網友票選！令人討厭的四大酒店設計

sky000

去旅行住酒店對好多朋友來講都係不二之選，除咗因為酒店設施比較齊備之外，一般來講都會比較整潔，而且又臨近市中心，對於鍾意方便嘅朋友來講真係非常之適合。不過最近就有外國網民係美國論壇Quora發起咗針對酒店設施嘅討論，內容就係圍繞一啲大家都覺得酒店非常令人討厭嘅設計，以下四件事更加係最多人同意嘅，唔知大家又覺得係唔係呢。

1.床頭櫃冇差電位

呢個世代基本上所有人出遊都會攜帶智能電話或者平板電腦等設施，大部份人都習慣咗將呢啲用品放喺張床嘅附近，如果遇上酒店嘅床頭櫃竟然冇差電位，咁就可能要另外搵地方安置電話，諗起都覺得麻煩。

2.牆上風筒得個樣

對於女士們來講沖完涼最重要嘅步驟就係吹頭，但係好多酒店所提供嘅風筒都係掛牆式，基本上就係得個樣風力完全無咁滯，如果長頭髮嘅人分分鐘要吹成半個鐘先乾，吹到中途難免想放棄。

3.WiFi 永遠要log in

而家無論去邊度旅行Wi-Fi都可以話絕對係唔少得嘅設施，尤其是對於公幹一族來講更加係重要嘅伙伴，不過有啲酒店嘅Wi-Fi下下都要你輸入密碼先可以用到，而且每次離開酒店返去又要重新log in ，如果趕住要做嘢真係令人覺得幾煩。

4.早餐又錯過了

好多朋友去旅行都鍾意瞓晏少少，不過酒店嘅早餐時間往往大概去到10點就會停止，所以懶床一族成日都會錯過，有唔少網民就反映希望酒店可以將早餐時間延長，始終點都要食返個靚早餐先有holiday Mood 。

yjdtx

那些都是土豪吧，我们出差的时候有得住都很开心了

Miao

我觉得第4很错咯 难道12点还放早餐咩

wai008

以上講的全不成立, 那是個人問題, 完全不覺有問題

wai008

Miao 发表于 2018-4-24 20:25
我觉得第4很错咯 难道12点还放早餐咩

是有的, 有些酒店會在10-2時提供早午自助餐, 食足4小時, 還是那句, 一分錢一分貨

fokdaniel

第二項不成立!!!長頭髮既我去旅行果陣都會帶風筒,吹乾長頭髮只須20分鐘!!!

lewislee

我认同电插座这点

snzt

我至憎透明厕所，唔止一个人住真系好尴尬

cmwong

我都好憎透明廁所，我還試過房間和浴室之間是塊大玻璃，但好在有可動的百葉窗，而且我一個人住。
Wi-Fi就算了，用自己的數據吧。