波羅的海之行——拉脫維亞篇

geniuz

（接住愛沙尼亞篇：https://www.dranime.net/thread-38489-1-1.html）


　　話說，從Estonia去Latvia嘅大巴設施齊全，好似飛機咁，可以睇片可以打機，仲有即時嘅GPS知道大巴去到邊度。仲有wifi，wifi嘅登入頁仲強調可以捉小精靈。
　　4個幾鐘嘅大巴，終於去到Latvia嘅首都Riga（里加@拉脫維亞）。

↑ 車上嘅設施


↑ Riga中央車站

　　Latvia聽講系波羅的海三小國中最窮嘅，幾乎完全冇工業，唔知系咪因為咁，空氣特別好，被稱為世界第一嘅“洗肺”聖地。（其實整個東北歐、北歐嘅空氣都好好）



↑ 沿途好多農地，紮起一捆捆禾稈草之類。

　　首先又系介紹下個apartment，呢間喺Matisa路嘅Matisa Apartment一入門口就系大廳，大廳有一半系玻璃，直望星空，正！





↑ Matisa公寓，晚上，天幕下飲下啤酒都幾過癮。

　　住宿附近嘅街道比較老舊，不過電車都整到花哩look~









↑ 遠離景區嘅街道，都比較老舊。






↑ 但d電車就好花fit

　　里加亦有個Old Town，向Old Town Riga方向行嘅話，感覺就越嚟越繁華。



↑ 呢邊嘅街區繁華好多，物價亦明顯貴咗。



↑ Rīgas Vecā Svētās Ģertrūdes(St. Gertrude Old Church) 唔好問我中文叫乜，我都唔知。




↑里加聖誕主教座堂，系19世紀沙俄時期起嘅東正教堂。系唔俾影相嘅，包括喺外面影都唔俾。只不過偷偷地行遠d影，佢亦趕唔到你咁多。

　　經過上述景點，一直去，就嚟到自由紀念碑，系紀念1918年拉脫維亞擺脫沙俄獨立時候起嘅，但廿年後拉脫維亞又俾蘇聯吞併，直到1990年。


↑ 自由紀念碑，過咗呢度，就系Old Town Riga。

　　里加古城同塔林差唔多，都唔系太多特有嘅野睇，主要有聖彼得大教堂、黑頭宮兩個景點比較著名。

↑都系類似嘅歐洲街道，仲冇塔林咁有特色



↑聖彼得大教堂，逢星期一閉館。作為制高點可以俯瞰全城。可惜我地第一日去剛好禮拜一，結果第二日再去多次。




↑黑頭宮。系漢薩同盟時期黑頭兄弟會嘅會所，就系當時單身商人嘅浦點，所以整得比較豪華。都有6、7百年歷史咖喇。
至於佢點解叫黑頭兄弟會、黑頭宮，就真系唔知。Google map上面，呢個地點系個好奇怪嘅單詞嚟嘅（唔知拉脫維亞文定英文），但當地人都直接叫佢black head palace。



↑黑頭宮嘅對面系市政廳




↑都話拉脫維亞多靚女，男女嚴重失衡，但我去到又真系唔覺。


↑里加古城曾經嘅火藥庫，而家嘅戰爭歷史博物館。

　　因為里加嘅Old Town其實同塔林嘅差別唔大，甚至略為失色，我地好快就睇完，然後轉戰里加中央市場，呢個市場系歐洲最大嘅市場。（雖然都唔細，但稱為歐洲最大，我就覺得歐洲真系冇乜市場囉）









↑ 市場就喺中央車站隔離，坐電車或者taxi都好方便。
市場分為室內同室外，室外嘅平d。除咗食材、生果之類，仲有d賣工藝品嘅，琥珀亦唔少。呢度先真正體現拉脫維亞消費系幾個國家之中最抵嘅。如果唔要求乜嘢包裝嘅話，絕對系買手信最佳去處。

　　當日我地自己買餸自己煮。但買完餸我就溜咗出去揾郵局，睇下郵局有冇平d嘅postcards賣，因為古城裏面嘅postcards都比較貴（同我地後嚟去嘅丹麥芬蘭都有得揮）。
　　點解揾咗幾間郵局都冇postcards，行到腳都痞，郵局剩得郵票，而且都系for寄信，好少for collection嘅。
　　PS：佢郵局都系編號嘅，好似Rigas 1.pasta nodala應該就系一號郵局嘅意思，估計系蘇聯遺留嘅特色。







↑ 郵局就冇收穫，但向Old Town Riga另一個方向行就發現街道完全另一種感覺。
從我地Matisa公寓嘅Matisa路向東北走，一號郵局所在嘅Miera iela街道（iela就系街道嘅意思），兩旁都系d殘破嘅建築，難道呢個先系Riga真正嘅一面？

　　我哋出發前就租咗AVIS，喺拉托維亞提車。

↑ 先要搭bus去機場（bus票又幾靚）





↑ 提車必須去機場，個機場好鬼細嘅，反而外面個停車場就好鬼大。


↑ 部車略細，車尾放唔到幾個箱。

　　有車就方便得多，跟住我哋嘅目的地係Jurmala沙灘，直奔波羅的海。
　　呢個沙灘有3十幾km，我哋都唔知頭唔知路，就求其去其中一段，喺一個叫做Kauguri嘅小鎮旁。後嚟先知，呢段屬於親子沙灘，bikini美女要去好多俄羅斯建築嗰段。而且沙灘係不設洗浴設施，落咗水你都唔知點沖涼。我哋扁面族都好難接受落咗海水之後冇清水沖返身，即使啲白人都係曬太陽為主，會有少數老人家同細路喺水邊玩下。








↑ 波羅的海

　（post有長度限制，所以留返下一層樓繼續……）

geniuz

　　Jurmala沙灘冇落水，所以好快就走，直接返去古城，補返聖彼得大教堂。　　聖彼得大教堂嘅年紀同呢座古城差唔多，首層系個禮拜堂，塔頂系觀景臺，可以俯瞰全城，其他樓層就唔開放嘅。
　　上塔頂嘅電梯排長龍，塔頂又逼，我地扁面族都覺得逼，何況d鬼佬喇。
　　而且咁都要9歐元
↑教堂首層

↑教堂開放時間

↑教堂介紹



↑Riga全貌

　　Riga嘅古城其實主要景點就得聖彼得大教堂同黑頭宮，其他嗰d乜嘢~三兄弟屋、貓屋都好無聊。
　　三兄弟屋純粹因為年代久遠，外表冇乜特別，裏面結構亦好普通。不過可以免費入去，有個小廳展示咗d歷史資料。
　　貓屋更加無聊，話以前有個商人由於入唔到商會，懷恨在心，將屋頂隻裝飾嘅patpat向住商會嘅門口（究竟系幾大仇恨啊？）。後嚟商會就妥協，收佢入會（個商會都好冇原則）。個商人又將貓頭向返出嚟。呢個故事講出嚟都覺得無聊。

↑貓屋

　　跟住介紹下飲食。



↑Riga嘅第一餐，雖然味道都唔差，但貌相好過味道。


↑1221，古城入面頗為出名嘅餐廳（我都系聽google講）。
傳統嘅西餐，不過都幾貴。而且當我地坐低，就發現揾咗好耐嘅地窖餐廳就喺對面，我地就好厚面皮咁話prefer to japanese food，跟住走人。


↑地窖餐廳嘅門口。其實應該有個正式嘅名，但既睇唔明又記唔住，加上網上攻略都叫佢地窖餐廳，我地亦冇深究佢真名叫乜。








↑地窖餐厅主打中世紀菜。
無論從侍應、裝潢、甚至廁所都系中世紀feel（好在個馬桶唔系），好有特色，價錢亦唔貴。不過味道就見仁見智喇，但黑嗎嗎都唔知自己食緊乜。










↑Jurmala沙灘旁邊嘅餐館，好抵食，不過芝士超級重手。




↑Old Town Riga嘅Sushi Tokyo，歐式壽司，比較怪。




↑喺Riga中央市場買嘅紀念品，價錢比較實惠。


↑喺Old Town Riga見到賣9.9歐元嘅玫瑰形琥珀，上去國內某電商平臺睇下，原來賣到7、8倍價錢。

　　拉脫維亞嘅行程就咁完結，跟住就係開住租返嚟嘅車，自駕過去立陶宛。


（拉脫維亞篇完結，下一站立陶宛……）

13534838

楼主甘好葛，可以周围去，羡慕死我了

jere99

好唔錯...去旅行時會考慮下

geniuz

13534838 发表于 2016-9-7 18:22
楼主甘好葛，可以周围去，羡慕死我了

自己假期嗻，今年d假一次放完喇

i007

支持一下

Bonanza

食物不错！！我都想尝试下！

geniuz

752lika 发表于 2016-9-8 20:37
怎么总觉得外国的天空好诶

肯定啦，都唔好話攞香港、甚至北京呢啲咁高污染嘅城市比較。。。即使同歐美其他地方比較，拉脫維亞幾個波羅的海國家嘅空氣都係特別好，

geniuz

Bonanza 发表于 2016-9-9 09:59
食物不错！！我都想尝试下！

鬼佬整嘢食比較注重賣相囉，至於味道……要食落先知。