經濟學家已計出日本人「滅絕」時間

l1407 · 发表于 2017-3-18 22:44:40

本帖最后由 l1407 于 2017-3-18 22:52 编辑

成日話香港人口老化問題直逼日本，咁到底日本人口減少、勞動力不足嘅情況，到底有幾嚴重呢？
原來，一早已經有日本經濟學家設下「人口時鐘」，顯示日本人嘅滅亡時間⋯
「人口時鐘」係由日本東北大學嘅吉田浩同石垣政裕根據生育率開發，
亦係吉田浩以前參考美國「國債鐘」而製作「人口鐘」嘅強化版，又稱「末日之鐘」。
時鐘最新去到2016年版，顯示日本人由2015年4月到2016年4月嘅生育情況，
一年內減少達12萬新增人口，依此推算，假設人口情況唔再惡化，日本人都將會於799359日之後，亦即係4205年滅亡。

係咪危言聳聽？有人睇完報導之後覺得，呢單新聞應該放娛樂版，但亦有人提出，最近日本有調查指18歲至49歲年齡層，
約一半人過去一個月都無性生活，人口問題呢個炸彈，隨時以幾何級數惡化云云。
其實，問題徵結所在係，日本男人每星期工作超過80小時，去晒OT，而女性又要面對返工定留喺屋企嘅兩難；
結果男男女女，無性生活，甚至唔結婚，最後成為一項難以解決嘅經濟結構問題。
點都好，「低生育文化」的確困擾住唔少已發展地區，例如香港就有「有樓先有仔生」嘅傳統諗法，
如果再唔改變，人類遲早會好似呢位教授個研究結論咁，會有滅亡嘅一日，到時候，呢個土地，就剩低一位業主了。

中國人開心嗎？