一个受折磨的过户过程

henry831

      7月2号，终于忙完手上的项目，有时间去将台车从父亲大人名下过户到自己名下了。于是乎提前在网上预约好，并按要求准备齐资料。今日一早就嚟到已预约好的车管所办理。首先去报到，罗到真正的预约号，派号的工作人员只是随意讲“去13号窗办理”，咁我就风风火火地奔往13号窗，到达，眼琼！！用人山人海都不为过，此时的我，其实仲係蒙下蒙下，根本唔知交警部门要求我哋呢啲办理过户的群众应该点做，于是经过三番四次咁咨询就近办理的人士，终于知道交资料前，仲要同部车影张相，于是乎，两仔爷分头行事，我继续资料排队，阿爸开车去影相。影相回执终于夹到资料上，前面仲有5台车就到我的资料录入了~~（当时10:00，正开心，估计12:00前可以搞掂）……终于到我了，录入嘅靓仔，认真审查每一份资料，后讲：“无二手车交易发票嘅？”我答：“我哋两父子过户，唔存在交易啵，去边度会有发票呢？”“你去7号窗打发票啦，打完直接俾资料我，唔使再排多次”，马上奔往7号窗，按要求填好小纸条，又一次排队~~等~~终于10:45打好发票，盛惠一百大洋，得，只要今日可以办妥，无问题！拿拿林去交钱，将新鲜滚热辣嘅发票夹上，又再一次奔向13号窗，靓仔哥哥认得我，马上帮我处理（心谂：好彩都唔耽误太多，应该12:00仲係可以完工嘅），审好，过隔离交钱，再罗资料去拓印，顺便排队检测，时间又再一分一秒地跑了~~终于连检测都完成，但已经11:45有多了，又回到车管所等签名、拍照（新旧车主拍照），发觉坑就在这里出现了，这一等，我哋中午饭要叫美团，这一等，都赶不上接我女儿放学（唯有叫屋企的母亲大人代劳），这一等，等的时间比上午所有的来回奔波仲要长，终于14:50听到叫小子我的名了！！这一声犹如天籁之音，马上飞扑柜台办理，按警官明确指出的地方签好名，拍好照，警官话：“明天过嚟拆牌，上交，咁就得啦，呢度9点开始办公，你自己就时间 过嚟办就係啦。”“好，唔该晒（心里一百万个扑~~街闪过，等咗三个几钟就係签几个名影张相！！）”
      呢个咁嘅过户过程就应该简化啦，不论工作人员定係车主，都係一个自虐嘅过程！！

wai008

7532159 发表于 2018-7-3 00:16
大家都要互相體諒

好難做到互相體諒

7532159

政府公務員向來喜歡耍太極

wai008

人多就是這樣子

R136A1

搞翻部自助服务机唔知閒唔閒嘚通

imbajk

最怕搞哩樣嗰樣手續,跑嚟跑去,等完又等.有D手續一日可以辦好就已經好開心

wai008

7532159 发表于 2018-7-2 18:44
政府公務員向來喜歡耍太極

當你是那個公務員時, 你就會知道發生什麼事了

ccdream

人各有难处，哎

GX温妮

冇老点你咪算好咯，最怕就系一次一次咁同你讲(最怕来来回回.........

yjdtx

吃一堑，长一智

水马围城

wai008 发表于 2018-7-2 19:34
人多就是這樣子

交警部门呢D嘢好多潜规则的，你自己去搞就要按正程序咁麻烦，如果出D钱搵专门搞代办的人去帮你搞，10点钟绝对可以搞掂。（另外，楼主所在交管所算系比较良心啦，一个钟就完成过线检测，我地呢度过线经常都会一次过唔到，唔系刹车唔够就系灯光唔合格，一唔系就话你尾气不合格，有时候照相都话照得唔清晰叫你重新照）；又譬如拓印这么简单的事，你自己提前拓印了都不行，一定要在他们检测站那里拓印并且用他那里提供的拓印纸才可以。所以系咁噶啦。