DSE中文卷連原作者都唔識答 考生鬧考評局走火入魔

sky000

日前開考嘅DSE中文科筆試閱讀理解，連文章作者林黛嫚睇完題目都話唔識答！

今個月9號開考嘅DSE中文科，乙部閱讀理解有兩篇文章，

包括台灣作家林黛嫚《孤獨的理由》以及李翱《命解》，

其中林黛嫚睇完啲題目，

都話「很多題我自己都不知如何答」。

佢喺FB寫道：

「我打開附檔的試題，佔分百分之七十的這部份《孤獨的理由》出了十二題，我略略看了，出題很靈活，很多題我自己都不知如何答，有空時再來試著答題。」

唔知林黛嫚做完份試題，

又有幾多係合「標準答案」呢？

但係篇文係佢寫，

邊個有資格話佢錯呢？

連原作者都摸不著頭腦，考生唔識答又有幾出奇？

有考生仲喺網上鬧考評局走火入魔。

原作者都唔識答題並非第一次發生，

2013年都發生過類似事件，

當年中文閱讀理解以本港作家黃國彬的《說誓》，

同埋台灣作家張曉風的《我交給你們一個孩子》為考材，

有線電視搵返兩位作者睇題目。

張曉風直言啲題目難答，

例如題目針對文章部分句子嘅語調及節奏，

張話佢寫嘅其實係一種感情，唔係乜嘢節奏；

另一位作者黃國彬，文章被問用咗咩寫作手法，

佢話寫作時根本冇諗咁多，

可能係乜都冇考慮，又可能係所有手法都有用，

嘩！咁邊個答案先岩？冇人知。

問題係，考評局有冇諮詢過作者呢？

冇。

標準答案個「標準」喺邊度嚟呢？

深到連作者都唔識，咁會唔會過份地為考而考？

yjdtx

正常，外国人也不会做中国的四六级考试

lewislee

DSE中文卷是香港的考卷还是台湾的，抑或是内地的？

lilychiu

只有HKEDB才能幹出這種事情來…幸好我沒有在這屆重考

Pasu

作者都唔识答咁喺考学生啲乜嘢？？
考运气？？？靠撞.......

fokdaniel

問考評局班官員攞標準答案!!!

wai008

閱讀理解是有很多可能性的,主要是看考生理解了什麼

lanjingyun

作者当时写这文字的心情是？

出题人脑洞 开

NikoKwan

所以我最憎做閱讀理解