仲用双手揞住块面，重新拍摄时，双眼已变得通红。

有网民事后睇唔过眼，插爆电视台脑残，亦有网民闹制作单位谂环节时，冇切身处地谂吓当事人。

节目明显想煽情，但试想想，若果你系小志，望住一个硬胶脸，仲要俾反应，会有咩感想？

Source：蘋果即时新聞

污路拖拉

人地好唔容易系悲痛入边走咗出来，又嚟刺激佢~~~

WWW075

以前葛小旋风宜家变咗老旋风。。。

19930701

...個節目咁奇怪既，穩人扮有咩意思...

geniuz

大陸而家d節目都系搞噱頭，成日做埋d野都好唔自然，

NPNG

大陆电视台噶节目有几多可以睇噶？

chmlo

其他地方都有做一D假煽情的show，不過講假天朝電視台認左第二，都無咩人可以認到第一囉

3324774

好難講，可能的是講好的，也可能是驚喜，但真的是我就不會看這類節目！~

ssshhh2

上初中后国内综艺节目至今没看过。

vgo

報紙有寫~
好低裝